🌹 “ഇന്നത്തെ ചിന്താവിഷയം” 🌹 – 2024 | ജൂലൈ 23 | ചൊവ്വ ✍ പ്രൊഫസ്സർ എ.വി. ഇട്ടി മാവേലിക്കര

മത്സരം അവസാനിക്കട്ടെ; സൗഹൃദം വിരിയട്ടെ
———————————————————————

രണ്ടു മിഠായിക്കച്ചവടക്കാർ തമ്മിൽ ശണ്ഠയായി. അസഭ്യവർഷം കൊണ്ടൊന്നും ദേഷ്യം അവസാനിക്കാതെ വന്നപ്പോൾ, അവർ ഭരണികൾ തുറന്ന് മിഠായികൾ പരസ്പരം വലിച്ചെറിയാൻ തുടങ്ങി. ചീത്ത വിളി കേട്ടു മാറി നിന്നവരെല്ലാം അപ്പോൾ ഓടിക്കൂടി. അവിടെയൊരു മിഠായി ഉത്സവം പൊടിപാറി.

നമ്മുടെ ഉള്ളിലുള്ളതാണു പുറത്തു വരിക. ഒരാളുടെ ഉള്ളിലുള്ളതറിയാൻ, അയാളെ സമ്മർദത്തിലാക്കുക്കുകയോ, ദേഷ്യം പിടിപ്പിക്കുകയോ ചെയ്താൽ മതി. നാമോരോരുത്തരുടെയും പെരുമാറ്റം അവരവരുടെ ആന്തരികാളത്വത്തിൻ്റെ പ്രതിഫലനമായിരിക്കണം. മറ്റൊരാളുടെ ചെയ്തികളോടുള്ള പ്രതിപ്രവർത്തനമായി അത് തീരരുത്. ‘അയാൾ അങ്ങനെ ചെയ്തതു കൊണ്ട് ഞാൻ ഇങ്ങനെ ചെയ്തു’ എന്നതാണ് എല്ലാ കലഹങ്ങളുടെയും അടിസ്ഥാന ന്യായീകരണം . കുട്ടി വഴക്കുകൾമുതൽ ക്രൂര
കൊലപാതകങ്ങൾ വരെ, അവസാനം ഈ ന്യായീകരണത്തിലാണു ചെന്നെത്തുക. എന്നിലെ അപരനും, അപരനിലെ ഞാനും കണ്ടുമുട്ടുന്നിടത്താണ് വിദ്വേഷം അവസാനിക്കുക; സൗഹൃദം വിരിയുക.

എല്ലാ വഴക്കും മറ്റുള്ളവർക്കൊരു കാഴ്ചയാണ്. പണം മുടക്കാതെ കാണാനാകുന്ന ഒരു സർക്കസ്. എന്തിനാണു നമ്മുടെ വികാരങ്ങളെ പൊതു പ്രദർശനത്തിന് വിട്ടുകൊടുക്കുന്നത്? എല്ലാ മത്സരങ്ങളെയും ഇല്ലാതാക്കുന്ന മനുഷ്യത്വത്തിൻ്റെ ഉത്സവങ്ങൾ നമുക്കരങ്ങേറാം? വിദേഷത്തിൻ്റെ വിഷക്കൂട്ട് അതിലുടെ അലിഞ്ഞില്ലാതാകട്ടെ.. സൗഹൃദത്തിൻ്റെ രുചിക്കൂട്ടു്ട്ട് നുണഞ്ഞിറക്കാനുമാകട്ടെ

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര