Logo Below Image
Sunday, March 16, 2025
Logo Below Image
Homeകഥ/കവിതഞാൻ കണ്ട നിശീഥിനി (കവിത)

ഞാൻ കണ്ട നിശീഥിനി (കവിത)

ബേബി മാത്യു അടിമാലി

നീല നിലാവിൻ പുഞ്ചിരി വെട്ടം
പടരും നിശീഥിനിയിൽ
ഞാൻ കണ്ടു മിഴികളിൽ
വിരഹവുമായി
ഏതോ രാക്കിളി പാടുന്നു
ഇണയെ പിരിഞ്ഞതിൻ
ഗദ്ഗദമാവാം
പ്രണയം തകർന്നതാവാം

വിടരാൻ കൊതിച്ചെന്റെ
മുറ്റത്തു നിൽക്കുന്ന
മുല്ലതൻ മൊട്ടുകളും
പാതി മയക്കത്തിൽ
മന്ദഹസിക്കുന്നു
പുലരിയെ സ്വപ്നം
കാണുകയാവാം
മനസിൽ മോഹം
വിരിയുകയാവാം

തിങ്കളും ഭൂമിയും
പരിരംഭണത്തിനായ്
നിശയുടെ മാറിൽ
ഒത്തുചേർന്നു
അതുകണ്ടു വാനിൽ
താരക കൂട്ടങ്ങൾ
നാണിച്ചു കൺചിമ്മി
തുടുത്തു നിന്നു
രാവിന്റെ കാഴ്ച്ചകൾ
ആവോളം കണ്ടപ്പോൾ
ഞാനും മയക്കത്തിൽ
വീണു പോയി

ബേബി മാത്യു അടിമാലി✍

RELATED ARTICLES

LEAVE A REPLY

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments