🌹 ചിന്താ പ്രഭാതം 🌹 – 2024 | ജൂലൈ 27 | ശനി ✍ ബേബി മാത്യു അടിമാലി

അകത്തേയ്ക്ക് പോകുന്ന അഹാരത്തെയും പുറത്തേയ്ക്ക് വരുന്ന വാക്കുകളെയും , സഹായിക്കുന്ന നമ്മുടെ നാവിനെ അറിഞ്ഞ് ഉപയോഗിക്കുക.

മുഖം മനസ്സിന്റെ കണ്ണാടിയാണെങ്കിൽ നാവ് മനസ്സിന്റെ പ്രഖ്യാപനമാണ്.
നമ്മുടെ മനസ്സിന്റെ രുചിയാണ് നാവ് എപ്പോഴും പകർന്ന് നൽകുന്നത്.
ഒരു വ്യക്തിയുടെ വ്യക്തിത്വത്തിന്റെ അടയാളമാണ് ആ വ്യക്തിയുടെ നാവിൽ നിന്നുതിരുന്ന വാക്കുകൾ .
അത്തരം വാക്കുകൾ പല രീതികളിൽ പല ഭാവങ്ങളിൽ ഉള്ളതാണ്.
ചില വാക്കുകൾ നമ്മെ സന്തോഷിപ്പിക്കുന്നു. ചിലത് സമാധാനിപ്പിക്കുകയും ചിന്തിപ്പിക്കുകയും ചെയ്യുമ്പോൾ , മറ്റ് ചിലത് നമ്മെ ദു:ഖിപ്പിക്കുകയും ചെയ്യുന്നു. അതായത് നമ്മുടെ നാവ് തന്നെയാണ് ശപിക്കുന്നതും , അനുഗ്രഹിക്കുന്നതും. അത് പോലെ തന്നെ നാവിന്റെ ഏറ്റവും വലിയ ദോഷമെന്നത് മറ്റുള്ളവരെ കുറിച്ച് പറയുന്ന എഷണിയും പരദൂഷണവുമാണ്.

നാവ് നന്നാവുന്നത് ജീവിതം മൊത്തം നന്നായിത്തീരുന്നതിന്റെ അടയാളവും നിമിത്തമാണ്.
വിവേകികൾ വാക്കുകൾ മിതമായി സംസാരിക്കുന്നു. കാരണം സംസാരം കൂടുമ്പോഴാണ് പിഴവുകൾ കൂടുന്നത്.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍