ന്യൂഡൽഹി: പാകിസ്താനിലെ ഭീകരരുടെ കേന്ദ്രങ്ങൾ തകർക്കാൻ ഇന്ത്യ ഉപയോഗിച്ചത് സ്കാൽപ് മിസൈലുകള്‍. റഫാൽ ജെറ്റുകളിൽ നിന്ന് സ്കാൽപ് മിസൈലുകളും ഹാമ്മർ മിസൈലുകളുമാണ് സൈന്യം ഉപയോഗിച്ചതെന്നാണ് റിപ്പോർട്ടുകൾ. പാകിസ്താനിലെയും പാക് അധീന കശ്മീരിലെയും ഒൻപത് കേന്ദ്രങ്ങളാണ് ഇന്ത്യ തകർത്തത്. പഹൽഗാം ഭീകരാക്രമണത്തിനുള്ള മറുപടിയ്ക്ക് “ഓപ്പറേഷൻ സിന്ദൂർ “എന്നാണ് ഇന്ത്യൻ ആർമി പേരിട്ടത്
സ്കാൽപ് മിസൈലുകൾ ഉപയോഗിച്ചുള്ള ആക്രമണത്തിന് ഇന്ത്യൻ കരസേനയ്ക്കും വ്യോമസേനക്കുമൊപ്പം നാവിക സേനയും ഓപ്പറേഷന്‍റെ ഭാഗമായെന്നും റിപ്പോർട്ടുകളുണ്ട്. റഫാൽ യുദ്ധ വിമാനങ്ങളിൽ നിന്നാണ് ഇന്ത്യൻ സൈന്യം സ്കാൽപ് മിസൈലുകൾ വർഷിച്ചത്.
4,000 മീറ്റര്‍ ഉയരത്തിലുള്ള ലക്ഷ്യങ്ങള്‍ വരെ തകര്‍ക്കാന്‍ കഴിയുന്ന ദീർഘദൂര മിസൈലുകളാണ് റഫാലിൽ നിന്ന് തൊടുക്കാവുന്ന സ്‌കാല്‍പ് മിസൈലുകള്‍. 450 കിലോ പോര്‍മുന വഹിച്ച് 300 കിലോമീറ്റര്‍ ദൂരത്തില്‍ പ്രഹരിക്കാന്‍ ശേഷിയുള്ളവയാണിവ. ആകാശത്തു നിന്നു കരയിലെ ലക്ഷ്യത്തിലേക്കു തൊടുക്കുന്ന മിസൈല്‍. ഒരു വിമാനത്തിന് 2 സ്‌കാല്‍പ് മിസൈലുകള്‍ വഹിക്കാം.
യുകെയുടെ യൂറോഫൈറ്റർ ടൈഫൂൺ, ഫ്രാൻസിൻ്റെ റാഫാൽ പോലുള്ള വിമാനങ്ങളിൽ നിന്നാണ് സ്കാൽപ് മിസൈലുകൾ വിക്ഷേപിക്കുന്നത്. ഇവ തൊടുത്ത് കഴിഞ്ഞാൽ പിന്നീടു നിയന്ത്രിക്കാനോ ലക്ഷ്യം മാറ്റാനോ കഴിയില്ല. കമാൻഡ് സെൻ്ററുകൾ, എയർഫീൽഡുകൾ എന്നിവ തകർക്കാനാണ് ഇവ ഉപയോഗിക്കുന്നത്. ഇറാഖില്‍ ഐഎസ് ക്യാംപുകളില്‍ മുന്‍പ് റഫാലിലെ സ്‌കാല്‍പ് മിസൈലുകള്‍ ഉപയോഗിച്ച് ഫ്രാന്‍സ് ആക്രമണം നടത്തിയിട്ടുണ്ട്.
ഹൈലി എജൈൽ മോഡുലാർ മ്യൂണിഷൻ എക്സ്റ്റെൻഡഡ് റേഞ്ച്/എഎഎസ്എം അഥവാ ഹാമ്മർ മിസൈലുകൾ 70 കിലോമീറ്റർ വരെ പ്രഹരശേഷിയുള്ള ഒരു മീഡിയം-റേഞ്ച് എയർ-ടു-ഗ്രൗണ്ട് പ്രിസിഷൻ-ഗൈഡഡ് ആയുധമാണ്. ഒരു മോഡുലാർ കിറ്റ് ആയി രൂപകൽപ്പന ചെയ്‌തിരിക്കുന്ന ഇത് 125 കിലോഗ്രാം മുതൽ 1000 കിലോഗ്രാം വരെ ഭാരമുള്ള സ്റ്റാൻഡേർഡ് ബോംബുകളിൽ ഘടിപ്പിക്കാം.
ഇന്ത്യൻ വ്യേമസേനയിൽ റഫേലിന് പുറമെ എൽസിഎ തേജസ് യുദ്ധവിമാനങ്ങളിലും ഹാമർ മിസൈലുകൾ സംയോജിപ്പിച്ചിട്ടുണ്ട്. ജിപിഎസ്, ഇൻഫ്രാറെഡ് – ലേസർ രശ്മികൾ എന്നിവ ഘടിപ്പിച്ചിരിക്കുന്നതിനാൽ അതിൻ്റെ സഹായത്താൽ കൂറ്റൻ ലക്ഷ്യങ്ങളെ വളരെ വേഗം ഭേദിക്കാൻ സാധിക്കും. റാഫേല്‍ വിമാനങ്ങളില്‍ ഒരുസമയം ആറ് ഹാമ്മറുകൾ വരെ വഹിക്കാനാകും.
റോമി ബെന്നി
മലയാളി മനസ്സ് — ആരോഗ്യ വീഥി 
“ഇന്നത്തെ ചിന്താവിഷയം” 
സിനിമ ലോകം
വാർത്തകൾ ഒറ്റനോട്ടത്തിൽ
കുട്ടീസ് കോർണർ 
സ്ട്രോബറി പാലട 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
(മേരി ജോസി മലയിൽ,
ചിരിപ്പിക്കാം!