ദീപ നായർ ബാംഗ്ലൂർ
എല്ലാവർക്കും നമസ്കാരം
കുഴിപ്പണിയാരം, വത്തപ്പം എന്നു നമ്മുടെ നാട്ടിലും പഡ്ഡു എന്ന് കർണ്ണാടകയിലും അറിയപ്പെടുന്ന ഒരു ക്യൂട്ട് പലഹാരമാണ് ഇന്നത്തെ താരം. ഞാനും അനുജത്തിയും ഇവനെ ഉപ്പപ്പം എന്നാണ് പറയാറുള്ളത്. ഉണ്ണിയപ്പം പോലുള്ള ഉപ്പുരുചിയുള്ളവൻ ഉപ്പപ്പം.
ഉപ്പപ്പം
ആവശ്യമായ സാധനങ്ങൾ
ഇഡ്ഡലിമാവ്-ഒരു ബൗൾ
സവാള-മൂന്നെണ്ണം
പച്ചമുളക്-നാലഞ്ചെണ്ണം
തക്കാളി-രണ്ടെണ്ണം
കറിവേപ്പില ചെറുതായി മുറിച്ചത്-രണ്ടു തണ്ട്
മല്ലിയില ചെറുതായി മുറിച്ചത്-ആവശ്യത്തിന്
കാരറ്റ് ഗ്രേറ്റ് ചെയ്ത്-ഒരെണ്ണം
വെളിച്ചെണ്ണ-രണ്ടു ടീസ്പൂൺ
കടുക്-1 ടീസ്പൂൺ
ഉഴുന്നുപരിപ്പ്- 1 ടീസ്പൂൺ
കടലപ്പരിപ്പ്-1 ടീസ്പൂൺ
ഉപ്പ്-അര ടീസ്പൂൺ
വെളിച്ചെണ്ണ-നാലഞ്ചു ടീസ്പൂൺ
ഉണ്ടാക്കുന്ന വിധം
ഉള്ളി, പച്ചമുളക്, തക്കാളി, ഇവ ചെറുതായി മുറിച്ച് മൈക്രോവേവ് സേഫ് പാത്രത്തിലാക്കി ഒരു ടീസ്പൂൺ വെളിച്ചെണ്ണയും ഉപ്പും ചേർത്ത് നന്നായി ഇളക്കി യോജിപ്പിച്ച് അഞ്ചു മിനിറ്റ് അവ്നിൽ വച്ച് വഴറ്റുക.
കാരറ്റ് തൊലികളഞ്ഞ് ഗ്രേറ്റ് ചെയ്തതും, മല്ലിയില, കറിവേപ്പില ചെറുതായി മുറിച്ചതും, വഴറ്റിയ ഉള്ളിക്കൂട്ടിലേക്ക് ചേർത്ത് നന്നായി ഇളക്കി യോജിപ്പിച്ച് മാവിലേക്ക് ചേർത്തിളക്കുക.
ഒരു ടീസ്പൂൺ വെളിച്ചെണ്ണയിൽ കടുക് ചേർത്ത് പൊട്ടുമ്പോൾ ഉഴുന്നുപരിപ്പ്, കടലപ്പരിപ്പ് ചേർത്ത് മൂപ്പിച്ച് മാവിലേക്ക് ചേർത്തിളക്കുക.
നോൺസ്റ്റിക് അപ്പക്കാര ചൂടാക്കി ഓരോ തുള്ളി വീതം എണ്ണയൊഴിച്ച് ചൂടാകുമ്പോൾ ഓരോ സ്പൂൺ മാവ് ഒഴിച്ച് പാകമാകുമ്പോൾ മറിച്ചിട്ട് വേവിക്കുക. മുഴുവൻ മാവും ഇതുപോലെ ചെയ്യുക.
ചൂടോടെ തേങ്ങാചട്നി കൂട്ടിക്കഴിക്കാം.
ബ്രേക്ക്ഫാസ്റ്റ് ആയും സ്നാക്സ് ആയും കഴിക്കാം ഈ കുഞ്ഞൻ പലഹാരം.
മലയാളി മനസ്സ് — ആരോഗ്യ വീഥി 
“ഇന്നത്തെ ചിന്താവിഷയം” 
സിനിമ ലോകം
വാർത്തകൾ ഒറ്റനോട്ടത്തിൽ
കുട്ടീസ് കോർണർ 
സ്ട്രോബറി പാലട 
മെയ്ദിന ഓർമ്മകൾ
കാഷ്മീർത്താഴ്വര – കണ്ണീർത്താഴ്വര
♥️പിറന്നാൾ ആശംസകൾ 
—20-4-2025.
(മേരി ജോസി മലയിൽ,
ചിരിപ്പിക്കാം!