🌹 ചിന്താ പ്രഭാതം 🌹 – 2024 | ജൂൺ 24 | തിങ്കൾ ✍ ബേബി മാത്യു അടിമാലി

നാം പലപ്പോഴും നമ്മുടെ ജീവിതം ജീവിച്ചങ്ങ് തീർക്കുകയാണ് അല്ലെ ? ജീവിതം ഒരു സുഖമുള്ള അനുഭവമായി മാറേണ്ടേ ? അതിനു നമ്മൾ എന്തു ചെയ്യണം ? ചിന്തിച്ചിട്ടുണ്ടോ ?

പഞ്ചേന്ദ്രിയങ്ങൾ , മനസ്സ് , ബുദ്ധി എന്നീ തന്ത്രികളാൽ മെനഞ്ഞ വീണ പോലെയാണ് നാം. ശ്രുതി തെറ്റാതെ ആ തന്ത്രികളെ മുറുക്കിയാലേ ദിവ്യമായ സംഗീതം നമ്മിൽ നിന്ന് ഒഴുകി വരികയുള്ളൂ.

കാത് നല്ലത് കേൾക്കണം. നാക്ക് നല്ലത് പറയണം. നല്ലത് ഭക്ഷിക്കണം. അതോടൊപ്പം വേണ്ടാത്തത് കേൾക്കാതിരിക്കുവാനും പറയാതിരിക്കുവാനുമുള്ള ശ്രദ്ധയും നാം പുലർത്തണം.

നമ്മെയും നമ്മോടു ചേർന്നിരിക്കുന്നവരോടും സ്നേഹത്തോടെ ഇടപെടണം. നമ്മുടെ ജീവിതം അപരനുവേണ്ടി കൂടിയുളളതാണ് എന്ന് തിരിച്ചറിയണം.

ശുദ്ധവായു ശ്വസിക്കാനുള്ള അന്തരീക്ഷമുണ്ടാകണം അതിന് പ്രകൃതിയെ നാം വിശുദ്ധിയോടെ പരിപാലിക്കണം.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍