🌺 ശുഭദിനം 🌺 – 2024 | മെയ് 25 | ശനി ✍ അർച്ചന കൃഷ്ണൻ

” ഭാവിയിലെ വിപ്ലവപ്രസ്ഥാനങ്ങൾ നിർമ്മിക്കേണ്ടത് സാമൂഹ്യശാസ്ത്രത്തിൽ നിന്നായിരിക്കണം”

സെർജിയോ ബൊളോന

ഒരു വ്യക്തി ചെയ്ത പ്രവർത്തിയെയാണോ അതോ ആ വ്യക്തിയെ ആണോ ശിക്ഷിക്കേണ്ടത്‌. ആരും ക്രിമിനലായിട്ട് ജനിക്കുന്നില്ല. ഒരാളുടെ സാഹചര്യമാണ് കുറ്റങ്ങളിലേയ്ക്ക് ഗതി മാറ്റുന്നത്. പ്രവ്യത്തിക്ക്‌ നൽകുന്ന ശിക്ഷയിൽ പരിഹാരത്തിനുള്ള മാർഗം തെളിഞ്ഞ്‌ നിൽക്കുമ്പോൾ വ്യക്തിക്ക്‌ നൽകുന്ന ശിക്ഷയിൽ പ്രതികാരത്തിന്റെ ഭാവമുണ്ടാവും. തെറ്റുകൾ ആവർത്തിക്കുന്നുണ്ടെങ്കിൽ അതിന്‌ പിന്നിൽ ശിക്ഷയുടെ ഭാഗമായി അപമാനിക്കപ്പെട്ടതിന്റെ വേദനകൾ നീറുന്നുണ്ടാവും.

ഒരാളുടെ തിരുത്തലാണ്‌ ലക്ഷ്യമെങ്കിൽ വ്യക്തിക്ക്‌ പകരം ആ ചെയ്തികളെ ശിക്ഷിക്കണം. തിരുത്താൻ മുതിരുന്നവർ, അവർ മാതാപിതാക്കളോ,അധ്യാപകരോ ആയാലും, തിരിച്ചു വരവിന്റെ സാധ്യതകൾ അവശേഷിപ്പിക്കണം. അല്ലാത്ത പക്ഷം വലിയൊരു തകർച്ചയ്ക്കാവും വളമിടുക.

ഒരാൾ എത്ര ക്രിമിനലായാലും, സ്നേഹം ആഗ്രഹിക്കുന്നയൊരു മനസ്സുണ്ടാകും. സ്നേഹിക്കാം, തള്ളിക്കളയാൻ എളുപ്പമാണ് എന്നാൽ ചേർത്തു നിർത്താൻ പ്രയാസവുമാണ്.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ