🌹 “ഇന്നത്തെ ചിന്താവിഷയം” 🌹 – 2024 | ഓഗസ്റ്റ് |10 | ശനി ✍ പ്രൊഫസ്സർ എ.വി. ഇട്ടി മാവേലിക്കര

അപരൻ്റ അഭിമാനത്തിന് വില കല്പിക്കാം

അച്ഛനും മകനും കൂടി നടക്കുമ്പോഴാണ്  റോഡരികിലിരുന്ന് അന്ധനായ ഒരു ബാലൻ പേനകൾ വില്ക്കുന്നതു കണ്ടതത് . പല നിറത്തിലുള്ള പത്തിരുപതു പേനകൾ അവൻ്റെ കൈയ്യിലുണ്ടായിരുന്നു. സഹതാപം തോന്നിയ മകൻ പറഞ്ഞു: “അച്ഛാ, നമുക്കാ പോയി എന്തെങ്കിലും കൊടുക്കാം?”

അച്ഛൻ ആ പയ്യൻ്റെ അടുത്തുചെന്ന് അവനോട്  പേനായ്ക്ക് എന്താണു വില എന്നു ചോദിച്ചു. “ഒന്നിന് അഞ്ചു രൂപ”, ബാലൻ പറഞ്ഞു. ആ ഇരുപതു പേനയും വേണമെന്നു പറഞ്ഞു അച്ഛൻ അവനു നൂറു രൂപാ കൊടുത്ത്, അവയെല്ലാം വാങ്ങി. ആഹ്ലാദത്തോടെ ബാലൻ എഴുന്നേറ്റു പോയപ്പോൾ, മകൻ ചോദിച്ചു: “അച്ഛാ, ഇത്രയധികം പേനകൾ ഒന്നിച്ചു നമുക്കെന്തിനാ? ആ നൂറു രൂപ അല്ലാതെ അവനു കോടുത്താൽ പോരായിരുന്നോ?”

അച്ഛൻ പറഞ്ഞു: “മോനെ, അന്ധനാണെങ്കിലും, അവൻ ഭിക്ഷയെടുക്കുകയായിരുന്നില്ല; അഭിമാനത്തേടെ ഒരു ജോലി ചെയ്തു വരുമാനമുണ്ടാക്കുകയായിരുന്നു. നമ്മൾ ആ നൂറു രൂപ അവനു നേരേ കൊടുത്തിരുന്നുവെങ്കിൽ, ഒരിക്കലും അവനതു വാങ്ങുകയില്ലായിരുന്നു. ഇപ്പോൾ അവൻ, താൻ പേന വിറ്റുണ്ടാക്കിയ പണമെന്ന അഭിമാനത്തോടെയാണ് അത്കൊ ണ്ടു പോകുന്നത് “.

അവശ്യത്തിലിരിക്കുന്നവർക്കു സഹായം നൽകുന്നതു നല്ലതു തന്നെ. പക്ഷെ, സ്വീകരിക്കുന്നയാളുടെ അഭിമാനത്തിനു ക്ഷതമേൽക്കാതെയാകണം അതു ചെയ്യുവാൻ  ഗതികെട്ടവന് എന്തഭിമാനം എന്നു നമുക്കു തോന്നിയേക്കാം. എന്നാൽ, എത്ര താഴ്ന്ന നിലയിലുള്ളവർക്കും, മനസ്സും വ്യക്തിത്വവും, അവരുടേതായ അന്തസ്സു മുണ്ട് . അതു പരിഗണിച്ചു തന്നെയാകണം, സഹായങ്ങൾ നൽകാൻ. ഭിക്ഷയാണെങ്കിൽ പോലും, പുച്ഛത്തോടെ എറിഞ്ഞു കൊടുക്കുകയല്ല വേണ്ടത്. പകരം, പുഞ്ചിരിയോടെ, അവർ അർഹിക്കുന്നതു നൽകുന്നു എന്നതുപോലെ വേണം കൊടുക്കുവാൻ   അതിനേ വിലയുണ്ടാകൂ.

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര