കൊച്ചി: നടന്‍ ശ്രീനാഥ് ഭാസിയുടെ ലൈസന്‍സ് ഒരു മാസത്തേക്ക് സസ്‌പെന്‍ഡ് ചെയ്തു. അപകടമുണ്ടാക്കിയതിന് ശേഷം വാഹനം നിർത്താതെ പോയ സംഭവത്തിലാണ് നടനെതിരെ എറണാകുളം ആർടിഒ നടപടിയെടുത്തത്.
മോട്ടോർ വാഹനവകുപ്പിന്‍റെ പരിശീലന ക്ലാസിൽ പങ്കെടുക്കാൻ ശ്രീനാഥ് ഭാസിക്ക് നിർദേശം നൽകി. കഴിഞ്ഞ എട്ടിന് കൊച്ചി കോര്‍പറേഷന്‍ ഓഫീസിനു മുന്നില്‍ വച്ചുണ്ടായ അപകടത്തിൽ മട്ടാഞ്ചേരി ചുള്ളിക്കല്‍ സ്വദേശി ഫഹീമിന് പരിക്കേറ്റിരുന്നു.
ഫഹീമിനെ കാര്‍ ഇടിച്ചശേഷം നിര്‍ത്താതെ പോയി എന്ന പരാതിയില്‍ വിശദമായ പരിശോധനയ്ക്ക് ശേഷമാണ് ആര്‍ടിഒ നടപടി എടുത്തത്. പോലീസ് നടത്തിയ അന്വേഷണത്തിലാണ് ശ്രീനാഥ് ഭാസിയാണ് വാഹനം ഓടിച്ചിരുന്നത് എന്ന് വ്യക്തമായത്.
