ആലപ്പുഴ; ബോട്ടിലും ബസിലും മൊബൈൽ ഫോണിലേക്ക് നോക്കിയിരിക്കുന്ന പുതുതലമുറയെ പുസ്‌തകങ്ങളിൽ തിരികെയെത്തിക്കാൻ ജലഗതാഗത വകുപ്പ് മുഹമ്മ–-കുമരകം സർവീസുകളിൽ ആരംഭിച്ച പുസ്തകത്തോണി മറ്റ്‌ ജില്ലകളിലേക്കും. ഗതാഗതമന്ത്രി കെ ബി ഗണേഷ് കുമാറിന്റെ നിർദേശപ്രകാരമാണ്‌ ജലഗതാഗത വകുപ്പിന്റെ എറണാകുളം, പാണാവള്ളി, കൊല്ലം, ആലപ്പുഴ, കോട്ടയം സ്റ്റേഷൻ കേന്ദ്രീകരിച്ചുള്ള ബോട്ട്‌ സർവീസുകളിലും പുസ്തകത്തോണി നടപ്പിലാക്കുന്നത്‌.
ജലഗതാഗത വകുപ്പിന്റെ മുഹമ്മ സ്റ്റേഷനിലെ ഫെറി ബോട്ടിൽ 2022 നവംബർ 9നാണ്‌ പദ്ധതി ആരംഭിച്ചത്‌. മുഹമ്മ എ ബി വിലാസം ഹയർ സെക്കൻഡറി സ്കൂളിലെ എൻഎസ്എസ് യൂണിറ്റാണ്‌ ആശയത്തിന്‌ പിന്നിൽ. പ്രദേശത്തെ വീടുകളിലും സ്കൂളിലുംനിന്നും ശേഖരിച്ച പുസ്തകങ്ങൾ ഉൾപ്പെടുത്തിയാണ്‌ കായൽവായനയ്‌ക്ക്‌ അവസരം ഒരുക്കിയത്‌. പുസ്തകങ്ങൾ യാത്രക്കാർക്ക് സൗജന്യമായി വായിക്കാം. ജലഗതാഗത വകുപ്പിന്റെ എസ് 52 നമ്പർ ബോട്ടിലാണ് 300 പുസ്തകങ്ങളുള്ള അലമാര സജ്ജമാക്കിയത്‌. 45 മിനിറ്റ് നീളുന്ന സംസ്ഥാനത്തെ ഏറ്റവും ദൈർഘ്യമേറിയ ഫെറി സർവീസായ മുഹമ്മ-–-കുമരകം യാത്രയിൽ മുതിർന്നവർക്കും കുട്ടികൾക്കുമായി പുസ്തകശാല ഹിറ്റായതോടെയാണ്‌ പദ്ധതി വ്യാപിപ്പിക്കാൻ തീരുമാനമായത്‌.
മന്ത്രിയുടെ നിർദ്ദേശപ്രകാരം സംസ്ഥാനത്ത്‌ സർവീസ്‌ നടത്തുന്ന മറ്റ്‌ ബോട്ടുകളിൽ അതാത് മേഖലകളിലെ സ്കൂളുകളും സന്നദ്ധ സംഘടനകളുമായി ചേർന്നാണ്‌ പദ്ധതി നടപ്പാക്കുകയെന്നും മന്ത്രി അറിയിച്ചു.
മലയാളി മനസ്സ് — ആരോഗ്യ വീഥി 
“ഇന്നത്തെ ചിന്താവിഷയം” 
പ്രൊഫസ്സർ എ.വി. ഇട്ടി മാവേലിക്കര
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
വാർത്തകൾ ഒറ്റനോട്ടത്തിൽ
ഹോളി -2025 – മാർച്ച് 14.
(മേരി ജോസി മലയിൽ,
മഹോത്സവം മാർച്ച് 13-2025. (മേരി ജോസി മലയിൽ 
ചിരിപ്പിക്കാം!