Logo Below Image
Thursday, July 17, 2025
Logo Below Image
Homeസ്പെഷ്യൽറോബിൻ പള്ളുരുത്തി അവതരിപ്പിക്കുന്ന "ലേഖയും മാഷും" (ഭാഗം - 65)

റോബിൻ പള്ളുരുത്തി അവതരിപ്പിക്കുന്ന “ലേഖയും മാഷും” (ഭാഗം – 65)

റോബിൻ പള്ളുരുത്തി

“എന്താ മാഷേ, വീട് പുതുക്കിപ്പണിയാനുള്ള പരിപാടിയാണോ ?”

“ഏയ് , അങ്ങനെ കാശ് ചെലവാകുന്ന ഒരു പരിപാടിക്കും തൽക്കാലം ഞാനില്ല ലേഖേ.”

“പിന്നെന്താ മാഷേ വീട്ടിൽ പണിക്കാരോക്കെ വന്നിരിക്കുന്നത്. ”

” ഓ അത് , മകൻ്റെ നിർബന്ധം കാരണമാണ്. ”

” അതെന്താ മാഷേ?”

” വീടിൻ്റെ നാല് ഭാഗത്തും ക്യാമറ പിടിപ്പിക്കാൻ വന്ന പണിക്കാരെയാവും താൻ കണ്ടത്. മകൻ്റെ നിർബന്ധവും അതു തന്നെയാണ്. ”

” അതിനെന്താ മാഷേ അതൊരു നല്ലകാര്യമല്ലെ ? ഒന്നുമല്ലെങ്കിലും വീട്ടിൽ അപരിചിതർ ആരെങ്കിലും വന്നാൽ അറിയാൻ കഴിയുമല്ലോ ?”

“കാര്യമൊക്കെ ശരിയാണ്. കാലത്തിനൊത്ത് നമ്മളും മാറണം. പക്ഷെ, കുറച്ച് നാൾ മുൻപുവരെ നമ്മുടെ നാട്ടിൽ അയൽക്കാർ തമ്മിലുള്ള സുഹൃദങ്ങൾ ദൃഢമായിരുന്നു എന്നാലിന്ന് പരസ്പരം വിശ്വാസമില്ലാതായിരിക്കുന്നു. അതിൻ്റെ ഏറ്റവും വലിയ ഉദാഹരണമാണ് ഈ കാണുന്ന നിരീക്ഷണ കണ്ണുകൾ. ”

“അതെല്ലാം മാഷിൻ്റെ ഓരോ തോന്നലാണ്. ക്യാമറ വെയ്ക്കുന്നതുകൊണ്ട് ആർക്കും ഉപദ്രവമൊന്നുമില്ലല്ലോ ? മാത്രവുമല്ല വിദേശത്തുള്ള മക്കൾക്ക് നാട്ടിലും വീട്ടിലുമുള്ള ദൃശ്യങ്ങൾ കാണുവാനും, വീട്ടുകാരോട് സംസാരിക്കുവാനും കഴിയുന്നതരത്തിലുള്ള ക്യാമറകൾവരെ വിപണിയിലിന്ന് സുലഭമാണ്. ചിലപ്പോൾ അത്തരത്തിൽ ഒന്നാവും മാഷിൻ്റെ വീട്ടിലും പിടിപ്പിക്കുന്നത്. അതാവുമ്പോൾ മക്കൾക്കെപ്പോൾ വേണമെങ്കിലും മാഷിനെ കാണാനും സംസാരിക്കാനും കഴിയുമല്ലോ.”

“ങ്ങ്ഹാ , ചുരുക്കിപ്പറഞ്ഞാൽ അവർക്ക് നാട്ടിൽ വരാതെ തന്നെ നാട്ടുകാര്യവും വീട്ടുകാര്യവും അറിയുവാനുള്ള സാഹചര്യമാണ് നിലവിൽ സംജാതമായിരിക്കുന്നത്. ഇനിയിപ്പോൾ നാട്ടിലുള്ള അച്ഛനമ്മമാരെ നേരിൽ വന്ന് കാണണ്ടല്ലോ മാത്രവുമല്ല വിമാനക്കൂലിയും ലാഭം.,”

“അവർക്കൊക്കെ തിരക്കാവും മാഷേ, ലീവ് കിട്ടാൻ പ്രയാസമായിരിക്കും ”

” തിരക്കുകൾ മനുഷ്യൻ്റെ കൂട്ടുകാരനാണ് തിരക്കുകൾ ഒഴിയുന്നിടത്ത് മറ്റൊരു കൂട്ടുകാരൻ മനുഷ്യന്റെ അടുത്തെത്തും, അവൻ്റെ പേരാണ് മരണം. അപ്പോചിലപ്പോൾ യാത്ര പറയാൻ പോലും നേരമുണ്ടായെന്ന് വരില്ല. എന്നതാവും യാഥാർത്ഥ്യം. ”

റോബിൻ പള്ളുരുത്തി

RELATED ARTICLES

LEAVE A REPLY

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments

അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ