🌹 ചിന്താ പ്രഭാതം 🌹 – 2024 | ഒക്ടോബർ 05 | ശനി ✍ ബേബി മാത്യു അടിമാലി

നന്മയിൽ നന്ദി കാണിച്ചും തിന്മയിൽ ക്ഷമിച്ചും മുന്നേറാൻ ശീലിക്കുക. ക്ഷമ എന്ന ശീലം ഏതൊരു ഹൃദയത്തെ കീഴ്പ്പെടുത്തിയോ മഹത്വമുള്ള ആ ഹൃദയത്തിനുടമ ഒരിക്കലും പരാജയപ്പെടില്ല. നാം ഈ ലൗകിക ജീവിതത്തിലെ തീർത്ഥാടകരാണ്.

ഓരോ ജീവിത വിജയത്തിനും സുന്ദര വേളകൾ രൂപപ്പെടുന്നതിലും ക്ഷമയുടെ പങ്ക് ചെറുതല്ല. ക്ഷമിക്കാനുള്ള കഴിവ് ഒരനുഗ്രഹമാണ്. ദേഷ്യത്തിൽ നിന്നും വേദനയിൽ നിന്നുമുള്ള മോചനമാണ് യഥാർത്ഥത്തിൽ ക്ഷമ. ജീവിക്കാൻ എളുപ്പമാണ് പക്ഷേ, സഹിച്ചും ക്ഷമിച്ചും ജീവിക്കാനാണു പ്രയാസം. അങ്ങനെ ജീവിക്കുന്നവരെ ഭീരുക്കളായി മുദ്ര കുത്തരുത്.

ക്ഷമയാണ് നമ്മുടെ ജീവിതത്തിന് തിളക്കം തരുന്നതും പ്രതിസന്ധികളെ അതിജീവിച്ച് മുന്നോട്ടു നയിക്കാൻ സഹായിക്കുന്നതും.
അതിനാൽ ക്ഷമിക്കാനും സഹിക്കാനും കരുത്തുള്ളവരായി ജീവിക്കാം.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി