🌹 ചിന്താ പ്രഭാതം 🌹 – 2024 | മെയ് 15 | ബുധൻ

” എത്ര വെളിച്ചം പുറമേ കാണിച്ചാലും അകം ഇരുട്ടാണെങ്കിൽ എന്ത് നേട്ടം?”

ശ്രീ നാരായണ ഗുരു

നമ്മുടെ ഹൃദയം അന്ധകാരത്താൽ നിറഞ്ഞിരിക്കുന്നുവെങ്കിൽ ബാഹ്യ ലോകത്ത് എത്ര വെളിച്ചമുണ്ടായാലും അത് നമ്മുടെ ജീവിത വഴികളെ ഒട്ടും സ്വാധിനിക്കില്ല എന്ന് ഗുരുവിന്റെ വചനം നമ്മെ ഓർമ്മപ്പെടുത്തുന്നു.

പുറത്തുള്ള അറിവിന്റെ വെളിച്ചം നമ്മുടെ ഉള്ളിൽ കടക്കണമെങ്കിൽ ആദ്യം നമുക്ക് നമ്മുടെ മനസിനെ അതിനു വേണ്ടി പാകപ്പെടുത്തേണ്ടതുണ്ട്. അന്ധകാരവും അജ്ഞതയും നിറഞ്ഞ ഹൃദയം അറിവിനായി തുറക്കേണ്ടതുണ്ട്.

അറിവുകളെ ആശയമായി രൂപാന്തരപ്പെടുത്തുകയും നിലപാടുകളായി ജീവിത യാത്രയിൽ സ്വീകരിക്കേണ്ടതുമുണ്ട്.

പഴഞ്ചനായതൊക്കെ പുനർനിർമ്മിതിക്ക് വിധേയമാക്കേണ്ടതുണ്ട്കാഴ്ചകളിൽ നിന്നും കാഴ്ച്ചപ്പാടുകൾ ഉരുത്തിരിയട്ടെ .

അറിവിന്റെ കെടാവിളക്കുകൾ അണയാതെ ഹൃദയയത്തിൽ സൂക്ഷിക്കാൻ നമുക്ക് എന്നും കഴിയട്ടെ .

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍