👬👫കുട്ടീസ് കോർണർ 👬👫 (മുപ്പത്തി എട്ടാം വാരം)

ഹായ് കുട്ടീസ്!! ഇന്ന് നമുക്ക്(A)പൊതു അറിവ് (B)നാക്കുളുക്കി
(C)പദ്യം (D)സ്റ്റാമ്പ് കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങൾ അവ വരച്ചു നോക്കു ന്നുണ്ടല്ലൊ…. ല്ലേ 😍

എന്ന് സ്വന്തം
ശങ്കരിയാന്റി.

👫A) പൊതു അറിവ്

നാനാർത്ഥം

1) ഇട – നല്ലകാലം, മദ്ധ്യസ്ഥലം, അണക്കെട്ട്, ഇടയുക

2) ഇടി – ഇടിയുക, മേഘനാദം, വിലകുറയൽ, ഇടിക്കുക

3) ഈർച്ച – അറുപ്പ്, ഒരുതരം മുള, ഈർഷ്യ

4) ഉത്തരം – വടക്ക്, പിന്നത്തെ, മുകളിലുള്ള

5) ഊറ്റം – ബലം, ധൈര്യം, അഹങ്കാരം

6) ഋതം – സത്യം, യാഗം വെള്ളം

7) ഒളി – മറവ്, കാന്തി, കീർത്തി

8) കനം – ഭാരം, ഗൗരവം, അത്യധികം

9) കപി – കുരങ്ങൻ. ആന, സൂര്യൻ

10) കമലം – താമര, ചെമ്പ്, ഔഷധം

📗📗

👫B) നാക്കുളുക്കി

കുട്ടീസ്… കഴിഞ്ഞ ആഴ്ചകളുടെ തുടർച്ച യായി ഈ വാരത്തിലും നമുക്ക് ചില വരികൾ വേഗത്തിൽ ചൊല്ലി നോക്കാം. ടങ് ട്വിസ്റ്റർ എന്ന് ഇംഗ്ലീഷിൽ പറയുന്ന കുറച്ചു നാക്കുളുക്കി വാചകങ്ങൾ വേഗത്തിൽ വായിച്ചു രസിച്ചോളൂ.. 😍കഴിഞ്ഞ ആഴ്ചകളിലെയെല്ലാം ചൊല്ലി നോക്കിയോ..?

അത്തിന്തോ തിത്തിന്തോ തക തെയ്യാ തിനിന്തോ
അത്തിന്തോ തിത്തിന്തോ തക തെയ്യാ തിനിന്തോ

അത്തിനന്തക തിന്തി നന്ദക തിന്തിനം താരോ താരാ തിനന്തക തിന്തിനന്തക തിന്തിനം താരോ താരാ

തിത്തിന്നം തേനാ തന തന്താനം തേനാ കുറു കുതികു തന്നാനം തേനാ തന തന്ത നാനോ

തന്നന്ന തന്നിന്ന താനേ തന്നന്ന തന്നിന്ന താനന
തന്നന്ന തന്നിന്ന താനേ തന്നന്ന തന്നിന്ന താനന

തനതിനാ തീ നാതി ന തിന തനതിന തിന തന്നാന

📗📗

👫C) പണ്ടേ പ്രചാരത്തിലുള്ള പദ്യങ്ങൾ(6)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിലും അമ്മയെ കുറിച്ചൊരു കവിതയാണ്‌ കുട്ടീസ്. 😍

അമ്മ

അമ്മയെന്നാദ്യം മൊഴിഞ്ഞു
ആദ്യം അരിയിൽ കുറിച്ചു
ഇമ്പത്തിൽ ‘അ ‘ ‘ആം ‘ മൊഴിഞ്ഞു
ഈണത്തിൽ ‘ക’ ‘ഖ ‘ പഠിച്ചു
ഉമ്മ തന്നമ്മയും ചൊല്ലി
ഊനം കൂടാതെ വളരാൻ
ഋതുക്കളൊളിയിട്ടു പോയി
ഋതുദേവനെന്നെ തഴുകി
എന്നോമൽ കാന്തി വളരാൻ
ഏറെയും പ്രാർത്ഥന ചെയ്തു
ഐരാവതത്തിനെ കാട്ടി
ഒപ്പം നന്ദിനി പശുവിനെ കൂട്ടി
ഓരോ കഥകളും ചൊല്ലി
ഔവ്വനിയൊക്കെയും കാട്ടി
അംബുജമാണെന്റെ ‘അമ്മ
ആരാലും സ്നേഹിക്കുമമ്മ

📗📗

👫D) സ്റ്റാമ്പിന്റെ കഥ(19)

ചേറ്റൂര്‍ ശങ്കരന്‍നായർ

2001-ൽ ഭാരതീയ തപാൽ വകുപ്പ് ഇന്ത്യയുടെ ദേശീയ പ്രസ്ഥാനത്തിൻ്റെ ഗതിയെ സ്വാധിനിക്കുകയും, രാജ്യത്തെപ്രചോദിപ്പിക്കുകയും ചെയ്ത നാല് മഹത് വ്യക്തികളുടെ സ്റ്റാമ്പുകൾ പുറത്തിറക്കി. അതിലൊന്ന് നാല് രൂപ മുഖവിലയുള്ള സ്റ്റാമ്പിൽ സി.ശങ്കരൻനായരെ ചിത്രീകരിച്ചിരുന്നു.

ഇന്ത്യന്‍ നാഷനല്‍ കോണ്‍ഗ്രസിന്റെ ഏക മലയാളി പ്രസിഡന്റും പ്രമുഖ സ്വാതന്ത്ര്യപ്രസ്ഥാന നായകനും കോടതിമുറികളില്‍ ബ്രിട്ടീഷ് സാമ്രാജ്യത്വത്തിനെതിരെ പടപൊരുതിയ നീതിയുടെ ആള്‍രൂപവുമായ സര്‍ ചേറ്റൂര്‍ ശങ്കരന്‍നായർ.

ഭാരതപ്പുഴയോരത്തെ മങ്കര ഗ്രാമത്തിലെ ചേറ്റൂര്‍ തറവാട്ടില്‍ ജനിച്ച ശങ്കരന്‍നായര്‍, നാട്ടിലെ വിദ്യാഭ്യാസത്തിനു ശേഷം 1880 ലാണ് മദ്രാസ് ഹൈക്കോടതിയില്‍ അഭിഭാഷകജീവിതത്തിന് തുടക്കം കുറിച്ചത്. മലബാര്‍ സംസ്ഥാനവുമായി ബന്ധപ്പെട്ട ഔദ്യോഗിക സമിതി അംഗമായി ബ്രിട്ടീഷ് സര്‍ക്കാര്‍ അദ്ദേഹത്തെ നിയോഗിച്ചു. ദേശീയ സ്വാതന്ത്ര്യപ്രസ്ഥാനവുമായി ഇഴ പിരിയാത്ത ബന്ധം ശങ്കരന്‍നായരെ കര്‍മോന്മുഖനാക്കിയിരുന്നു. അഡ്വക്കറ്റ് ജനറലായി പ്രവര്‍ത്തിച്ച അദ്ദേഹം 1908 മുതല്‍ 1915 വരെ ഹൈക്കോടതി ജഡ്ജിയായി സേവനമനുഷ്ഠിച്ചു. സത്യസന്ധത മുഖമുദ്രയാക്കിയതിനാല്‍ നീതിയുടെ ത്രാസില്‍ അദ്ദേഹത്തിന്റെ കൈയൊപ്പുകള്‍ വീണു. അനീതിക്കെതിരെ പോരാട്ടം കൂടുതല്‍ ശക്തമാക്കി. അത് കൊണ്ടാണ് ജാലിയന്‍വാലാബാഗിലെ ഹിംസയ്‌ക്കെതിരെ കോടതിയ്ക്കകത്തും പുറത്തും പോരാടേണ്ടി വന്നത്. ഭരണപരിഷ്‌കാര റിപ്പോര്‍ട്ടിലെ മനുഷ്യത്വവിരുദ്ധമായ ചില കരടുകളെ അദ്ദേഹം പിടിച്ചു കുടഞ്ഞു. ഗൗണിട്ട് ഈ പോരാട്ടം തുടരാനാവില്ലെന്ന് തിരിച്ചറിഞ്ഞ് വൈസ്രോയിയുടെ കൗണ്‍സിലംഗത്വം വലിച്ചെറിഞ്ഞു. ഗൗണ്‍ അഴിച്ചു വെച്ചു. പൂര്‍ണമായും കോണ്‍ഗ്രസ് രാഷ്ട്രീയത്തിലേക്കിറങ്ങി.ജോർജ്ജ് അഞ്ചാമൻ രാജാവ് സർ പദവി നൽകിയ വ്യക്തി, വൈസ്രോയിയുടെ എക്സിക്യൂട്ടീവ് കൗൺസിൽ അംഗം – എ. വൈസ്രോയിക്ക് പിന്നിൽ രണ്ടാമത്തേത്, അക്കാലത്ത് ഒരു ഇന്ത്യക്കാരന് സ്വപ്നം കാണാൻ കഴിയുന്ന ഏറ്റവും ഉയർന്ന പദവി. നായർ ഭയരഹിതനും ക്ഷുദ്രക്കാരനും എന്ന ഖ്യാതി നേടിയിരുന്നു; അദ്ദേഹത്തിന്റെ വൈദഗ്ധ്യവും രാഷ്ട്രീയ സ്വാധീനവും അദ്ദേഹത്തെ കണക്കാക്കേണ്ട ഒരു ശക്തിയാക്കി.

മദ്രാസില്‍ ആദ്യത്തെ പ്രൊവിന്‍ഷ്യല്‍ കൗണ്‍സിലംഗമായി. മഹാരാഷ്ട്രയിലെ അമരാവതിയില്‍ ചേര്‍ന്ന ചരിത്രപ്രസിദ്ധമായ കോണ്‍ഗ്രസ് സമ്മേളനത്തില്‍ അധ്യക്ഷത വഹിച്ചത് സര്‍ സി. ശങ്കരന്‍നായരായിരുന്നു. ഇന്ത്യയുടെ വിവിധ ഭാഗങ്ങളില്‍ നിന്നെത്തിയ പ്രതിനിധികള്‍, മലയാളിയായ സി. ശങ്കരന്‍ നായരെ അഖിലേന്ത്യാ കോണ്‍ഗ്രസ് കമ്മിറ്റിയുടെ പ്രസിഡന്റായി തെരഞ്ഞെടുത്തു (ആദ്യത്തേയും ഒരു പക്ഷെ അവസാനത്തേതുമായ മലയാളി കോണ്‍​ഗ്രസ്​ ദേശീയാധ്യക്ഷന്‍). മദ്രാസ് നിയമസഭാംഗമായിരിക്കെ, ലെജിസ്ലേറ്റീവ് രംഗത്തെ നിരവധി മാറ്റങ്ങള്‍ക്ക് നിയമപ്രാബല്യം നല്‍കുന്നതിന് അവിഭക്ത മദ്രാസ് സംസ്ഥാനത്തിന് അദ്ദേഹം നല്‍കിയ സംഭാവനകള്‍ വളരെ വലുതായിരുന്നു.ഗാന്ധി യുഗത്തിന്റെ ആരംഭത്തോടെ അദ്ദേഹം കോണ്‍ഗ്രസിൽനിന്നും അകന്നു.ഗാന്ധിജിയുടെനിലപാടുകളോട്,പ്രത്യേകിച്ച് നിസ്സഹകരണപ്രസ്ഥാനങ്ങളെ അദ്ദേഹം നിശിതമായി വിമര്‍ശിച്ചു.ഗാന്ധിയുടെ നിയമലംഘനസമരമുറയെ ശങ്കരൻ നായർക്ക് അംഗീകരിക്കാനായില്ല. ഭരണഘടനാധിഷ്ഠിത മാർഗ്ഗങ്ങളോടായിരുന്നു അദ്ദേഹത്തിന്റെ മമത. ഗാന്ധിജിയും അജാരകത്വവും (Gandhi and Anarchy) എന്ന പേരിൽ എഴുതിയ ഗ്രന്ഥത്തിൽ ഗാന്ധിയൻ രീതികളെ ശക്തിയായി വിമർശിച്ചിരിന്നു. സൈമണ്‍ കമ്മീഷനു മുന്‍പില്‍ ഭാരതത്തിന്റെ പുത്രികാരാജ്യപദവിക്കു വേണ്ടി ശക്തമായി വാദിച്ച അദ്ദേഹം അതു സംബന്ധിച്ച വൈസ്രോയിയുടെ പ്രഖ്യാപനം വന്നതോടെ സജീവ രാഷ്ടീയത്തിൽ നിന്നും വിരമിച്ചു.ഇന്ത്യന്‍ രാഷ്ട്രീയ- നയതന്ത്ര ശ്രേണിയില്‍ ശോഭ പരത്തി നീണ്ടു നീണ്ടുപോകുന്ന അതിവിപുലമായ ശൃംഖലയിലെ ആദ്യകണ്ണിയായ സര്‍ ചേറ്റൂര്‍ ശങ്കരന്‍ നായരുടെ ജീവിതം1934 ല്‍ 77ാം വയസ്സില്‍ അവസാനിച്ചു.

📗📗

👫E) എളുപ്പത്തിൽ ഒരു ചിത്രം വരയ്ക്കാം (22)

അവതരണം:
സൈമ ശങ്കർ
➖➖➖➖➖➖➖➖➖➖➖
👬👭👫👭👬👭👫👭👬👭