🌹 ചിന്താ പ്രഭാതം 🌹 – 2025 | ജനുവരി 04 | ശനി ✍ ബേബി മാത്യു അടിമാലി

ഒരാളുടെ ബാഹ്യ രൂപം കണ്ടോ ആടയാഭരണങ്ങൾ കണ്ടോ അയാളെ വിലയിരുത്തരുത്. അങ്ങിനെയുള്ളവർ പ്രതിഭ ശാലികളോ യഥാർത്ഥ സ്നേഹിതരോ അണെന്ന് തെറ്റിദ്ധരിക്കുകയും ചെയ്യരുത്.

ഒരാളുടെ ബാഹ്യമായ രൂപഭംഗി കാരണം നമുക്ക് അയാളിൽ കൗതുകം തോന്നിപ്പിച്ചേക്കാം, പക്ഷെ ലോകത്ത് വിപ്ളവങ്ങൾ സൃഷ്ടിച്ച എല്ലാവരും ആകാര സൗഷ്ഠവം ഉള്ളവരായിരുന്നില്ല.

ലക്ഷ്യബോധവും അർപ്പണ മനോഭാവവും ഊർജ്ജസ്വലമായ വ്യക്തിത്വവും കൈമുതലായുള്ളവരാണ് വിപ്ളവത്തിൻ്റെ തീജ്വാലകൾ നമ്മളിലേക്ക് പകർന്നിട്ടുള്ളത്.

ബാഹ്യമായ പകർന്നാട്ടങ്ങൾക്കും നാട്യങ്ങൾക്കും അൽപ്പായുസ്സേയുള്ളൂ, കാലം മറക്കാത്ത വിപ്ളവ ചരിത്രങ്ങൾ പ്രചോദനമായി മുന്നിലുള്ളപ്പോൾ അവയിൽ നിന്നും പാഠം പഠിക്കാനും ശരിയായ നിലപാടുകൾ സ്വീകരിക്കാനും നമുക്ക് കഴിയണം.

മറ്റുള്ളവരെ കൃത്യമായി നിരീക്ഷിക്കുകയും വിലയിരുത്തുകയും ചെയ്യേണ്ടതുണ്ട്. മിന്നുന്നതെല്ലാം പൊന്നല്ല എന്ന് തിരിച്ചറിയുക.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി