കോളേജ് ഓഫ് ഫൈൻ ആർട്സ്
കേരളത്തിലെ തിരുവനന്തപുരം നഗരത്തിലെ ഒരു ലളിതകലാലയമാണ് കോളേജ് ഓഫ് ഫൈൻ ആർട്സ് ( College of Fine Arts Trivandrum ).ഇത് കേരള സർക്കാരിന്റെ പ്രധാന സ്ഥാപനങ്ങളിലൊന്നാണ്. ഡിടിഇ തിരുവനന്തപുരം ഭരിക്കുന്ന ഈ കോളേജ് ഫൈൻ ആർട്‌സിൽ ബാച്ചിലർ, മാസ്റ്റർ ഡിഗ്രി കോഴ്‌സുകൾ വാഗ്ദാനം ചെയ്യുന്നു.
കോളേജിലെ ഇന്റഗ്രേറ്റഡ് ബിഎഫ്എ കോഴ്സിൽ പ്രവേശനത്തിനായി ഡിടിഇ വാർഷിക പൊതു പ്രവേശന പരീക്ഷ (ആപ്റ്റിറ്റ്യൂഡ് ടെസ്റ്റ്) സംഘടിപ്പിക്കുന്നു. എല്ലാ കോഴ്‌സുകളിലും സർക്കാരിന്റെ സ്റ്റാൻഡേർഡ് റിസർവേഷൻ പോളിസികൾ ബാധകമാണ്.
1888-ൽ തിരുവിതാംകൂർ മഹാരാജാവാണ് ഈ കോളേജ് സ്ഥാപിച്ചത്, ഡ്രോയിംഗ്, പെയിന്റിംഗ്, കരകൗശല വിദ്യകൾ എന്നിവയിൽ കോഴ്‌സുകൾ നടത്തുന്ന ഒരു സ്കൂൾ ഓഫ് ആർട്ട്സ് എന്ന നിലയിലാണ് ഇത്. 1975-ൽ ഇത് കോളേജായി അപ്ഗ്രേഡ് ചെയ്യുകയും അപ്ലൈഡ് ആർട്ട്, പെയിന്റിംഗ്, ശിൽപം എന്നിവയിൽ ബിരുദ കോഴ്‌സുകൾ വാഗ്ദാനം ചെയ്യുകയും കേരള സർവകലാശാലയുമായി അഫിലിയേറ്റ് ചെയ്യുകയും ചെയ്തു. പബ്ലിക് ലൈബ്രറിക്കും യൂണിവേഴ്സിറ്റി സ്റ്റേഡിയത്തിനും സമീപം പട്ടണത്തിന്റെ ഹൃദയഭാഗത്ത് സ്ഥിതി ചെയ്യുന്ന വിക്ടോറിയൻ ശൈലിയിലുള്ള കോളേജ് പലപ്പോഴും ആർട്ട് എക്സിബിഷനുകളുടെ വേദിയാണ്.
ചിത്രരചന, ശില്പകല, പ്രായോഗിക ഭാവനാസൃഷ്ടി എന്നിങ്ങനെ ഇവിടെ തൊഴിൽപരമായ ബിരുദ പഠനത്തിന്‌ (Bachelor of fine Arts (BFA)) വിശാലാടിസ്ഥനത്തിൽ മൂന്ന് നിഷ്ഠകളുണ്ട്. ഒരോ കോഴ്സും നാലു വർഷം ദൈർഘ്യമുള്ളതാണ്‌. പരീക്ഷകൾ നടത്തുന്നത് കേരളാ സർ‌വ്വകലാശാലയാണ്‌.
ഇതിന്റെ ചരിത്രം ഇങ്ങനെയാണ്.ശ്രീ. കെ. നാരായണ അയ്യരെ മദ്രാസിലെ സ്കൂൾ ഓഫ് ആർട്സിന്റെ പ്രവർത്തനത്തെക്കുറിച്ച് പഠിക്കാൻ അയച്ചു. അടുത്ത വർഷം പകുതിയോടെ തിരിച്ചെത്തിയ അദ്ദേഹം തിരുവനന്തപുരത്ത് പുതുതായി ആരംഭിച്ച സ്കൂൾ ഓഫ് ആർട്സിന്റെ പ്രഥമ സൂപ്രണ്ടായി നിയമിതനായി. വിമൻസ് കോളേജിന് സമീപം വഴുതക്കാട് എന്ന സ്ഥലത്താണ് കെ.നാരായണയ്യർ താമസിച്ചിരുന്നത്. എം.ആർ.മാധവൻ ഉണ്ണിത്താൻ 1920-കളിൽ സ്ഥാപനത്തിന്റെ തലവനായിരുന്നു. 1920 മുതൽ 1930 വരെ അദ്ദേഹം സൂപ്രണ്ടായിരുന്നു. അദ്ദേഹത്തിന് ശേഷം ടി എസ് ശേഷാദ്രിയെ സൂപ്രണ്ടായി നിയമിച്ചു.എണ്ണച്ചായ ചിത്രങ്ങൾക്കും ഛായാചിത്രങ്ങൾക്കും ഏറെ പ്രശസ്തനായ തിരുവിതാംകൂർ കൊട്ടാര കലാകാരനായിരുന്നു ശേഷാദ്രി.തുടക്കത്തിൽ സ്കൂൾ ഡ്രോയിംഗ്, പെയിന്റിംഗ് എന്നീ കോഴ്‌സുകളും കരകൗശല വസ്തുക്കളുടെ മൂന്ന് വിഷയങ്ങളായ ആനക്കൊമ്പ്, മൺപാത്ര നിർമ്മാണം, സ്മിത്തറി എന്നിവയും ആണ് ഉണ്ടായിരുന്നത്.രണ്ട് വർഷത്തെ ജൂനിയർ കോഴ്സും രണ്ട് വർഷത്തെ സീനിയർ കോഴ്സും.1930 കളിൽ പോലും ഫ്രീഹാൻഡ് ഡ്രോയിംഗിൽ ഒരു പ്രവേശന പരീക്ഷ ഉണ്ടായിരുന്നു. തിരഞ്ഞെടുത്ത വിദ്യാർത്ഥികൾക്ക് 1930-കളിൽ ജൂനിയർ കോഴ്‌സിന് 5/- രൂപയും സീനിയർ കോഴ്‌സിന് 7/- രൂപയും സ്‌കോളർഷിപ്പ് നൽകി. വിദ്യാഭ്യാസ വകുപ്പിന്റെ കീഴിലായിരുന്ന ഇത് 1930-കളിൽ വിദ്യാഭ്യാസ വകുപ്പിന്റെ പ്രതിഷേധം അവഗണിച്ച് വ്യവസായ വകുപ്പിന്റെ കീഴിലാക്കി.തിരുവിതാംകൂർ സർവ്വകലാശാല നിലവിൽ വന്നപ്പോൾ അത് സർവ്വകലാശാലയുടെ കീഴിലായി. 1957-ൽ, കേരളത്തിൽ ആദ്യമായി ജനാധിപത്യപരമായി തിരഞ്ഞെടുക്കപ്പെട്ട സർക്കാർ രൂപീകരിച്ചതിനുശേഷം , സ്കൂൾ ഓഫ് ആർട്സ് സാങ്കേതിക വിദ്യാഭ്യാസ ഡയറക്ടറേറ്റിന്റെ കീഴിലായി. 1975-ൽ ഈ വിദ്യാലയം കോളേജ് ഓഫ് ഫൈൻ ആർട്‌സായി ഉയർത്തപ്പെടുകയും കേരള സർവകലാശാലയുമായി അഫിലിയേറ്റ് ചെയ്യുകയും ചെയ്തു . 2001-ൽ കോളേജ് അതിന്റെ രജതജൂബിലി വർഷം പ്രദർശനങ്ങൾ, സെമിനാറുകൾ, ശിൽപശാലകൾ എന്നിവയോടെ ആഘോഷിച്ചു.
കൃഷ്ണ കെ. ഹെബ്ബാർ,
നാരായൺ ശ്രീധർ ബേന്ദ്രെ,
ഗുലാം മുഹമ്മദ് ഷെയ്ഖ്,
കെ.ജി.സുബ്രഹ്മണ്യൻ,
എ.രാമചന്ദ്രൻ,
ആർ.ശിവകുമാർ,
ജോർജ് മാർട്ടിൻ, പി.ജെ
അജി, വി.എൻ
ഹരീന്ദ്രൻ, ടി.കെ
എൻ.,എൽ ബാലകൃഷ്ണൻ,
എസ്.സുരേഷ് ബാബു……വർഷങ്ങളായി രാജ്യത്തെ നിരവധി വിശിഷ്ട കലാകാരന്മാരും കലാ അധ്യാപകരും കോളേജിനെ പരിപോഷിപ്പിച്ചിട്ടുണ്ട്.
എനിക്ക് ഈ കോളേജുമായി വ്യക്തിപരമായി ഒരു ബന്ധം പിന്നീടുണ്ടായി. കലാപരമായ കഴിവുകൾ ഒന്നും തന്നെ ഇല്ലാതിരുന്ന ഞാനീ കോളേജ് തിരുവനന്തപുരത്ത് വന്ന നാൾ മുതൽ കാണുന്നുണ്ടെങ്കിലും അതിനകത്ത് ഒരിക്കൽപോലും പോലും കയറിയിരുന്നില്ല. 2000 ആണ്ടിൽ പ്രവാസജീവിതം അവസാനിപ്പിച്ച് തിരുവനന്തപുരത്ത് സ്ഥിരതാമസത്തിന് എത്തിയപ്പോഴാണ് എൻറെ ഹസ്ബൻഡ് എന്നോട് ഈ കോളേജിനെ പറ്റി പറയുന്നത്, അപ്പോഴാണ് ഞാനിത് ശ്രദ്ധിക്കുന്നത് തന്നെ.
ചിത്രകാരനായ അദ്ദേഹം പ്രീഡിഗ്രി പഠനം കഴിഞ്ഞപ്പോൾ തന്നെ തിരുവനന്തപുരത്തെ ഈ കോളേജിൽ ചേരണം എന്ന് പറഞ്ഞ് വാശിപിടിക്കുകയും അച്ഛൻറെ ഉഗ്ര ശാസനയ്ക്ക് മുമ്പിൽ പിടിച്ചു നിൽക്കാൻ വയ്യാതെ ആലപ്പുഴയിൽ തന്നെ ബിരുദപഠനത്തിന് ചേരുകയുമാണത്രേ ഉണ്ടായത്. ഏതായാലും പിന്നീട് പലതവണ അദ്ദേഹത്തോടൊപ്പം പല എക്സിബിഷനുകളും കാണാനായി ഞാൻ ഇവിടെ പോകാൻ തുടങ്ങി.
അനന്തപുരിയിലെ മറ്റൊരു വർണ്ണകാഴ്ചയുമായി അടുത്തയാഴ്ച…..
മേരി ജോസി മലയിൽ✍തിരുവനന്തപുരം
