🌞ശുഭദിനം🌞 | 2024 | മാർച്ച് 12| ചൊവ്വ ✍അർച്ചന കൃഷ്ണൻ

“ജന്മദിനം നമ്മൾ കരയുന്നത് കണ്ട്,
അമ്മ ചിരിക്കുന്ന നമ്മുടെ ജീവിതത്തിലെ ഒരേയൊരു ദിവസം “

ഡോ അബ്ദുൾ കലാം

അമ്മ വർണ്ണനാതീതമായ സ്നേഹത്തിന്റെ പ്രതീകമാണ്. അമ്മയുടെ സ്നേഹത്തിന്റെ മുന്നിൽ കുമ്പിടാത്ത മക്കൾ ചുരുക്കമാണ്.
ഒരു പെൺകുട്ടി ജനിക്കുമ്പോൾ മുതൽ സമൂഹം അവളെ വേലി കെട്ടി ചില ചുവരുകൾക്കുള്ളിലാക്കിയിരിക്കുകയാണ്. ആൺകുട്ടികൾക്ക് കൊടുക്കുന്ന പരിഗണന പോലും കൊടുക്കാതെ പുച്ഛത്തിൽ വളർത്തുന്നതും കാണാം. എന്നാൽ തീയിൽ കുരുത്തത് വെയിലത്തു വാടില്ലെന്നുള്ള പഴഞ്ചൊല്ല് സത്യമാക്കിയ ചില പെൺ ജീവിതങ്ങളുണ്ട്.

ജീവിത സാഹചര്യങ്ങളോട് പയറ്റി സമൂഹത്തിൽ തന്റെതായ ഇരിപ്പിടമുറപ്പിച്ച സ്ത്രീ ജീവിതങ്ങളുണ്ട്. ശൈശവത്തിലും, കൗമാരത്തിലും അച്ഛന്റെ തണലും, യൗവ്വനത്തിൽ ഭർത്താവിന്റെ സ്നേഹവും, വാർദ്ധക്യത്തിൽ മക്കളുടെ കരുതലും ആഗ്രഹിക്കുന്നതാണ് പെൺമനസ്സ്.

എല്ലാ സാഹചര്യങ്ങളിലും സഹകരിച്ചു ജീവിതം സന്തോഷത്തോടെ നയിക്കാൻ സ്ത്രീകൾക്ക് സാധിക്കും. ഒരാളുടെ ജീവിത വിജയത്തിന്റെ അടിസ്ഥാനമെന്നത് മാതാപിതാക്കൾക്ക് കൊടുക്കുന്ന ബഹുമാനത്തിനു ദൈവം കൊടുക്കുന്ന പ്രതിഫലമാണ്.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ✍