👬👫കുട്ടീസ് കോർണർ 👬👫 (അമ്പത്തിയൊന്നാം വാരം) ✍സൈമ ശങ്കർ, മൈസൂർ

ഹായ് കുട്ടീസ്!! ഇന്ന് നമുക്ക് (A)മുല്ല തമാശ (B)പൊതു അറിവ്
(C)പദ്യം (D)പഴഞ്ചൊല്ലും കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങൾ അവ വരച്ചു നോക്കാറുണ്ടോ…

എന്ന് സ്വന്തം
ശങ്കരിയാന്റി.

A) ഹോജ മുല്ല തമാശ (9)

അവർക്കു വേണ്ടതു കിട്ടി

പാതിരാത്രിക്ക്‌ തന്റെ വീടിനു പുറത്ത്‌ ആരോ ശണ്ഠയിടുന്നത്‌ നസ്രുദീൻ മുല്ല കേട്ടു. ആകെയുള്ള ഒരു പുതപ്പുമെടുത്തു പുതച്ചുകൊണ്ട്‌ മുല്ല ലഹള കേട്ടിടത്തേക്കു ചെന്നു.ശണ്ഠയൊതുക്കാനുള്ള ശ്രമത്തിനിടയിൽ മറ്റു രണ്ടുപേരും പുതപ്പും തട്ടിയെടുത്ത്‌ ഓടിമറഞ്ഞു.
‘എന്തിനെച്ചൊല്ലിയായിരുന്നു അവരുടെ വഴക്ക്‌?’ മുല്ലാ മടങ്ങിച്ചെന്നപ്പോൾ ഭാര്യ ചോദിച്ചു.
‘അതാ പുതപ്പിനു വേണ്ടിയാണെന്നു തോന്നുന്നു. അതു കിട്ടിയപ്പോൾ അവരുടെ വഴക്കും തീർന്നു’.

B) പൊതു അറിവ്

കുട്ടീസ് ഈ ആഴ്ച പൊതു അറിവിൽ കഴിഞ്ഞ ആഴ്ച്ചകളുടെ തുടർച്ചയായി നാനാർത്ഥം അറിയാം… ട്ടോ.

നാനാർത്ഥം

പക്ഷം – ചിറക്,
പാർശ്വം, പകുതി.

2) പടം – ചിത്രം, വസ്ത്രം , തിരശ്ശീല

3) പതം – ഇല, ചിറക്, വർത്തമാനപ്പത്രം

4) പദം – കാൽച്ചുവട്, വാക്ക്, അടയാളം

5) പാണി – കെ, ഒരുതാളം, കാലം

6) പാദം – കാല്, നാലിലൊന്ന്, പദ്യത്തിന്റെ ഒരുവരി

7) പിടി – പെണ്ണാന, മുഷ്ടി, സ്വാധീനം

8) ബലം – ശക്തി, ശരീരം, ഇന്ദ്രിയം

9) ഭേദം – ക്ഷേമം, സ്വർണ്ണം, കറുത്ത ആമ്പൽ

10) ഭൂതം – ഭവിച്ചത്, കഴിഞ്ഞകാലം, പഞ്ചഭൂതം

C) പണ്ടേ പ്രചാരത്തിലുള്ള പദ്യങ്ങൾ(20)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിൽ ഒരു കൊച്ചു തുമ്പിയെ കുറിച്ചൊരു കവിതയാണ്‌ കുട്ടീസ്.

തുമ്പി

ഒന്നാനാം കൊച്ചുതുമ്പീ
എന്റെ കൂടേ പോരുമോ നീ

നിന്റെ കൂടേ പോന്നാലോ
എന്തെല്ലാം തരുമെനിക്ക്‌?

കളിക്കാനായ്‌ കളം തരുമേ
കുളിക്കാനായ്‌ കുളം തരുമേ
ഇട്ടിരിക്കാന്‍ പൊന്‍തടുക്ക്‌
ഇട്ടുണ്ണാന്‍ പൊന്‍തളിക
കൈ കഴുകാന്‍ വെള്ളിക്കിണ്ടി
കൈ തോര്‍ത്താന്‍ പുള്ളിപ്പട്ട്‌
ഒന്നാനാം കൊച്ചുതുമ്പീ
എന്റെ കൂടേ പോരുമോ നീ

D) പഴഞ്ചൊല്ലുകളും വ്യാഖ്യാനവും (13)

1) അങ്ങാടിപ്പിള്ളേരും കന്നാലിപ്പിള്ളേരും കൂടി ഒരുമിച്ചു കളിച്ചാൽ പറ്റില്ല:

ഉത്തരവാദിത്വങ്ങളും ചുമതലകളും ഉള്ളവർക്ക്‌ അവയില്ലാത്തവരുമായി വിനോദിച്ചു സമയം കളയാൻ പറ്റുകയില്ല.

2) അക്കര നിന്നോൻ തോണി ഉരുട്ടി:

മറ്റുള്ളവരുടെ കൈപ്പിഴ/ബുദ്ധിമോശം കാരണം സ്വന്തം പണികൾ മുടങ്ങുന്നു.

3) ഇടു കുടുക്കേ ചോറും കറിയും:

മറ്റൊന്നും അറിയണ്ട, ആവശ്യങ്ങൾ നിറവേറ്റിയിരിക്കണം എന്നു സൂചിപ്പിക്കുന്നു.

4) ഇരുന്നിട്ടു വേണം കാൽ നീട്ടാൻ:

ആവശ്യത്തിനു മുന്നൊരുക്കം നടത്തിയിട്ടുവേണം ചില കാര്യങ്ങൾ ചെയ്യാൻ എന്നു സൂചിപ്പിക്കുന്നു.

5) ഇടവം തൊട്ടു തുലാത്തോളം കുട കൂടാതിറങ്ങല്ലേ :

ഇടവമാസം തൊട്ടു തുലാമാസം വരെ കേരളത്തിൽ പൊതുവെ മഴക്കാലമാണ് എന്നു സൂചിപ്പിക്കുന്നു.

6) ഇടവപ്പാതി കണ്ട് ഓടേണ്ട, തുലാപ്പെയ്ത്തു കണ്ടു നിൽക്കേണ്ട:

ധാരമുറിയാതെ പെയ്യുന്ന ഇടവപ്പാതിമഴയത്ത് ഓടിയാലും നനയും. ഇടവിട്ടു പെയ്യുന്നതിനാൽ തുലാവർഷപ്പെയ്ത്തിൽ എവിടെയും കയറി നിൽക്കേണ്ട. നടന്നാലും അല്പമേ നനയൂ. സാരം: വലിയ ബുദ്ധിമുട്ടുകൾ ഒഴിവാക്കാൻ പറ്റില്ല. ചെറിയ ബുദ്ധിമുട്ടുകൾ സഹിച്ചാൽ നന്ന്.

7)) ഇടി വെട്ടിയവനെ പാമ്പുകടിച്ചു:

ഒന്നിനു പിറകെ മറ്റൊന്നായി ദുരിതങ്ങൾ വരിക.

8) ഇല്ലായ്മ വന്നാലും വല്ലായ്മ അരുത്:

പട്ടിണിയായാലും വേണ്ടില്ല, ആരോഗ്യം നശിക്കരുത് (അസുഖം വരരുത്)

9) എള്ളുണങ്ങുന്ന കണ്ട് നെല്ലുണങ്ങണോ :

മറ്റോരാൾ ചെയ്യുന്ന പണികണ്ട് പ്രയോജനത്തെക്കുറിച്ച് ചിന്തിക്കാതെ ആ പണി ചെയ്യുന്നതിനെ സൂചിപ്പിക്കുന്നു. എള്ളുണങ്ങിയാൽ എണ്ണ ലഭിക്കും അതുകണ്ട് നെല്ലും അതുപോലെ ഉണക്കിയിട്ടെന്തുകാര്യം എന്ന അർത്ഥം.

10) ആളുകൂടിയാൽ പാമ്പ് ചാവില്ല:

ഒരുപാട് ആളുകൾ കൂടിയാൽ വിചാരിച്ച കാര്യം നടക്കില്ല. പാമ്പിനെ കൊല്ലാൻ പോകുമ്പോൾ കുറെ ആളുകൾ ഉണ്ടായാൽ ആ ബഹളത്തിൽ പാമ്പ് എതെങ്കിലും മാളത്തിലേക്ക് രക്ഷപ്പെടും. ഒച്ചയും അനക്കവും ഇല്ലതെ പതുക്കെ പോയാലെ പാമ്പിനെ അടിക്കാനും കൊല്ലാനും പറ്റൂ. കാര്യങ്ങളുടെ ഗൗരവം അറിഞ്ഞ് പ്രവർത്തിക്കുക എന്നതാണു ഈ ചൊല്ലിന്റെ സാരാംശം.

E) എളുപ്പത്തിൽ ഒരു ചിത്രം വരയ്ക്കാം (35)

കുട്ടീസ് കോർണർ (അമ്പത്തിയൊന്നാം വാരം) സൈമ ശങ്കർ, മൈസൂർ

A) ഹോജ മുല്ല തമാശ (9)

B) പൊതു അറിവ്

C) പണ്ടേ പ്രചാരത്തിലുള്ള പദ്യങ്ങൾ(20)

D) പഴഞ്ചൊല്ലുകളും വ്യാഖ്യാനവും (13)

അവതരണം:
സൈമ ശങ്കർ, മൈസൂർ

ചിന്താ പ്രഭാതം – 2025 | ജൂലൈ 08 | ചൊവ്വ ബേബി മാത്യു അടിമാലി

“ഇന്നത്തെ ചിന്താവിഷയം” – 2025 | ജൂലൈ 08 | ചൊവ്വ പ്രൊഫസ്സർ എ.വി. ഇട്ടി മാവേലിക്കര

കുട്ടീസ് കോർണർ (എൺപത്തിരണ്ടാം വാരം) അവതരണം: സൈമ ശങ്കർ, മൈസൂർ

LEAVE A REPLY Cancel reply

Most Popular

സംസ്ഥാനത്തു സ്വർണവില പിന്നോട്ടില്ല ഇന്നലെ കുറഞ്ഞത് ഇന്ന് തിരിച്ചു കയറി

വി എസ് അച്യുതാനന്ദന്റെ ആരോഗ്യനില വിലയിരുത്താൻ വിശാല മെഡിക്കൽ ബോർഡ് ചേരും.

വീണ്ടും പാറയിടിയുന്നത് വെല്ലുവിളി; അപകടസ്ഥലത്ത് നിന്ന് ദൗത്യസംഘം താത്കാലികമായി പിന്മാറി.

ഡോക്ടറാകാനുളള ആഗ്രഹം നടന്നില്ല; ദൈവത്തിന് കത്തെഴുതിവെച്ച് യുവാവ് ജീവനൊടുക്കി.

Recent Comments

EDITOR PICKS

സംസ്ഥാനത്തു സ്വർണവില പിന്നോട്ടില്ല ഇന്നലെ കുറഞ്ഞത് ഇന്ന് തിരിച്ചു കയറി

വി എസ് അച്യുതാനന്ദന്റെ ആരോഗ്യനില വിലയിരുത്താൻ വിശാല മെഡിക്കൽ ബോർഡ് ചേരും.

വീണ്ടും പാറയിടിയുന്നത് വെല്ലുവിളി; അപകടസ്ഥലത്ത് നിന്ന് ദൗത്യസംഘം താത്കാലികമായി പിന്മാറി.

POPULAR POSTS

ഡോക്ടറാകാനുളള ആഗ്രഹം നടന്നില്ല; ദൈവത്തിന് കത്തെഴുതിവെച്ച് യുവാവ് ജീവനൊടുക്കി.

മുംബയ് ഭീകരാക്രമണത്തിൽ പാകിസ്ഥാനും പങ്ക്, സേനയുടെ വിശ്വസ്തൻ’; കുറ്റം സമ്മതിച്ച് തഹാവൂർ റാണ.

POPULAR CATEGORY

ABOUT US

FOLLOW US