🌺 ശുഭദിനം 🌺 — 2024 | മെയ് 12 | ഞായർ

“എല്ലാവർക്കും വേണ്ടത് സമാധാനമാണ്,
രാജാവാകാനാണ് ഭൂരിപക്ഷത്തിനുമിഷ്ട്ടം,
പിന്നെയെങ്ങിനെ ശാന്തിയുണ്ടാകും “

മാതാ അമൃതാനന്ദമയി

ചില സ്വഭാവവൈക്യതമുള്ള വ്യക്തികളെ കൂടുതലടിപ്പിച്ചാൽ പിന്നീടവർ പറയുന്നത് കേൾക്കേണ്ട അവസ്ഥ വന്നുചേർന്ന അനുഭവസ്ഥരെ കാണാം. എനിയ്ക്കായിരിക്കണം എവിടെയും അധികാര സ്ഥാനമെന്നു പറഞ്ഞു അഹങ്കാരത്തോടെ നിൽക്കുന്ന ആളുകളെയും കാണാം. പഴമൊഴിപോൽ ഒട്ടകത്തിനു ഇടം കൊടുത്തതു പോലെയെന്ന് കേട്ടിട്ടില്ലേ അതാകും അവസ്ഥ. അനുസരണ കീഴ്പ്പെടലിന്റെയും, വിനയത്തിന്റെയും, സ്നേഹത്തിന്റെയും, നന്ദിയുടെയും അടയാളപ്പെടുത്തലാണ്.

വ്യക്തികൾക്ക് ആരെയൊക്കെ അനുസരിക്കണം, ആരെയൊക്കെ അനുസരിക്കരുതെന്നും സ്വയമൊരു ധാരണയുണ്ടാകണം. കാരണം ഒരു വാക്കു കൊണ്ടോ, പ്രവ്യത്തി കൊണ്ടോ സഹായിച്ചവരെ ജീവിതത്തിലൊരിക്കലും മറക്കരുത്. നമ്മുടെ ജീവിതത്തിലും, വിശ്വാസത്തിലും അനുസരണയ്ക്ക് വലിയ പ്രാധാന്യമുണ്ട്.മക്കൾ മാതാപിതാക്കളെ അനുസരിക്കുമ്പോളാണ് അവർ ഉന്നതങ്ങളിൽ എത്തുന്നത്. അനുസരിക്കുന്നയാൾ അനുസരിപ്പിക്കുന്നവർക്ക് മുകളിൽ എല്ലായ്പ്പോഴും വരണമെന്നില്ല, ആ തിരിച്ചറിവാണ് പ്രധാനമായും വേണ്ടുന്ന ഘടകം. ഏതൊരാളും നന്മകൾ പറഞ്ഞു തന്നാലത് സ്വീകരിക്കുവാനുള്ള മനസ്സൊരുക്കമുണ്ടാകണം.

സമൂഹത്തിൽ സാമൂഹിക പരമായി നിലനിൽക്കുന്ന വ്യവസ്ഥകളോടു സമരസപ്പെടുമ്പോഴും, സ്വന്തം താത്പര്യങ്ങളും, ശീലങ്ങളും, വിശ്വാസങ്ങളും കൈവിടാതെ സൂക്ഷിച്ചു ഒരാളെപ്പോലും വേദനിപ്പിക്കുന്നവരാകരുത്. നമ്മളെ വിശ്വസിക്കുന്നവരോട് എല്ലായ്പ്പോഴും സത്യസന്ധത പുലർത്താൻ സാധിക്കട്ടെ.

സ്നേഹത്തോടെ.. സന്തോഷത്തോടെ.. എല്ലാവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ✍