ട്രെന്റൺ, ന്യൂജേഴ്‌സി — ഗാർഡൻ സംസ്ഥാനത്തുടനീളമുള്ള ട്രാൻസിറ്റ് ഹബ്ബുകളിൽ കുടിയേറ്റക്കാരുടെ ബസുകൾ അപ്രഖ്യാപിതമായി നിർത്തിയതിനെ തുടർന്ന് തെക്കൻ അതിർത്തിയിൽ നിന്ന് കുടിയേറ്റക്കാരെ കൊണ്ടുപോകുന്ന ബസ് കമ്പനികളോട് കുറഞ്ഞത് 32 മണിക്കൂർ നോട്ടീസ് നൽകണമെന്ന് ന്യൂജേഴ്‌സി ഗവർണർ ഫിൽ മർഫി ആവശ്യപ്പെടുന്നു.
യുഎസിന്റെ തെക്കൻ ഭാഗത്തുള്ള സംസ്ഥാനങ്ങളിൽ നിന്ന് ഏകദേശം 1,800 കുടിയേറ്റക്കാർ ഡിസംബർ 31 മുതൽ ന്യൂജേഴ്‌സിയിൽ എത്തിയിട്ടുണ്ട്, അവരെല്ലാം ന്യൂയോർക്ക് സിറ്റിയിലേക്കുള്ള യാത്ര തുടരുകയാണ്.
ന്യൂയോർക്ക് സിറ്റി മേയർ എറിക് ആഡംസിന്റെ സമാനമായ ഉത്തരവിന്റെ ചുവടുപിടിച്ചാണിത്.ഈയാഴ്ച, നഗരത്തിലേക്ക് കുടിയേറ്റക്കാരെ കൊണ്ടുവരുന്ന 17 ചാർട്ടർ ബസുകൾക്കും ഗതാഗത കമ്പനികൾക്കുമെതിരെ ആഡംസ് ഒരു കേസ് പ്രഖ്യാപിച്ചു.
ചാർട്ടർ ബസ് കമ്പനികൾ കൊണ്ടുപോകുന്ന കുടിയേറ്റക്കാർക്ക് എമർജൻസി ഷെൽട്ടറും സേവനങ്ങളും നൽകുന്നതിന് കഴിഞ്ഞ 20 മാസത്തിനിടെ ഉണ്ടായ ചിലവ് നികത്താൻ സിറ്റി 708 മില്യൺ ഡോളർ ആവശ്യപ്പെടുന്നു.
റിപ്പോർട്ട്: നിഷ എലിസബത്ത് ജോർജ്ജ്
