ചെന്നൈ; കള്ളക്കുറിച്ചി വിഷമദ്യദുരന്തത്തിന്റെ ഇരകളായി ആശുപത്രിയിൽ ചികിത്സയിലുള്ളവരെ സന്ദർശിച്ച്‌ നടൻ കമലഹാസൻ. അമിത മദ്യപാനമാണ്‌ ദുരന്തത്തിനു കാരണമായതെന്നും ഇങ്ങനെയുള്ളവരെ ബോധവൽക്കരിക്കാൻ സർക്കാർ മാനസികാരോഗ്യകേന്ദ്രങ്ങൾ സ്ഥാപിക്കണമെന്നും കമലഹാസൻ പറഞ്ഞു.
കള്ളക്കുറിച്ചി ജില്ലയിലെ കരുണാപുരത്ത്‌ വിഷമദ്യം കഴിച്ച 56 പേരാണ്‌ ഇതുവരെ മരിച്ചത്‌. സംഭവത്തിനുപിന്നാലെ തിരുച്ചിറപ്പള്ളി ജില്ലയിൽ നിന്ന്‌ മാത്രം 250 ലിറ്റർ വ്യാജമദ്യം പൊലീസ്‌ പിടിച്ചെടുത്തു. സർക്കാർ ജുഡീഷ്യൽ അന്വേഷണത്തിന്‌ ഉത്തരവിട്ടിട്ടുണ്ട്‌.
