‘കുള വാഴ ഏറിയാല്‍ കുളം നശിച്ചു’ എന്നത് നാട്ടിൻ പുറങ്ങളിലെ ഒരു പ്രയോഗമാണ്. എന്നാല്‍ ഈ കുളവാഴ ഉപയോഗിച്ച്‌ പേപ്പർ നിർമിക്കാമെന്നും അത്തരം പേപ്പറുകളില്‍ നിന്ന് ചെറിയ ചെടികള്‍ മുളപ്പിച്ചെടുക്കാമെന്നും കണ്ടെത്തിയിരിക്കുകയാണ് എം.ഇ.എസ് പൊന്നാനി കോളജിലെ ഒരു കൂട്ടം വിദ്യാർഥികള്‍.
അധിനിവേശ സസ്യമായ കുള വാഴ നമ്മുടെ തണ്ണീർ തടങ്ങളില്‍ തിങ്ങി വളരുന്നത് ഓക്സിജൻ ലഭ്യത കുറയാനും ജല ജീവികള്‍ നശിക്കാനും കാരണമാകാറുണ്ട്. കുളവാഴ ഉപയോഗിച്ച്‌ പ്രകൃതി സൗഹൃദ ഉല്‍പ്പന്നങ്ങള്‍ നിർമിക്കുകയെന്നതാണ് ഇവയുടെ ശല്യം നിയന്ത്രിക്കാനുള്ള മികച്ച പോംവഴി. സാധാരണ പേപ്പർ നിർമാണ രീതി വന നശീകരണത്തിന് കാരണമാകുന്നതിനാല്‍ കുളവാഴ പോലുള്ള കള സസ്യങ്ങള്‍ ഇതിനായി ഉപയോഗിക്കുന്നത് പരിസ്ഥിതിക്ക് ഗുണകരവുമാണ്.
സെല്ലുലോസ് കൂടുതല്‍ അടങ്ങിയ കുള വാഴയുടെ തണ്ടില്‍ നിന്നും ഉണ്ടാക്കിയെടുത്ത പള്‍പ്പില്‍ നിന്നാണ് വിദ്യാർഥികള്‍ പേപ്പർ നിർമിച്ചത്. പേപ്പർ നിർമാണ സമയത്ത് വിത്തുകള്‍ ഉള്‍പ്പെടുത്താനും അത് വിജയകരമായി മുളപ്പിച്ചെടുക്കാനും വിദ്യാർഥികള്‍ക്ക് സാധിച്ചു.
ബോട്ടണി വിഭാഗം അധ്യാപകൻ ഡോ. മുസ്ഫിർ മെഹബൂബിന്റെ മേല്‍നോട്ടത്തില്‍ അവസാന വർഷ വിദ്യാർഥികളായ ജിഷ്ണു, അനഘ, അർഷാ, ശബാന, റിഫ എന്നിവരാണ് ഇത്തരം ഒരു പേപ്പർ വികസിപ്പിച്ചെടുത്തത്. പദ്ധതി വ്യാവസായികാടിസ്ഥാനത്തില്‍ വികസിപ്പിക്കാനാവുമോ എന്ന പരീക്ഷണത്തിലാണ് ബോട്ടണി വിഭാഗം.
സിസി ബിനോയ് വാഴത്തോപ്പ്.
മലയാളി മനസ്സ് — ആരോഗ്യ വീഥി 
“ഇന്നത്തെ ചിന്താവിഷയം” 
ആസിഫ അഫ്രോസ് ബാംഗ്ലൂർ
സിനിമ ലോകം
കുട്ടീസ് കോർണർ 
വാർത്തകൾ ഒറ്റനോട്ടത്തിൽ
ഹോളി -2025 – മാർച്ച് 14.
(മേരി ജോസി മലയിൽ,
മഹോത്സവം മാർച്ച് 13-2025. (മേരി ജോസി മലയിൽ 
ചിരിപ്പിക്കാം!