👬👫കുട്ടീസ് കോർണർ 👬👫 (മുപ്പത്തിയൊമ്പതാം വാരം)

ഹായ് കുട്ടീസ്!! ഇന്ന് നമുക്ക്(A)കുസൃതി ചോദ്യങ്ങൾ (B)പൊതു അറിവ്
(C)പദ്യം (D)മുല്ലാ തമാശ കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ കുട്ടീസ് ഒഴിവു സമയങ്ങൾ അവ വരച്ചു നോക്കു ന്നുണ്ടല്ലൊ…. ല്ലേ

എന്ന് സ്വന്തം
ശങ്കരിയാന്റി.

A) കുസൃതി ചോദ്യങ്ങളും ഉത്തരവും (13)

1)പറക്കാൻ പറ്റാത്ത കിളി?

ഇക്കിളി

2)വഴിയിൽ കൂടെ പോകുമ്പോൾ കാണുന്ന വല ?

കവല

3)മനുഷ്യർക്ക് താമസിക്കാൻ പറ്റാത്ത സിറ്റി ?

ഇലക്ട്രിസിറ്റി

4)മനുഷ്യരും കൊതുകും തമ്മിലുള്ള ബന്ധം ?

രക്ത ബന്ധം

5)വെള്ളത്തിൽ അലിയുന്ന പൂ ?

ഷാംപൂ

6)പരീക്ഷയുടെ അവസാനം എന്താണ് ?

ക്ഷ

7)എത്ര വലിച്ചാലും നീളം കൂടുകയില്ല . കുറയത്തെ ഉള്ളൂ ?

സിഗററ്റ്

8)വാദിക്കാനോ വിധി പറയാനോ അറിയാത്ത കേസ് ഏതാണ് ?

suitcase (സ്യൂട്ട് കേസ് )

9)തമിഴ് നാട്ടിലെ പ്രശസ്തമായ ആർ ?

MGR

10) ഒരിക്കലും മുട്ടയിടാത്ത കിളി ?

ബസിലെ കിളി

B) പൊതു അറിവ്

കുട്ടീസ് ഈ ആഴ്ച പൊതു അറിവിൽ കഴിഞ്ഞ ആഴ്ച്ച കളുടെ തുടർച്ചയായി നാനാർത്ഥം അറിയാം… ട്ടോ.

നാനാർത്ഥം

1)കമ്പം -ഇളക്കം, വിറയൽ, ഭയം, തൂണ്, വെടിക്കെട്ടിനുള്ള തൂണ്

2)കരി – ആന, കരിക്കട്ട, കലപ്പ

3)കരം – കയ്യ്, നികുതി, തുമ്പിക്കെ

4)കലാപം – കലഹം, കുഴപ്പം, പടയോട്ടം

5)കല്പന – അനുഷ്ഠാനം, ഭാവന, ആജ്ഞ

6)കല്യാണം – വിവാഹം, മംഗളം, നന്മ

7)കവചം – കുപ്പായം, പടച്ചട്ട, ആവരണം

8)കവനം – കവിത, ഗൗനം, ജാഗ്രത

9)കളി – വിഹരിക്കുക, വിനോദം, കറ

10)കളഭം – ആന, ചന്ദനം

C) പണ്ടേ പ്രചാരത്തിലുള്ള പദ്യങ്ങൾ (8)

ഹായ് കുട്ടീസ് ഈ വാരവും നമുക്ക് പണ്ടേ നാട്ടിൽ പാടുന്ന കുട്ടി കവിതകളിൽ ഒന്ന് കൂടി വായിക്കാം… ട്ടോ ഈ ആഴ്ചയിൽ കൃഷി യെ കുറിച്ചൊരു കവിതയാണ്‌ കുട്ടീസ്.

കൃഷി

നാല്‍ക്കാലിയാല്‍ ഉഴുതുമറിച്ചു
വാരിവിതറി വിത്ത്‌ മുളച്ച വയലില്‍
വെള്ളംകൊടുത്തു വളം നല്‍കി
കൊയ്യ്തു മെതിച്ചു
നെല്ലോക്കെ കുത്തിയെടുത്തയരിയാല്‍
നാണിയമ്മ ഉണ്ടാക്കിയ കഞ്ഞി
കുഞ്ഞി കുടിച്ചു ആര്‍ത്തിയോടെ
കൃഷിയെന്തെന്നുഅറിയാതെ ഞാൻ.

D) ഹോജ മുല്ല തമാശ (6)

കുട്ടീസ്… ഹോജ യുടെ ഒരു ചെറിയ തമാശ കഥ വായിക്കാം

പൂച്ചയും ഇറച്ചിയും

വിരുന്നുകാർ വരുമ്പോൾ വിളമ്പാനായി നസ്രുദീൻഹോജ കുറേ ഇറച്ചി വാങ്ങി ഭാര്യയെ ഏൽപിച്ചു. വിഭവങ്ങൾ വന്നപ്പോൾ പക്ഷേ അതിൽ ഇറച്ചിയുണ്ടായിരുന്നില്ല. ഭാര്യ കൊതിനിൽക്കാതെ അതുമൊത്തം തിന്നുകളഞ്ഞിരുന്നു.
‘ഒക്കെ പൂച്ച തിന്നുപോയി,’ അവർ പറഞ്ഞു.
നസ്രുദീൻ പൂച്ചയെ തൂക്കിനോക്കി. കൃത്യം മൂന്നു റാത്തലുണ്ട്‌.
‘ഇതു പൂച്ചയാണെങ്കിൽ,’ നസ്രുദീൻ തന്റെ സംശയം പ്രകടമാക്കി, ‘എവിടെ ഇറച്ചി? ഇനിയഥവാ, ഇതിറച്ചിയാണെങ്കിൽ-പൂച്ചയെവിടെ?’