🌹 ചിന്താ പ്രഭാതം 🌹 – 2024 | സെപ്റ്റംബർ 08 | ഞായർ ✍ ബേബി മാത്യു അടിമാലി

സൗന്ദര്യം, സമ്പത്ത്, സാഹചര്യങ്ങൾ ഇവയൊക്കെ എപ്പോൾ വേണമെങ്കിലും മാറാവുന്നതാണ്. അവയുടെയൊക്കെ തിളക്കം നോക്കി ആരെയെങ്കിലും നമ്മൾ സ്നേഹിച്ചാൽ ഈ മാറ്റങ്ങളുടെകൂടെ നമ്മുടെ മനസ്സുംമാറും.
നോക്കിയും കണ്ടും നല്ലതിനെ സ്വാംശീകരിച്ചും തിന്മയെ ഒഴിവാക്കിയും ശരിയുടെ നേർപ്പാതയിൽ സഞ്ചരിക്കുക .

തെറ്റായ പാതയിലൂടെ കൂടുതൽ ആളുകളുമായി നടക്കുന്നതിനേക്കാൾ നല്ലത് നമ്മൾ കണ്ടെത്തിയ നേർവഴിയിലൂടെ തനിച്ചു നടക്കുന്നതാണ്. നമ്മുടെ നേർപ്പാതകൾ നമ്മൾ തന്നെ തിരിച്ചറിയണം.

ജീവിതം വിധിപോലെ വന്നു ഭവിക്കുന്നതാകരുത്. അത് നാം സ്വയം തീരുമാനിച്ചുറച്ച് നേടിയെടുക്കുന്നതായിരിക്കണം. മറ്റുള്ളവർക്ക് ചെയ്യാൻ കഴിയില്ല എന്ന് തോന്നുന്ന കാര്യങ്ങൾ നമ്മൾ ചെയ്യുമ്പോഴാണ് ജീവിതപ്പാതയിൽ വഴിത്തിരിവ് ഉണ്ടാവുന്നത്.

അറിഞ്ഞോ അറിയാതെയോ നാം പിന്തുടരുന്ന പാതകളും പടുത്തുയർത്തുന്ന പദ്ധതികളുമാണ് നമ്മുടെ ഭാവിദിനങ്ങൾ രൂപപ്പെടുത്തുന്നതും, ലക്ഷ്യങ്ങളെ ക്രമീകരിക്കുന്നതും.

ഏത് പരിസരത്ത് ജീവിക്കുന്നൂ, എന്തിനോട് ആഭിമുഖ്യം പുലർത്തുന്നൂ,
എന്തിന്റെ പുറകെ സഞ്ചരിക്കുന്നൂ, തുടങ്ങിയ അടിസ്ഥാന കാര്യങ്ങളാണ് നമ്മുടെ ഭാവി ജീവിതത്തെ രൂപപ്പെടുത്തുന്നത്.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി