🌺 ശുഭദിനം 🌺 – 2024 | ജൂൺ 20 | വ്യാഴം ✍ അർച്ചന കൃഷ്ണൻ

“ലക്ഷ്യം പിടിതരാതെ അകലും,
മനുഷ്യന്റെ പ്രവൃത്തി അതിനൊപ്പമെത്തണം”

വില്യം ഷേക്സ്പിയർ

വേനൽക്കാലത്തു അലക്കാൻ വെള്ളമില്ലായ്മയിൽ നിന്നും ഉണക്കാൻ വെയിൽ ഇല്ലായ്മയിലേക്ക് എത്ര പെട്ടെന്നാണ് ഇപ്പോൾ കാലം മാറിയത്. ഇത്രയേ വേണ്ടു സാഹചര്യം മാറി മറിയാനും. ഒരാളുടെ ഹൃദയത്തിലെ ലക്ഷ്യങ്ങൾ വലുതാണ്, എന്നാലത് കൈപ്പിടിയിൽ എത്തിക്കുന്നതിലാണ് വിജയം.

സ്വന്തം അത്യാഗ്രഹങ്ങളെ നിയന്ത്രിക്കലും അസൂയയും അഹങ്കാരവും വെറുപ്പുമില്ലാതെ ജീവിക്കലുമാണ് ശരിക്കും അത്ഭുതം. അതിനായിരിക്കണം നമ്മുടെ മത്സരം. നിറഞ്ഞ സന്തോഷത്തിൽ കഴിയുന്നവരാണ് യഥാർത്ഥത്തിൽ കോടീശ്വരന്മാർ. അവർ ചിലപ്പോൾ അയലത്തെ കുടിലിൽ പാർക്കുന്നവരാകാം.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ