📱വാർത്തകൾ ഒറ്റനോട്ടത്തിൽ📱 – 2024 | ജൂലൈ 25 | വ്യാഴം ✍ കപിൽ ശങ്കർ

🔹മിനിമം താങ്ങുവില വിഷയത്തില്‍ തങ്ങളുടെ ആവശ്യങ്ങള്‍ പാലിക്കപ്പെടുന്നില്ലെങ്കില്‍ ഡല്‍ഹിയിലേക്കു വീണ്ടും മാര്‍ച്ച് നടത്തുമെന്നു കര്‍ഷകര്‍. ലോക്സഭാ പ്രതിപക്ഷ നേതാവ് രാഹുല്‍ ഗാന്ധിയുമായി നടത്തിയ കൂടിക്കാഴ്ചയ്ക്ക് ശേഷമാണു കര്‍ഷകരുടെ പ്രതികരണം. പാര്‍ലമെന്റിലെ രാഹുല്‍ ഗാന്ധിയുടെ ഓഫീസില്‍ വെച്ചായിരുന്നു കൂടിക്കാഴ്ച. മിനിമം താങ്ങുവില ഉയര്‍ത്തുക, അതിന് നിയമ പരിരക്ഷ നല്‍കുക തുടങ്ങിയ കര്‍ഷകരുടെ ദീര്‍ഘകാല ആവശ്യങ്ങള്‍ നടപ്പാക്കാന്‍ സ്വകാര്യ ബില്‍ പാര്‍ലമെന്റ് അവതരിപ്പിക്കണമെന്നു കര്‍ഷകര്‍ രാഹുലിനോട് ആവശ്യപ്പെട്ടെന്നാണ് റിപ്പോര്‍ട്ടുകള്‍.

🔹കര്‍ണാടകയിലെ ഷിരൂരില്‍ മണ്ണിടിച്ചിലില്‍ കാണാതായ കോഴിക്കോട് സ്വദേശി അര്‍ജുന് വേണ്ടിയുള്ള തിരച്ചില്‍ നിര്‍ണായക ഘട്ടത്തിലേക്ക്. അര്‍ജുന്റെ ലോറി ഗംഗാവലി നദിയില്‍ ഉണ്ടെന്ന് പോലിസ് സ്ഥിരീകരിച്ച സാഹചര്യത്തില്‍ ട്രക്കിനുള്ളില്‍ അര്‍ജുന്‍ ഉണ്ടോയെന്ന് സ്ഥിരീകരിക്കുന്നതിനാണ് പ്രഥമ പരിഗണന. എന്നാൽ പുഴയിൽ അടിയൊഴുക്ക് ശക്തമായതിനാൽ മുങ്ങൽ വിദഗ്ധർക്ക് പുഴയിൽ ഇറങ്ങാൻ കഴിയുന്നില്ലെന്ന് നാവികസേന വ്യക്തമാക്കി.

🔹ജസ്റ്റിസ് അലക്സാണ്ടര്‍ തോമസിനെ മനുഷ്യാവകാശ കമ്മീഷന്‍ ചെയര്‍ പേഴ്സണായി നിയമിക്കാനുള്ള ശുപാര്‍ശ ഗവര്‍ണര്‍ ആരിഫ് മുഹമ്മദ് ഖാന്‍ അംഗീകരിച്ചു. കേരള ഹൈക്കോടതി മുന്‍ ആക്റ്റിങ് ചീഫ് ജസ്റ്റിസ് ആയിരുന്നു അദ്ദേഹം. മുഖ്യമന്ത്രി, സ്പീക്കര്‍, പ്രതിപക്ഷ നേതാവ് എന്നിവരടങ്ങിയ ഉന്നതതല സമിതി ഏകകണ്ഠമായാണ് ജസ്റ്റിസ് അലക്സാണ്ടര്‍ തോമസിന്റെ പേര് ഗവര്‍ണര്‍ക്ക് കൈമാറിയത്.

🔹കെട്ടിട നിര്‍മ്മാണ പെര്‍മ്മിറ്റ് ഫീസ് കുറയ്ക്കാന്‍ സര്‍ക്കാര്‍ തീരുമാനം. 60% വരെയാണ് ഫീസ് നിരക്കുകളിലുണ്ടാവുന്ന കുറവ്. 81 സ്‌ക്വയര്‍ മീറ്റര്‍ മുതല്‍ 300 സ്‌ക്വയര്‍ മീറ്റര്‍ വരെ വിസ്തീര്‍ണമുള്ള വീടുകള്‍ക്ക് ചുരുങ്ങിയത് അന്‍പത് ശതമാനമെങ്കിലും പെര്‍മ്മിറ്റ് ഫീസ് കുറയ്ക്കുന്ന രീതിയിലാണ് പുതിയ നിരക്ക്. പുതിയ നിരക്കുകള്‍ ആഗസ്റ്റ് 1 മുതല്‍ നിലവില്‍ വരും. അതേസമയം കെട്ടിട നിര്‍മാണ പെര്‍മിറ്റ് ഫീസ് കുറയ്ക്കാന്‍ സര്‍ക്കാര്‍ തീരുമാനിച്ചതിന് പിന്നാലെ കെട്ടിട നിര്‍മാണ പെര്‍മിറ്റ് ഫീസായി നേരത്തെ അടച്ചവര്‍ നല്‍കിയ അധിക തുക തിരിച്ചുനല്‍കുമെന്നും മന്ത്രി എം.ബി. രാജേഷ് പറഞ്ഞു.

🔹പാലക്കാട് ഡിവിഷന്‍ വിഭജിക്കാന്‍ നീക്കം എന്ന വാര്‍ത്ത പൂര്‍ണമായും തള്ളി കേന്ദ്ര മന്ത്രി അശ്വിനി വൈഷ്ണവ് . ഇത്തരം അഭ്യൂഹങ്ങള്‍ ഒരിക്കലും വിശ്വസിക്കരുതെന്നും മന്ത്രി നിര്‍ദ്ദേശിച്ചു. മന്ത്രിയാണ് പറഞ്ഞത് എന്ന് മാധ്യമ പ്രവര്‍ത്തകര്‍ പറഞ്ഞപ്പോള്‍, മന്ത്രിക്ക് എവിടെ നിന്ന് കിട്ടി എന്ന് ചോദിക്കണം എന്നായിരുന്നു അശ്വിനി വൈഷ്ണവിന്റെ മറുപടി.

🔹ഉല്‍പ്പന്നത്തിന്റെ നിര്‍മ്മാണം നിര്‍ത്തിയാലും,നിര്‍മാതാക്കളുടെ ഉത്തരവാദിത്വമാണ് സ്പെയര്‍ പാര്‍ട്സുകള്‍ ലഭ്യമാക്കേണ്ടതതെന്ന് ഉപഭോക്തൃ തര്‍ക്ക പരിഹാര കോടതി. ഉല്‍പ്പന്നങ്ങളുടെ സ്പെയര്‍ പാര്‍ട്സുകള്‍ വിപണിയില്‍ ലഭ്യമാക്കാനുള്ള നിയമപരമായ ബാധ്യത നിര്‍മാതാക്കള്‍ക്കുണ്ടെന്ന് എറണാകുളം ജില്ല ഉപഭോക്തൃ തര്‍ക്ക പരിഹാര കോടതി ഉത്തരവിട്ടു.

🔹കേരളത്തില്‍ എയിംസ് പ്രഖ്യാപിക്കാത്തത് സംസ്ഥാനം സ്ഥലം ഏറ്റെടുത്ത് നല്‍കാത്തത് കൊണ്ടെന്ന കേന്ദ്രമന്ത്രി സുരേഷ് ഗോപിയുടെ വാദം തെറ്റെന്ന് റിപ്പോര്‍ട്ടുകള്‍. സംസ്ഥാന സര്‍ക്കാര്‍ പുറത്തുവിടുന്ന കണക്കുകള്‍ ഇത് വ്യക്തമാക്കുന്നു. കോഴിക്കോട് കിനാലൂരില്‍ 250 ഏക്കറോളം ഭൂമി പദ്ധതിക്കായി ഏറ്റെടുക്കാനുള്ള നടപടികള്‍ അന്തിമ ഘട്ടത്തിലാണ്. സംസ്ഥാനത്ത് തന്നെ മറ്റൊരിടത്ത് എയിംസ് കൊണ്ടുവരാനുള്ള സുരേഷ് ഗോപിയുടെ താല്പര്യമാണ് യഥാര്‍ത്ഥ പ്രശ്നം എന്നും റിപ്പോര്‍ട്ടുകള്‍.

🔹എഐവൈഎഫ് നേതാവ് ഷാഹിനയെ പാലക്കാട് മണ്ണാര്‍ക്കാടുള്ള വീട്ടില്‍ മരിച്ച നിലയില്‍ കണ്ടെത്തിയ സംഭവത്തില്‍ ഷാഹിനയുടെ സുഹൃത്തായ എഐവൈഎഫ് നേതാവിനെതിരെ പരാതിയുമായി ഭര്‍ത്താവ് സാദിഖ്. സുഹൃത്ത് കാരണം ഷാഹിനയ്ക്ക് വന്‍ സാമ്പത്തിക ബാധ്യത ഉണ്ടായിരുന്നതായി ഭര്‍ത്താവ് പറയുന്നു. ആറ് മാസം മുമ്പ് സിപിഐ ജില്ലാ സെക്രട്ടറിക്ക് പരാതി നല്‍കിയിരുന്നതായും സാദിഖ് പറഞ്ഞു. എഐവൈഎഫ് പാലക്കാട് ജില്ലാ കമ്മിറ്റി അംഗമായ ഷാഹിനയെ തിങ്കളാഴ് രാവിലെയാണ് വടക്കുമണ്ണത്തെ വാടക വീട്ടില്‍ മരിച്ച നിലയില്‍ കണ്ടെത്തിയത്.

🔹ഗാര്‍ഹിക പീഡന പരാതി നല്‍കിയതിന്റെ വൈരാഗ്യത്തില്‍ യുവതിയെയും കുഞ്ഞിനെയും ഭര്‍ത്താവ് വീട്ടില്‍ കയറി വെട്ടി. കണ്ണൂര്‍ പയ്യന്നൂരിനടുത്ത് ഏഴിമല നരിമട സ്വദേശി രാജേഷിനെ പൊലീസ് അറസ്റ്റ് ചെയ്തു. ഭാര്യയേയും അഞ്ച് വയസുള്ള മകനെയുമാണ് രാജേഷ് വാക്കത്തി കൊണ്ട് വെട്ടി പരിക്കേല്‍പ്പിച്ചത്.

🔹മുംബൈയില്‍ ഐഎന്‍എസ് ബ്രഹ്‌മപുത്രയിലെ തീപിടിത്തത്തിനിടെ അപകടത്തില്‍പ്പെട്ട നാവികന്റെ മൃതദേഹം കണ്ടെത്തി. മുങ്ങല്‍ വിദഗ്ധരുടെ സംഘമാണു 3 ദിവസത്തിനു ശേഷം സീമെന്‍ സിതേന്ദ്ര സിങ്ങിന്റെ മൃതദേഹം കണ്ടെത്തിയത്.

🔹ഗുജറാത്തില്‍ ചാന്ദിപുര വൈറസ് രോഗ ലക്ഷണങ്ങളുമായി ആശുപത്രിയിലെത്തുന്നവരുടെ എണ്ണം വര്‍ദ്ധിക്കുന്നതായി റിപ്പോര്‍ട്ട്. ഗുജറാത്തില്‍ ഇതുവരെ 38 കുട്ടികളാണ് വൈറസ് രോഗലക്ഷണങ്ങളുമായി മസ്തിഷ്‌ക ജ്വരം ബാധിച്ച് മരിച്ചത്. 117 പേരാണ് ചികില്‍സയിലുള്ളത്. മിക്കവാറും കുട്ടികള്‍ 8നും 16നും ഇടയില്‍ പ്രായമുള്ള കുട്ടികളാണ്. ഇതില്‍ 22 കുട്ടികള്‍ക്ക് ചാന്ദിപുര വൈറസെന്ന് സ്ഥിരീകരിച്ചു. മറ്റുള്ളവരുടെ രക്ത സാമ്പിളുകള്‍ പരിശോധനക്ക് അയച്ചിരിക്കുകയാണ്.

🔹തന്നെയും കുടുംബാംഗങ്ങളെയും കൊല്ലാൻ ലക്ഷ്യമിട്ടാണ് സംഘം ബാന്ദ്രയിലെ വസതിക്കു നേരേ വെടിവെച്ചതെന്ന് ബോളിവുഡ്‌ നടൻ. മുംബൈ പൊലീസ് സമർപ്പിച്ച കുറ്റപത്രത്തിലാണ് ലോറൻസ് ബിഷ്‌ണോയിയെയും സഹോദരൻ അൻമോൽ ബിഷ്‌ണോയിയെയും ഉൾപ്പെടുത്തി സൽമാൻ ഖാൻ മൊഴി രേഖപ്പെടുത്തിയത്.ഗാലക്സി അപ്പാർട്ട്മെന്റിലെ വീട്ടിൽ ഉറങ്ങുമ്പോഴായിരുന്നു പടക്കം പൊട്ടുന്നതു പോലുള്ള ശബ്ദം കേട്ടതെന്ന് സൽമാൻ പറയുന്നു. പുലർച്ചെ 4.55-ഓടെ ബൈക്കിലെത്തിയ രണ്ടുപേർ ഒന്നാം നിലയിലുള്ള ബാൽക്കണിയിലേക്ക് വെടിയുതിർക്കുകയായിരുന്നുവെന്ന് അംഗരക്ഷകനാണ് പറഞ്ഞതെന്നും സൽമാന്റെ മൊഴിയിലുണ്ട്.ലോറൻസ് ബിഷ്ണോയിയും സഹോദരൻ അൻമോൽ ബിഷ്ണോയിയും ആക്രമണത്തിന്റെ ഉത്തരവാദിത്വമേറ്റെടുത്ത് രംഗത്തുവന്നിരുന്നു. തനിക്കും കുടുംബത്തിനും ഒട്ടേറെ ഭീഷണികൾ മുമ്പ് ലഭിച്ചിരുന്നതായി സൽമാൻ മൊഴിയിൽ രേഖപ്പെടുത്തുന്നു. 2022-ൽ തന്റെ കെട്ടിടത്തിന് എതിർവശത്തുള്ള ബെഞ്ചിൽ ഭീഷണിക്കത്ത് കണ്ടെത്തിയിരുന്നു. 2023 മാർച്ചിൽ ലോറൻസ് ബിഷ്ണോയി സംഘത്തിൽനിന്ന് ഇ-മെയിൽവഴിയും ഭീഷണി ലഭിച്ചു.
2024 ജനുവരിയിൽ രണ്ട് അജ്ഞാതർ പൻവേലിനടുത്തുള്ള സൽമാന്റെ ഫാംഹൗസിലേക്ക് അതിക്രമിച്ച് കടക്കാൻ ശ്രമിച്ചിരുന്നുവെന്നും കുറ്റപത്രത്തിലെ മൊഴിയിലുണ്ട്. പ്രത്യേക കോടതിയിൽ 1735 പേജുള്ള കുറ്റപത്രമാണ് പൊലീസ് സമർപ്പിച്ചിട്ടുള്ളത്. അറസ്റ്റിലായ ആറു പ്രതികൾക്കെതിരെ നടപടിയെടുക്കാൻ മതിയായ തെളിവുകളുണ്ടെന്ന് ചൂണ്ടിക്കാട്ടി അടുത്തിടെ കുറ്റപത്രം കോടതി അംഗീകരിച്ചു. അറസ്റ്റിലായ ആറു പ്രതികളിൽ ഒരാൾ പൊലീസ് കസ്റ്റഡിയിൽ ആത്മഹത്യചെയ്തു. അഞ്ചുപേർ ഇപ്പോൾ ജുഡീഷ്യൽ കസ്റ്റഡിയിലാണ്.

🔹മലപ്പുറം ബിപി അങ്ങാടി സ്‌കൂളിലെ വിദ്യാര്‍ഥിനികള്‍ മന്ത്രി വി ശിവന്‍കുട്ടിയെ സന്ദര്‍ശിച്ചു.സ്‌കൂളിലെ ഭക്ഷണത്തില്‍ പുഴു കണ്ടുവെന്ന് പരാതി അറിയിക്കാനാണ് കുട്ടികള്‍ എത്തിയത്.വിദ്യാര്‍ഥികള്‍ പരാതിയില്‍ അടിയന്തര നടപടി ഉണ്ടാകുമെന്ന് മന്ത്രി പറഞ്ഞു.പരാതി അറിയിക്കാന്‍ എത്തിയ വിദ്യാര്‍ഥികള്‍ക്ക് മധുരം നല്‍കി മന്ത്രി വി.ശിവന്‍കുട്ടിയുടെ സ്വീകരിച്ചത്.
അതേസമയംസ്‌കൂള്‍ കെട്ടിടത്തിനായി 3.9 കോടി കിഫ്ബി വഴി നേരത്തെ അനുവദിച്ചിട്ടുണ്ടെന്നുംപ്ലാന്‍ ഫണ്ടില്‍ നിന്നും ഒരു കോടിയും അനുവദിച്ചതായി മന്ത്രി മാധ്യമങ്ങളോട് പറഞ്ഞു. ലാബിന്റെ പ്രവര്‍ത്തനത്തിനായി ഫണ്ട് അനുവദിക്കുമെന്നും മന്ത്രി കൂട്ടിചേര്‍ത്തു.

🔹സംസ്ഥാന പൊതുമരാമത്തു – ടൂറിസം മന്ത്രി പി എ മുഹമ്മദ് റിയാസിന്റെ വാഹനം ഇടിച്ചു സ്‌കൂട്ടർ യാത്രികനു പരുക്കേറ്റു. തൂങ്ങാംപാറ ഇക്കോ ടൂറിസം നിർമാണ ഉദ്ഘാടനം കഴിഞ്ഞു തിരുവനന്തപുരം റെയിൽവെ സ്റ്റേഷനിലേക്ക് പോകുന്നവഴിയായിരുന്നു മന്ത്രിയുടെ വാഹനം സ്‌കൂട്ടറിൽ ഇടിച്ചത്.
അപകടത്തിൽ നെയ്യാർ സ്വദേശി ശശിധരനാണ് പരുക്കേറ്റത്. ശശിധരന്റെ തലയ്ക്കാണു പരുക്ക്. തച്ചോട്ടുകാവ് മഞ്ചാടി റോഡിൽ ഇതേ ദിശയിൽ സഞ്ചരിക്കുകയായിരുന്ന ആക്ടീവ സ്‌കൂട്ടറിലായിരുന്നു മന്ത്രിയുടെ വാഹനം ഇടിച്ചത്.
അപകടമുണ്ടായ ഉടൻ തന്നെ മന്ത്രിയുടെ പൈലറ്റ് വാഹനത്തിലെ പൊലീസുകാർ ശശിധരനെ തച്ചോട്ടുകാവിലെ സ്വകാര്യ ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സയ്ക്കു ശേഷം മെഡിക്കൽ കോളജിലേക്ക് മാറ്റിയിട്ടുണ്ട്.

🔹 തി​രു​വ​ന​ന്ത​പു​രം ശ്രീ​പ​ദ്മ​നാ​ഭ​സ്വാ​മി ക്ഷേ​ത്ര​പ​രി​സ​ര​ത്ത് ചി​ക്ക​ന്‍ ബി​രി​യാ​ണി വി​ള​മ്പി​യെ​ന്ന ആ​രോ​പ​ണ​ത്തി​ല്‍ ഹൈ​ക്കോ​ട​തി​യി​ല്‍ ഹ​ര്‍​ജി. ആ​ചാ​ര ലം​ഘ​ന​മ​ട​ക്കം ചൂ​ണ്ടി​ക്കാ​ട്ടി ഒ​രു​കൂ​ട്ടം വി​ശ്വാ​സി​ക​ളാ​ണു കോ​ട​തി​യെ സ​മീ​പി​ച്ച​ത്. ജ​സ്റ്റീ​സ് അ​നി​ല്‍ കെ. ​ന​രേ​ന്ദ്ര​ന്‍, ജ​സ്റ്റീ​സ് ഹ​രി​ശ​ങ്ക​ര്‍ വി. ​മേ​നോ​ന്‍ എ​ന്നി​വ​രു​ള്‍​പ്പെ​ട്ട ബെ​ഞ്ച് ഹ​ര്‍​ജി പ​രി​ഗ​ണി​ച്ചു.
ക്ഷേ​ത്ര​ത്തി​ലെ മു​ഖ്യ സു​ര​ക്ഷാ ഓ​ഫീ​സ​റെ ക​ക്ഷി​ചേ​ര്‍​ക്കാ​ന്‍ അ​പേ​ക്ഷ സ​മ​ര്‍​പ്പി​ക്കാ​നാ​യി ഹ​ര്‍​ജി​ക്കാ​ര്‍ സ​മ​യം തേ​ടി​യ​തി​നെ തു​ട​ര്‍​ന്ന് ഹ​ര്‍​ജി 29ന് ​പ​രി​ഗ​ണി​ക്കാ​ന്‍ മാ​റ്റി.
ജീ​വ​ന​ക്കാ​ര​ന്‍റെ മ​ക​ന് ജോ​ലി കി​ട്ടി​യ​തി​ന്‍റെ പേ​രി​ല്‍ ക്ഷേ​ത്രം എ​ക്‌​സി​ക്യൂ​ട്ടീ​വ് ഓ​ഫീ​സ​റു​ടെ കാ​ര്യാ​ല​യ​ത്തി​ലെ ഡൈ​നിം​ഗ് റൂ​മി​ല്‍ ബി​രി​യാ​ണി സ​ദ്യ ന​ട​ത്തി​യെ​ന്നാ​ണ് ആ​ക്ഷേ​പം.

🔹വടക്കാഞ്ചേരി ആ​ന്ധ്ര​പ്ര​ദേ​ശി​ൽ​നി​ന്നു മാ​ടു​ക​ളു​മാ​യി വ​ന്ന ലോ​റി വ​ട​ക്ക​ഞ്ചേ​രി സ്വ​ദേ​ശി​ക​ള​ട​ങ്ങു​ന്ന സം​ഘം ത​ട്ടി​യെ​ടു​ത്തു മാ​ടു​ക​ളെ ഒ​ഴി​ഞ്ഞ സ്ഥ​ല​ങ്ങ​ളി​ൽ ഇ​റ​ക്കി ലോ​റി​യും ഡ്രൈ​വ​ർ​മാ​രെ​യും സ​ഹാ​യി​ക​ളെ​യും ഹൈ​വേ​യി​ൽ ഉ​പേ​ക്ഷി​ച്ചു. 50 പോ​ത്തു​കു​ട്ടി​ക​ളും 27 കാ​ള​ക​ളു​മാ​ണു ലോ​റി​യി​ൽ ഉ​ണ്ടാ​യി​രു​ന്ന​ത്.
സം​ഭ​വ​വു​മാ​യി ബ​ന്ധ​പ്പെ​ട്ട് വ​ട​ക്ക​ഞ്ചേ​രി ചീ​ര​ക്കു​ഴി സ്വ​ദേ​ശി​ക​ളും സ​ഹോ​ദ​ര​ങ്ങ​ളു​മാ​യ ഷ​മീ​ർ (35), ഷ​ജീ​ർ (31) എ​ന്നി​വ​രെ വ​ട​ക്ക​ഞ്ചേ​രി പോ​ലീ​സ് ക​സ്റ്റ​ഡി​യി​ലെ​ടു​ത്തു. ‌പ​തി​ന​ഞ്ചോ​ളം വ​രു​ന്ന സം​ഘ​മാ​ണു​ക​ത്തി കാ​ട്ടി ഭീ​ഷ​ണി​പ്പെ​ടു​ത്തി ലോ​റി ത​ട്ടി​യെ​ടു​ത്ത​തെ​ന്ന് ആ​ന്ധ്ര​യി​ൽ​നി​ന്നു​ള്ള ലോ​റി​ഡ്രൈ​വ​റും സ​ഹാ​യി​ക​ളും പ​റ​ഞ്ഞു.
ര​ണ്ടു കാ​റി​ലും ജീ​പ്പി​ലും ഒ​രു ബൈ​ക്കി​ലു​മാ​യാ​ണു സം​ഘം എ​ത്തി​യ​ത്. ഹൈ​വേ​യി​ലൂ​ടെ ലോ​റി​യെ പി​ന്തു​ട​ർ​ന്നു​വ​ന്നി​രു​ന്ന സം​ഘം മം​ഗ​ലം പാ​ല​ത്തി​ന​ടു​ത്ത് എ​ത്തി​യ​പ്പോ​ൾ വാ​ഹ​ന​ങ്ങ​ൾ ലോ​റി​ക്കു മു​ന്നി​ലി​ട്ട് ഡ്രൈ​വ​റെ ഭീ​ഷ​ണി​പ്പെ​ടു​ത്തി ലോ​റി​യു​ടെ നി​യ​ന്ത്ര​ണം ഏ​റ്റെ​ടു​ക്കു​ക​യാ​യി​രു​ന്നു.
ചൊ​വ്വാ​ഴ്ച പു​ല​ർ​ച്ചെ നാ​ലി​നാ​യി​രു​ന്നു സം​ഭ​വം. ഡ്രൈ​വ​റെ​യും ലോ​റി​യി​ലെ മ​റ്റു മൂ​ന്നു പേ​രെ​യും ബ​ല​മാ​യി ഇ​റ​ക്കി കാ​റി​ൽ ക​യ​റ്റി. ലോ​റി​യി​ൽ ഉ​ണ്ടാ​യി​രു​ന്ന 50 പോ​ത്തു​കു​ട്ടി​ക​ളെ കി​ഴ​ക്ക​ഞ്ചേ​രി കു​ന്ന​ങ്കാ​ടി​ന​ടു​ത്തു​ള്ള വേ​ങ്ങ​ശേ​രി​യി​ലെ ഒ​ഴി​ഞ്ഞ പ​റ​മ്പി​ലും 27 കാ​ള​ക​ളെ ക​ണ്ണം​കു​ളം അ​വി​ഞ്ഞി​യി​ലു​ള്ള ഷ​മീ​റി​ന്‍റെ ഫാ​മി​ലും ഇ​റ​ക്കി.
പി​ന്നീ​ട് ലോ​റി റോ​യ​ൽ ജം​ഗ്ഷ​ന​ടു​ത്തു ഹൈ​വേ​യി​ൽ ഉ​പേ​ക്ഷി​ച്ചു. ഡ്രൈ​വ​റെ​യും സ​ഹാ​യി​ക​ളെ​യും വ​ട​ക്ക​ഞ്ചേ​രി ടൗ​ണി​ലൂ​ടെ പ​ല​ത​വ​ണ ക​റ​ക്കി അ​വ​രെ​യും ദേ​ശീ​യ​പാ​ത​യി​ൽ ഇ​റ​ക്കി​വി​ട്ടു. ഇ​വ​രു​ടെ ഒ​രു മൊ​ബൈ​ൽ ഫോ​ണും മ​റ്റു ഫോ​ണു​ക​ളു​ടെ സിം​കാ​ർ​ഡു​ക​ളും സം​ഘം ത​ട്ടി​യെ​ടു​ത്തു.
റോ​ഡി​ൽ ഇ​റ​ക്കി​വി​ട്ട ഡ്രൈ​വ​റും മ​റ്റു സ​ഹാ​യി​ക​ളും പ്ര​ദേ​ശ​ത്തെ മ​റ്റൊ​രാ​ളു​ടെ മൊ​ബൈ​ൽ ഫോ​ൺ വ​ഴി പോ​ത്തി​നെ വാ​ങ്ങി​ക്കൊ​ണ്ടു​പോ​യി​രു​ന്ന കാ​യം​കു​ളം മൂ​ന്നാം​കു​റ്റി സ്വ​ദേ​ശി ബി​നു​വി​നെ വി​ളി​ച്ച് വി​വ​ര​മ​റി​യി​ച്ചു. കാ​യം​കു​ള​ത്തു​നി​ന്നും അ​വ​ർ വ​ട​ക്ക​ഞ്ചേ​രി​യി​ൽ എ​ത്തി​യാ​ണ് പോ​ലീ​സി​ൽ പ​രാ​തി ന​ൽ​കു​ന്ന​തും സം​ഘ​ത്തി​ലെ ര​ണ്ടു പേ​ർ വ​ല​യി​ലാ​കു​ന്ന​തും.
ഒ​റ്റ​പ്പാ​ലം സ്വ​ദേ​ശി​യാ​യ മ​ൻ​സൂ​ർ അ​ലി​യാ​ണ് ലോ​റി ത​ട്ടി​യെ​ടു​ക്ക​ലി​ലെ പ്ര​ധാ​നി​യെ​ന്നു പോ​ലീ​സ് പ​റ​ഞ്ഞു. പ്ര​തി​ക​ളെ പി​ടി​കൂ​ടാ​ൻ അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്. വ​ട​ക്ക​ഞ്ചേ​രി സി​ഐ കെ.​പി. ബെ​ന്നി, എ​സ്ഐ ജീ​ഷ്മോ​ൻ വ​ർ​ഗീ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്. ലോ​റി​യി​ലെ ജി​പി​എ​സ് വ​ഴി​യാ​ണു മാ​ടു​ക​ളെ ഇ​റ​ക്കി​യ സ്ഥ​ലം പോ​ലീ​സ് ക​ണ്ടെ​ത്തി​യ​ത്.
പോ​ത്തു​കു​ട്ടി​ക​ളെ കാ​യം​കു​ള​ത്തേ​ക്കും കാ​ള​ക​ളെ കോ​ട്ട​യ​ത്തേ​ക്കു​മാ​ണു കൊ​ണ്ടു​പോ​യി​രു​ന്ന​ത്. 15,000 രൂ​പ മു​ത​ൽ 20,000 രൂ​പ വ​രെ വി​ല​വ​രു​ന്ന, പ​ല വ​ലി​പ്പ​മു​ള്ള​താ​ണ് പോ​ത്തു​കു​ട്ടി​ക​ൾ.

🔹നിത അംബാനി രാജ്യാന്തര ഒളിമ്പിക് കമ്മിറ്റി അംഗമായി വീണ്ടും തിരഞ്ഞെടുക്കപ്പെട്ടു. നിലവില്‍ പാരീസില്‍ നടക്കുന്ന 142-ാമത് ഐഒസി സെഷനിലാണ് ഇന്ത്യയില്‍ നിന്നുള്ള ഐഒസി അംഗം എന്ന നിലയില്‍ ഏകകണ്ഠമായി നിത അംബാനി തിരഞ്ഞെടുക്കപ്പെട്ടത്.

🔹പാരിസ് ഒളിമ്പിക്സില്‍ നടന്ന മൊറോക്കോ- അര്‍ജന്റീന മത്സരത്തില്‍ ലോക ചാമ്പ്യന്‍മാര്‍ മൊറോക്കോയോട് ഏറ്റുമുട്ടി ആശ്വാസ സമനില നേടിയെന്നായിരുന്നു കളി നിര്‍ത്തിയതിന് പിന്നാലെയുള്ള ഫലം. എന്നാല്‍ രണ്ട് മണിക്കൂറുകള്‍ക്ക് ശേഷം വാര്‍ സിസ്റ്റത്തിലൂടെ ഇഞ്ചുറി ടൈമില്‍ അര്‍ജന്റീന നേടിയ ഗോള്‍ റഫറി പിന്‍വലിച്ചു. തുടര്‍ന്ന് മൂന്ന് മിനുട്ട് കാണികളില്ലാതെ ഇഞ്ചുറി ടൈമിലെ ബാക്കി സമയം കളി തുടര്‍ന്നെങ്കിലും വിജയം മൊറോക്കൊ സ്വന്തമാക്കി. രണ്ട് ഗോളിന് പിന്നില്‍ നിന്ന ശേഷമായിരുന്നു അര്‍ജന്റീന തിരിച്ചുവരവ് നടത്തിയത്. 15 മിനിറ്റ് നീണ്ട ഇന്‍ജുറി സമയത്തിന്റെ അവസാന സെക്കന്‍ഡിലായിരുന്നു അര്‍ജന്റീന സമനില ഗോള്‍ നേടിയത്. ഗോള്‍ വീണതോടെ മൊറോക്കന്‍ ആരാധകര്‍ മൈതാനത്തേക്ക് ചാടിയിറങ്ങുകയായിരുന്നു. ഇതോടെ റഫറി മത്സരം സസ്‌പെന്‍ഡ് ചെയ്തിരുന്നു. രണ്ട് മണിക്കൂറിന് ശേഷം മൂന്ന് മിനുട്ട് കാണികളില്ലാതെ ഇഞ്ചുറി ടൈമിലെ ബാക്കി സമയം കളി തുടര്‍ന്നെങ്കിലും വിജയം മൊറോക്കൊ സ്വന്തമാക്കി.

🔹ഇന്റര്‍നെറ്റില്ലാതെ മറ്റൊരു ഫോണിലേക്ക് ഫയലുകള്‍ അയയ്ക്കാന്‍ കഴിയുന്ന ഫീച്ചര്‍ വാട്‌സ്ആപ്പ് പരീക്ഷിക്കുന്നതായി റിപ്പോര്‍ട്ട്. ഏറ്റവും പുതിയ വാട്‌സ്ആപ്പ് ഐഒഎസ് ബീറ്റ ഐഒഎസില്‍ (24.15.10.70), ഫയലുകള്‍ കൈമാറാന്‍ ‘നിയര്‍ ബൈ ഷെയര്‍’ ഫീച്ചര്‍ കണ്ടെത്തിയതായി വാബീറ്റ ഇന്‍ഫോ റിപ്പോര്‍ട്ട് ചെയ്തു. ‘നിയര്‍ബൈ ഷെയര്‍’ ഫീച്ചര്‍ ഉപയോഗിച്ച് ഉപയോക്താക്കള്‍ക്ക് ഫോണുകളില്‍ നിന്ന് ഡോക്യുമെന്റുകള്‍, വിഡിയോകള്‍, ഫോട്ടോകള്‍ തുടങ്ങിയ ഫയലുകള്‍ കൈമാറാന്‍ കഴിയും. ഫീച്ചറിന് ഇന്റര്‍നെറ്റ് ആവശ്യമില്ല, ആപ്പിള്‍ ഡിവൈസുകളിലെ എയര്‍ഡ്രോപ്പ് ഫീച്ചര്‍ പോലെയാണിത് പ്രവര്‍ത്തിക്കുന്നത്. വ്യത്യസ്ത പ്ലാറ്റ്ഫോമുകളില്‍ പ്രവര്‍ത്തിക്കുന്ന ഫോണുകള്‍ക്കിടയില്‍ എച്ച്ഡി വിഡിയോകള്‍ പോലുള്ള ഫയലുകള്‍ കൈമാറാന്‍ ഫീച്ചര്‍ സഹായകമാകും. നിലവില്‍, ആന്‍ഡ്രോയിഡില്‍ നിന്ന് ഐഫോണിലേക്കും തിരിച്ചും ഡാറ്റ കൈമാറുന്നത് ശരിക്കും ബുദ്ധിമുട്ടാണ്. എന്നാല്‍ വാട്‌സ്ആപ്പിന്റെ നിയര്‍ ബൈ ഷെയര്‍ ഉപയോഗിച്ച് തടസ്സവുമില്ലാതെ പരിധിയില്ലാതെ ഫയലുകള്‍ പങ്കിടാനാകും.നിയര്‍ബൈ ഷെയര്‍ ഫീച്ചര്‍ ഫയലുകള്‍ പങ്കിടുമ്പോള്‍ അടുത്തത്തുള്ള ഉപകരണങ്ങളുടെ ലിസ്റ്റ് കാണിക്കും ക്യൂആര്‍ കോഡ് സ്‌കാന്‍ ചെയ്ത് ഫയലുകള്‍ പങ്കിടാമെന്നും റിപ്പോര്‍ട്ട് പറയുന്നു.

🔹നെറ്റ്ഫ്ലിക്സിന്റെ ആക്ഷന്‍ ത്രില്ലര്‍ സീരിസ് റാണാ നായിഡുവിന്റെ പുതിയ സീസണ്‍ വരുന്നു. രണ്ടാം സീസണിന്റെ ഷൂട്ടിംഗ് ദൃശ്യങ്ങളാണ് ഇപ്പോള്‍ പുറത്തുവിട്ടിരിക്കുന്നത്. താര നിരയില്‍ പുതിയ സര്‍പ്രൈസ് ചേര്‍ത്താണ് റാണ ദഗ്ഗുബതിയും, വെങ്കിടേഷും അഭിനയിക്കുന്ന സീരിസിന്റെ രണ്ടാം സീസണ്‍ എത്തുന്നത് എന്നാണ് വിവരം. പുതിയ സീസണില്‍ റാണയ്ക്കും വെങ്കിടേഷിനും ഒപ്പം എത്തുന്നത് അര്‍ജുന്‍ രാംപാലാണ്. നെറ്റ്ഫ്ലിക്സിന്റെ ഔദ്യോഗിക എക്സ് പേജില്‍ സീസണ്‍ 2 ചിത്രീകരണം നടക്കുകയാണ് എന്ന വീഡിയോ പങ്കുവച്ചിട്ടുണ്ട്. രണ്ടാം സീസണിലെ പ്രധാന വില്ലനായാണ് അര്‍ജുന്‍ രാംപാല്‍ എത്തുന്നത് എന്നാണ് സൂചന. 2023ല്‍ പുറത്തിറങ്ങിയ റാണാ നായിഡുവിന്റെ ആദ്യ സീസണിന് മികച്ച പ്രതികരണമാണ് ലഭിച്ചത്. അമേരിക്കന്‍ ക്രൈം നാടകമായ റേ ഡോനോവന്റെ റീമേക്കാണ് ഷോ. കരണ്‍ അന്‍ഷുമാനും സുപര്‍ണ്‍ വര്‍മ്മയും ചേര്‍ന്നാണ് ഇത് സംവിധാനം ചെയ്തത്. ലോക്കോമോട്ടീവ് ഗ്ലോബല്‍ ഇങ്കിന്റെ ബാനറില്‍ സുന്ദര്‍ ആരോണ്‍ ഇത് നിര്‍മ്മിച്ചത്. സുര്‍വീണ്‍ ചൗള, സുശാന്ത് സിംഗ്, അഭിഷേക് ബാനര്‍ജി, ആശിഷ് വിദ്യാര്‍ത്ഥി എന്നിവരും ഷോയില്‍ അഭിനയിച്ചിരുന്നു. റാണ നായിഡു ഒന്നാം സീസണില്‍ 10 എപ്പിസോഡുകളാണ് ഉണ്ടായിരുന്നത്. അതില്‍ റാണ അഭിനയിച്ച റാണ നായിഡു എന്ന ക്യാരക്ടര്‍ വന്‍കിടക്കാരുടെ പുലിവാലുകള്‍ ഒതുക്കുന്ന ‘കോണ്‍ട്രാക്റ്റ് ഫിക്സറായാണ്’ എത്തിയത്. വെങ്കിടേഷ് റാണയുടെ പിതാവായ നാഗ നായിഡുവായി എത്തി. റാണയും നാഗയും തമ്മിലുള്ള ബന്ധത്തിലൂടെയാണ് സീരീസിന്റെ കഥ വളര്‍ന്നത്. തെലുങ്കും ഹിന്ദിയും ഉള്‍പ്പെടെ ഒന്നിലധികം ഭാഷകളിലാണ് ഷോ റിലീസ് ചെയ്തതിരുന്നു. വന്‍ ആക്ഷനും വയലന്‍സും നിറഞ്ഞ ഷോ വെങ്കിടേഷിന്റെ വ്യത്യസ്തമായ വേഷത്താലാണ് ഏറെ ശ്രദ്ധ നേടിയത്.

തയ്യാറാക്കിയത്:
കപിൽ ശങ്കർ