Logo Below Image
Thursday, July 24, 2025
Logo Below Image
Homeഅമേരിക്കവേഴാമ്പൽ (കവിത) ✍ഇടക്കുളങ്ങര ഗോപൻ

വേഴാമ്പൽ (കവിത) ✍ഇടക്കുളങ്ങര ഗോപൻ

ഇടക്കുളങ്ങര ഗോപൻ

ഞാൻ,എന്നെ നിൻ്റെ ഭാഷയിലേക്ക്
വിവർത്തനം ചെയ്യുന്നു.
ഒരു ചുംബനത്തിൻ്റെ
ശലഭസ്പർശത്താൽ,
ഓർമ്മകളുടെ പ്രണയ
കുടീരമുയർത്തും.
നിൻ്റെ നിശ്വാസത്തിൽ എൻ്റെ ഗന്ധം
തികട്ടുന്നു.
നീ, സ്നേഹത്തിൻ്റെ പിരിച്ചെഴുത്ത്.
ഒടുങ്ങാതെ പെയ്യുന്ന പെരുമഴ.
പ്രാണനിലേക്ക് ആത്മത്യാഗത്തിൻ്റെ
മണി മുഴക്കം.
എത്ര ഒഴുകിയാലാണ് ലക്ഷ്യത്തിൻ്റെ
കടൽ കാത്തുകിടക്കുന്നത്.
ഞാൻ, കാണാതെ പോയ ഒരു
വാക്കിനെ തോറ്റുകയാണ്.
വിഷാദം കൊണ്ട് വിസ്മയിപ്പിച്ച നിൻ്റെ
കണ്ണുകൾ എന്നെ കുത്തുന്നു.
നീ, കൈവിട്ടു പോയ ഒരൊളിയമ്പ്.
എൻ്റെ ഉയിര് നിനക്കു നേരെ
വിരിമാറുകാട്ടുന്നു.
കുറുകിപ്പോയൊരാവേശത്തിൽ
നീയൊരു വേഴാമ്പൽ.

ഇടക്കുളങ്ങര ഗോപൻ✍

RELATED ARTICLES

4 COMMENTS

Leave a Reply to MaryJosey Cancel reply

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments

അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ