ദീപ നായർ, ബാംഗ്ലൂർ തയ്യാറാക്കിയ പാചക പംക്തി
എല്ലാവർക്കും നമസ്കാരം
എൻ്റെ മക്കൾക്ക് സാമ്പാർ ഫേവറിറ്റ് ആണ്. പക്ഷേ കഷണങ്ങൾ ഇല്ലാതെ വേണം. അങ്ങനെ ഒരു ഐഡിയ തോന്നി ഉണ്ടാക്കിയ വെറൈറ്റി സാമ്പാർ ആണ് ബജി സാമ്പാർ.
ബജി സാമ്പാർ
സാമ്പാറിന് ആവശ്യമായ സാധനങ്ങൾ 
ബജിക്ക്
കടലമാവ് – 150 ഗ്രാം
കായപ്പൊടി – 1/4 ടീസ്പൂൺ
മുളകുപൊടി – 1/2 ടീസ്പൂൺ
ഉപ്പ് – പാകത്തിന്
വെള്ളം – ആവശ്യത്തിന്
എണ്ണ – വറുക്കാൻ ആവശ്യമായത്
കടലമാവിലേക്ക് ഉപ്പ്, മുളകുപൊടി, കായപ്പൊടി ഇവ ചേർത്തിളക്കി വെള്ളമൊഴിച്ച് കട്ടയില്ലാതെ മാവ് തയ്യാറാക്കി ചൂടായ എണ്ണയിൽ ഓരോ കുഞ്ഞു സ്പൂൺ വീതം കോരിയിട്ടു വറുത്തു കോരുക.
സാമ്പാറിന് ആവശ്യമായ സാധനങ്ങൾ
– 150 ഗ്രാം
തുവരപ്പരിപ്പ് – 1/4 കപ്പ്
വെളിച്ചെണ്ണ – 1 ടീസ്പൂൺ
വെള്ളം – 3/4 കപ്പ്
മഞ്ഞൾ പൊടി -1/4 ടീസ്പൂൺ
ഉപ്പ് – അഭിരുചിക്കനുസരിച്ച്
സാമ്പാർ പൊടി – 3 ടീസ്പൂൺ
പുളി പിഴിഞ്ഞത് – 1/4 കപ്പ്
തേങ്ങ – 1/4 കപ്പ്
വെളിച്ചെണ്ണ – 2 ടീസ്പൂൺ
കറിവേപ്പില – 1 തണ്ട്
വറുത്തുകൊട്ടാൻ
വെളിച്ചെണ്ണ – 2 ടീസ്പൂൺ
കടുക് – 1 ടീസ്പൂൺ
കായപ്പൊടി – 1/4 ടീസ്പൂൺ
ചുവന്ന മുളക് – 2 എണ്ണം
കറിവേപ്പില – 1 തണ്ട്
ഉണ്ടാക്കുന്ന വിധം
തുവര പരിപ്പ് വെള്ളവും ഒരു ടീസ്പൂൺ വെളിച്ചെണ്ണയും ചേർത്ത് പ്രഷർ കുക്ക് ചെയ്യുക.
കഡായിയിൽ വെളിച്ചെണ്ണ ചൂടാക്കി തേങ്ങയും കറിവേപ്പിലയും ചേർത്ത് ഗോൾഡൻ ബ്രൗൺ വരെ വറുത്ത് സ്റ്റൗവിൽ നിന്നും മാറ്റുക. ഇനി സാമ്പാർ പൊടി ചേർത്ത് നന്നായി ഇളക്കി തണുത്തതിനു ശേഷം അല്പം വെള്ളം ചേർത്ത് നല്ല മയത്തിൽ അരച്ചെടുക്കുക.
വേവിച്ച പരിപ്പിലേക്ക് വറുത്തു വച്ചിരിക്കുന്ന ബജി, മഞ്ഞൾപ്പൊടി, ഉപ്പ് എന്നിവ ചേർത്തിളക്കി തിളപ്പിക്കുക.
പുളിവെള്ളം ചേർത്ത് ഇത് നന്നായി തിളപ്പിക്കുക.
ഇനി തേങ്ങ അരച്ചതും ചേർത്ത് നന്നായി തിളക്കാൻ അനുവദിക്കുക. കുറച്ച് കറിവേപ്പില ചേർത്തിളക്കി സ്റ്റൗവ് ഓഫ് ചെയ്ത് കൂട്ടാൻ അടച്ച് വയ്ക്കുക.
വെളിച്ചെണ്ണ ചൂടാക്കി കടുക് പൊട്ടിച്ച് കായവും കറിവേപ്പിലയും, ചുവന്ന മുളകും ചേർത്ത് മൂപ്പിച്ച് സാമ്പാറിലേക്ക് ഒഴിക്കുക.
നല്ല രുചിയും, മണവും ഗുണവും ഉള്ള ബജി സാമ്പാർ വിളമ്പാൻ തയ്യാറാണ്.
അപ്പോ എങ്ങനെയാണ്, ഇഡ്ഡലിയുടെ കൂടെ വിളമ്പണോ അതോ വടയുടെ കൂടെ വേണോ. പൊങ്കൽ സാമ്പാറും ആണെങ്കിലും സൂപ്പർ ആണ് ട്ടോ. ഉച്ചയൂണ് കേമമാക്കാനും ബജി സാമ്പാർ കേമനാണേ. ബജി സാമ്പാർ ചായയോടൊപ്പം കഴിച്ചു നോക്കൂ, അടിപൊളിയാണന്നേ.
വാർത്തകൾ ഒറ്റനോട്ടത്തിൽ
മലയാളി മനസ്സ് — ആരോഗ്യ വീഥി 
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
ഹോളി -2025 – മാർച്ച് 14.
(മേരി ജോസി മലയിൽ,
മഹോത്സവം മാർച്ച് 13-2025. (മേരി ജോസി മലയിൽ 
ചിരിപ്പിക്കാം!