👬👫കുട്ടീസ് കോർണർ 👬👫 (അമ്പത്തിയെട്ടാം വാരം)

ഹായ് കുട്ടീസ്!!
ഈ ആഴ്ച നമുക്ക് A)തീപ്പെട്ടി ചിത്രം കണ്ടൊരു വിശദീകരണം, B(പദ ലളിതം(വാക്കുകളെ കുറിച്ചൊരു വിശദീകരണം ),
C)സ്ഥലനാമ കഥകൾ പിന്നെ കുറച്ചു D)കടംകഥകളും,
കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങളിൽ അവ വരച്ചു നോക്കണെ ..😍

എന്ന് സ്വന്തം
ശങ്കരിയാന്റി.

👫A) തീപ്പെട്ടി ചിത്രം (3)

സൈക്കിൾ

കുട്ടീസ്….!സൈക്കിളിന്റെ ചിത്രമുള്ള ചില തീപ്പെട്ടികൾ ചേർക്കുന്നു.

മനുഷ്യാദ്ധ്വാനത്തിലൂടെ പെഡലുകൾ ഉപയോഗിച്ച് പ്രവർത്തിക്കുന്ന ഒരു ഇരുചക്രവാഹനമാണ് സൈക്കിൾ അല്ലെങ്കിൽ ബൈസിക്കിൾ.

പത്തൊമ്പതാം നൂറ്റാണ്ടിൽ യൂറോപ്പിലാണ് ആദ്യമായി സൈക്കിൾ നിർമ്മിച്ചത് പിന്നീട് ഇരുപത്തൊന്നാം നൂറ്റാണ്ടോടെ സൈക്കിൾ ലോകവ്യാപകമായി പ്രസിദ്ധനായി അന്ന് നിർമ്മിക്കപ്പെട്ട കാറുകളുടെയും മറ്റു വാഹനങ്ങളേക്കാളും കൂടുതൽ സൈക്കിൾ ആയതിനാൽ വിവിധ മേഖലകളിലെ ജനകീയ ഗതാഗത രീതിയായി സൈക്കിൾ മാറി. 1885 ൽ സ്റ്റാർലി നിർമ്മിച്ച റോവർ ആയിരുന്നു ആദ്യത്തെ ആധുനിക സൈക്കിൾ ആയി അറിയപ്പെട്ടത് പിന്നീട് സൈക്കിളുകളിൽ യാത്രാസുഖത്തിനായി പല മാറ്റങ്ങളും പ്രത്യക്ഷപെട്ടു.

ഇരുപതാം നൂറ്റാണ്ടോടെ നഗരങ്ങൾക്കുള്ളിലുള്ള തിരക്കുകൾ കുറക്കുവാൻ സെക്കിളുകൾക്ക് കഴിഞ്ഞിരുന്നു. പെട്ടന്ന് ലക്ഷ്യസ്ഥാനത്തെത്തുവാൻ ഈ വാഹനങ്ങൾ സഹായിച്ചിരുന്നു. ഇപ്പോളും സൈക്കിൾ തങ്ങളുടെ സംസ്കാരത്തിന്റെയും തലമുറകളുടെയും പൊതു സ്വത്തായി ഇന്നും നിലനിൽക്കുന്ന നാടുകൾ ഉണ്ട്. പോർച്ചുഗലിലെ ല്ലാഹോ ഇതിന് ഒരു ഉദാഹരണം ആണ്.

📗📗

👫B) പദ ലളിതം

ശാഖ

കുട്ടീസ്…
ശാഖയെന്ന പദത്തെക്കുറിച്ച് ചിന്തിക്കാം. നമ്മുടെ നാട്ടിൽ രാഷ്ട്രീയ പ്രസ്ഥാനങ്ങൾക്കും സംഘടനങ്ങൾക്കും അനേകം ശാഖകളുണ്ട്. അപ്പോൾ എന്താണ് ശാഖയെന്ന് അന്വേഷിക്കാം.ഖം എന്ന സംസ്കൃത ശബ്ദത്തിന് ആകാശ മെന്നർത്ഥം. ശ യെന്നത് ശയിക്കുന്നത് അപ്പോൾ ആകാശത്തിൽ ശയിക്കുന്നത് ശാഖ. വൃക്ഷങ്ങളുടെ ശിഖരങ്ങൾ ആകാശത്തിലാണല്ലോ ശയിക്കുന്നത്. കാലം മാറിയപ്പോൾ നിലത്ത് നിൽക്കുന്നവയും ശാഖകളായി.

📗📗

👫C) സ്ഥലനാമ കഥകൾ

കുട്ടീസ് ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ 😍

കുളക്കട

അടുർ തിരുവനന്തപുരം റോഡിൽ ഏനാത്ത് കഴിഞ്ഞാൽ കുളക്കടയായി.
കുളക്കട എന്ന പേരിനെ കുറിച്ച് വ്യക്തമായ
ഒരഭിപ്രായമില്ല.ഗോ കട കുളക്കടയായത് ആയിരിക്കാം.ഗോവ്‌ കാലികളാണല്ലോ.പണ്ട് കാലത്ത് പ്രസിദ്ധമായ കാള ചന്ത ഉണ്ടായിരുന്ന സ്ഥലമാണിത്.കുംഭം ഒന്ന് മുതൽ മൂന്ന് ദിവസം നീണ്ടു നിൽക്കുന്ന കാള ചന്ത ഇവിടെയും കുംഭം ഇരുപത് മുതൽ മുന്ന് ദിവസത്തെ കാള ചന്ത ഏനാത്തും ഉണ്ടായിരുന്നു.ഗോക്കളെ കിട്ടുന്ന സ്ഥലം ഗോക്കടയും പിന്നിട് കുളക്കടയും ആയതാവാം.

📗📗

👫D) കടങ്കഥകൾ (14)

1)ഇത്തിരി മുറ്റത്തഞ്ചു കാവല്‍ക്കാരന്‍-
കൈവിരല്‍.

2)ഇത്തിരി മുറ്റത്തഞ്ചു മുരിക്ക്, അഞ്ചു മുരിക്കിന്മേല്‍ കൊച്ചുമുരിക്ക്, കൊച്ചു മുരിക്കിന്മേല്‍ ചാന്തു കുടുക്ക-
കൈപ്പത്തി.

3)ഇത്തിരിയോളംപ്പോന്ന സഞ്ചിയിലായിരം അരിമണി-
ആമ്പല്‍ അരി.

4)ഇലയില്ലാ, കൊമ്പില്ലാ, മരത്തിന്റെ ചുവട്ടില്‍ നിന്നാല്‍ ചിലപ്പം പെറുക്കിത്തിന്നാം-
ഉരല്‍.

5)ഇല്ലത്തമ്മ കുളിച്ചു വരുമ്പോള്‍ കഞ്ഞിക്കിണ്ണം തുള്ളിതുള്ളി-
അരി തിളയ്ക്കുക.

6)ഇല്ലത്തമ്മ കുളിച്ചു വരുമ്പോള്‍ പത്തായിരം പാമ്പുകള്‍ പിന്നാലെ-
തലമുടി.

7)ഇല്ലിക്കൊമ്പത്തില്ലിക്കൊമ്പത്തീശാന്‍ മാപ്പിള തീ കായുന്നു-
മിന്നാമിനുങ്ങ്.

8)ഇവിടെ ഞെക്കിയാല്‍ അവിടെ കത്തും-
ഇലക്ട്രിക് ബള്‍ബ്.

9)ഇവിടെ ഞെക്കിയാല്‍ അവിടെ തിരിയും-
ഇലക്ട്രിക് ഫാന്‍.

10)ഇരുട്ടു കോരി വെയിലത്തിട്ടു-
എള്ള് ഉണക്കാന്‍ ഇടുക.

📗📗

👫E) എളുപ്പത്തിൽ ഒരു ചിത്രം വരയ്ക്കാം (42)

അവതരണം:

സൈമ ശങ്കർ, മൈസൂർ

➖➖➖➖➖➖➖➖➖➖➖
👬👭👫👭👬👭👫👭👬👭