🌹 ചിന്താ പ്രഭാതം 🌹 – 2024 | ജൂലൈ 21 | ഞായർ ✍ ബേബി മാത്യു അടിമാലി

നമുക്ക് സാധ്യമാകാത്ത കാര്യങ്ങള്‍ നേടാന്‍ ശ്രമിച്ച് സമയം കളയാതിരിക്കുക.
ചില കാര്യങ്ങള്‍ നമ്മുടെ കഴിവിനും അപ്പുറത്തായിരിക്കും. ജീവിതത്തിലെ ചില യാഥാര്‍ത്ഥ്യങ്ങളെ പോലെ ഒരു യാഥാര്‍ത്ഥ്യമായി നാം അതിനെയും അംഗീകരിക്കണം.

പ്രയോജനം നല്‍കാത്ത കാര്യങ്ങളുടെ പിറകെ പോയി സമയം കളയരുത്. കാര്യങ്ങളെ ക്രിയാത്മകമായ സമീപിക്കുകയും തനിക്കതില്‍ എന്താണ് ചെയ്യാനുള്ളതെന്ന് നിജപ്പെടുത്തുകയും ചെയ്യുക.

ഒരിക്കല്‍ മരിയ റോബിന്‍സണ്‍ പറഞ്ഞു: ‘പുറകിലേക്ക് മടങ്ങി ഒരു തുടക്കം കുറിക്കാന്‍ ആര്‍ക്കും സാധ്യമല്ല, പുതിയ ഒരു അവസാനത്തിനായി ഇന്ന് തുടങ്ങാന്‍ ഏതൊരാള്‍ക്കും സാധ്യമാണ്.’

സംഭവിച്ച് കഴിഞ്ഞ കാര്യത്തില്‍ മാറ്റം വരുത്താന്‍ നിങ്ങള്‍ക്കാവില്ല. എന്നാല്‍ ക്രിയാത്മകമായ മാര്‍ഗ്ഗം സ്വീകരിച്ച് പ്രവര്‍ത്തിക്കാന്‍ നിങ്ങള്‍ക്ക് സാധിക്കും. ഓരോ ദിവസവും പുലരുമ്പോള്‍ സുന്ദരമായ ഒരു കാര്യം സംഭവിക്കുമെന്ന് ചിന്തിക്കുക.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍