Thursday, February 29, 2024
HomeLiteratureശില്പചാരുത (കവിത) ✍ഷൈൻ മുറിക്കൽ

ശില്പചാരുത (കവിത) ✍ഷൈൻ മുറിക്കൽ

ഷൈൻ മുറിക്കൽ✍

ലക്ഷ്യമെൻ മാർഗ്ഗത്തിൻ
തിരിതെളിച്ചീടവേ
കാനനപാതകൾ താണ്ടി ഞാനെത്തി
ചെങ്കുത്തായ മലനിരയിൽ

കരിമ്പാറക്കൂട്ടങ്ങൾക്കിടയിൽ പരതി
ലക്ഷണമൊത്തൊരു
ശിലയെയടർത്താൻ

മനസ്സിൽ വിരിയുന്ന രതിദേവതാശില്പം
എൻകരവിരുതിനാ
ലൊരുക്കിയെടുക്കുമ്പോൾ

പ്രണയത്തിൻ ഭാവമോ
രതിയുടെ താളമോ
ലാസ്യ രൗദ്രഭാവ സമന്വയമോ
വീക്ഷണം കൊണ്ടതിൻ
സംശയം തീരില്ല

അത്ഭുതം വിരിയണം
അതുല്യമായ്തീരണം
കാലയവനികയിലൊരു കയ്യൊപ്പ്
പതിയണം

ശിൽപ്പത്തിൻ ചാരുതയിൽ
ശില്പിയെമറക്കുന്ന
ശീലങ്ങൾക്കിടയിൽ വേറിട്ട്
നിൽക്കണം

ഷൈൻ മുറിക്കൽ✍

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments