👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2024 | നവംബർ 12 | ചൊവ്വ

ദിവസവും ഒരു വാഴപ്പഴം കഴിക്കുന്നത് മൊത്തത്തിലുള്ള ആരോഗ്യത്തിന് ഗുണം ചെയ്യും. വാഴപ്പഴത്തില്‍ ലയിക്കുന്നതും ലയിക്കാത്തതുമായ നാരുകള്‍ അടങ്ങിയിട്ടുണ്ട്. അത് കൊണ്ട് തന്നെ വിശപ്പ് കുറയ്ക്കാന്‍ സഹായിക്കും.

നാരുകള്‍ കൂടുതലുള്ള ഭക്ഷണങ്ങള്‍ ഹൃദയത്തിന് നല്ലതാണെന്ന് പറയപ്പെടുന്നു. വാഴപ്പഴം പോലുള്ള നാരുകള്‍ അടങ്ങിയ ഭക്ഷണങ്ങളുടെ ഉപയോഗം വര്‍ദ്ധിപ്പിക്കുന്നത് ഹൃദയ സംബന്ധമായ അസുഖങ്ങള്‍ക്കുള്ള സാധ്യത കുറയ്ക്കുന്നതായി യുകെയിലെ ലീഡ്‌സ് യൂണിവേഴ്‌സിറ്റി നടത്തിയ പഠനത്തില്‍ പറയുന്നു.

പൊട്ടാസ്യം, കാല്‍സ്യം, മഗ്നീഷ്യം, ഇരുമ്പ്, ഫോളേറ്റ്, നിയാസിന്‍, റൈബോഫ്ലേവിന്‍, ബി 6 തുടങ്ങിയ അവശ്യ വിറ്റാമിനുകളും ധാതുക്കളും ഇതില്‍ അടങ്ങിയിട്ടുണ്ട്. ഇവയെല്ലാം ശരീരത്തിന്റെ ശരിയായ പ്രവര്‍ത്തനത്തിനും ആരോഗ്യം നിലനിര്‍ത്തുന്നതിനും സഹായിക്കുന്നു.

വാഴപ്പഴത്തില്‍ ഇരുമ്പിന്റെ അംശം കൂടുതലായതിനാല്‍ വിളര്‍ച്ചയുള്ളവര്‍ക്ക് ഇത് നല്ലതാണ്. രക്തത്തിലെ ചുവന്ന രക്താണുക്കളുടെയോ ഹീമോഗ്ലോബിന്റെയോ എണ്ണത്തില്‍ കുറവുണ്ടാകുന്ന അവസ്ഥയാണ് അനീമിയ. ഇത് ക്ഷീണം, ശ്വാസം മുട്ടല്‍, വിളര്‍ച്ച എന്നിവയിലേക്ക് നയിക്കുന്നു. വാഴപ്പഴത്തില്‍ കുറഞ്ഞ ഗ്ലൈസെമിക് ഇന്‍ഡക്സ് (ജിഐ) ആണുള്ളത്.

പഴുക്കാത്ത വാഴപ്പഴത്തില്‍ 30 ജിഐ ആണുള്ളത്. എന്നാല്‍, പഴുത്ത വാഴപ്പഴത്തിന് 60 ജിഐ ആണുള്ളത്. ഇത് രക്തത്തിലെ പഞ്ചസാരയുടെ അളവില്‍ വലിയ വര്‍ദ്ധനവിന് കാരണമാകില്ല എന്നാണ് ഇതിനര്‍ത്ഥം. അസിഡിറ്റി മാത്രമല്ല, മലബന്ധം കുറയ്ക്കാനും വാഴപ്പഴം സഹായിക്കും. ദഹനവ്യവസ്ഥയെ ശക്തിപ്പെടുത്തുന്നതിന് നാരുകളാല്‍ സമ്പുഷ്ടമായ വാഴപ്പഴം ഗുണം ചെയ്യും.