🌺 ശുഭദിനം 🌺– 2024 | മെയ് 17 | വെള്ളി ✍ അർച്ചന കൃഷ്ണൻ

“നന്മ കല്പിക്കണം തിന്മ വിരോധിക്കണം “

മുഹമ്മദ്‌ നബി

നമ്മളോരാളോട് കള്ളം പറഞ്ഞാലത് നിലനിർത്താൻ വേണ്ടി ചിന്തിച്ചു നടന്നു പിന്നിടത് എന്നുമ്മോർമ്മയിലൊരു ചോദ്യം ചിഹ്നമായി മാറും. എന്നാൽ സത്യം വെളിപ്പെടുത്തി കഴിഞ്ഞാൽ പിന്നീട് അതോർത്തിരിക്കേണ്ട ആവശ്യമില്ല. കള്ളത്തരവും, കപടമുഖവും കാലതാമസം നേരിടാതെ മറനീക്കി പുറത്തു വരും. അല്ലെങ്കിൽ കാലമത് തെളിയിക്കും. ചില പോലീസ് കേസുകളിൽ കാണാം ഒരു തെളിവുമില്ലാതെ മാഞ്ഞുപോയ കേസുകൾ വർഷങ്ങൾക്കു ശേഷം ഏതെങ്കിലുമൊരു തെളിവ് അവശേഷിപ്പിച്ചു കേസ് തെളിയിക്കപ്പെടുന്നത്.

അതുപോലെ കഷ്ടപ്പെട്ടു നേടിയ നേട്ടങ്ങളുടെ തിളക്കം നാം തന്നെ നഷ്ടപ്പെടുത്തിയാലോ. എല്ലാവരും നേടിയെടുത്ത നേട്ടങ്ങൾ അതേപടി നിലനിൽക്കണമെന്നാഗ്രഹിക്കുന്നവരാണ്. അതിനായി സഹിച്ച ത്യാഗങ്ങളും, കഷ്ടപ്പാടുകളും എപ്പോഴും ഓർമ്മകളിലേക്ക് വരുന്നതുകൊണ്ട് നിലനിർത്താനും ശ്രമിക്കും. ആ ബുദ്ധിമുട്ടുകൾ മറ്റാരും അത്രത്തോളം അതിനെ അറിയണമെന്നോ, ഉൾകൊള്ളണമെന്നോയില്ല.

ഒരാൾ നേട്ടങ്ങൾക്കായി പരിശ്രമിച്ചതിനെക്കാൾ കൂടുതൽ ശ്രദ്ധയും, ത്യാഗവും വേണ്ടി വരുന്നത് അതിനെ നിലനിർത്താനായിരിക്കും. ഒരു വ്യക്തിയ്ക്ക് ലഭിച്ച സൽപ്പേർ പോകുവാൻ ചെറിയയൊരു ആരോപണം മാത്രം മതി, എന്നാലത് നിലനിർത്താൻ വളരെയധികം പ്രയാസവുമാണ്. കരുത്തും, മനശക്തിയും, ശ്രദ്ധയും, നിരീക്ഷണവും മികവോടെ നിലനിർത്തിയും ഉയർത്തിയും നേടിയത് കൈവിടാതെ സൂക്ഷിക്കാമെന്ന ഉറപ്പോടെ ജീവിക്കാം.

സ്നേഹത്തോടെ.. സന്തോഷത്തോടെ.. എല്ലാവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ