Sunday, April 21, 2024
Homeഅമേരിക്ക'സ്വാദൂറും ധോക്ള' (ഒരു ഗുജറാത്തി സ്പെഷ്യൽ പലഹാരം) ✍ദീപ നായർ ബാംഗ്ലൂർ

‘സ്വാദൂറും ധോക്ള’ (ഒരു ഗുജറാത്തി സ്പെഷ്യൽ പലഹാരം) ✍ദീപ നായർ ബാംഗ്ലൂർ

ദീപ നായർ ബാംഗ്ലൂർ

എല്ലാവർക്കും നമസ്കാരം

ഇന്നൊരു ഗുജറാത്തി സ്പെഷ്യൽ പലഹാരമാണ് പരിചയപ്പെടുത്തുന്നത്. സ്കൂളിൽ നിന്നും വിശന്നു വരുന്ന കുട്ടികൾക്ക് കൊടുക്കാൻ പറ്റുന്ന ഒരു പലഹാരം. അതുപോലെതന്നെ വലിയ വർക്കും കഴിക്കാൻ പറ്റുന്ന ഒരു പലഹാരം. ഒരുപക്ഷേ നിങ്ങൾക്ക് അറിയാമായിരിക്കും. പാചകത്തിലേക്ക് കടക്കാം.

🍂കടലമാവ് – 2 കപ്പ്
🍂മഞ്ഞൾപ്പൊടി – 1/4 ടീസ്പൂൺ
🍂പഞ്ചസാര – 1/2 ടീസ്പൂൺ
🍂ഉപ്പ് – പാകത്തിന്
🍂പച്ചമുളക് പേസ്റ്റ് – 1 ടീസ്പൂൺ
🍂തൈര് – 1/4 കപ്പ്
🍂വെള്ളം – 1/2 കപ്പ്
🍂നാരങ്ങാനീര് – 2 ടീസ്പൂൺ
🍂എണ്ണ – 2 ടീസ്പൂൺ
🍂ഈനോ ഫ്രൂട്ട് സാൾട്ട് – 2 മാഷേ
🍂റിഫൈൻഡ് ഓയിൽ – 2 ടീസ്പൂൺ
🍂കടുക് – 1 ടീസ്പൂൺ
🍂വെളുത്ത എള്ള് – 1/2 ടീസ്പൂൺ
🍂കറുത്ത എള്ള് – 1/2 ടീസ്പൂൺ
🍂പച്ചമുളക് ചെറുതായി അരിഞ്ഞത് – 2 ടീസ്പൂൺ
🍂കറിവേപ്പില – ഒരു തണ്ട്
🍂വെള്ളം – 1/4 കപ്പ്
🍂ഡെസിക്കേറ്റഡ് കോക്കനട്ട് – 4 ടീസ്പൂൺ
🍂മല്ലിയില അരിഞ്ഞത് – കുറച്ച്

🌟തയ്യാറാക്കുന്ന വിധം

🍂 കടലമാവിലേക്ക് മഞ്ഞൾപ്പൊടി, ഉപ്പ്, പഞ്ചസാര, പച്ചമുളക് പേസ്റ്റ് ഇവ ചേർത്ത് നന്നായി ഇളക്കി യോജിപ്പിച്ച് തൈര് ചേർത്തിളക്കി വെള്ളമൊഴിച്ച് കട്ടകെട്ടാതെ ബാറ്റർ തയ്യാറാക്കി പതിനഞ്ച് മിനിറ്റ് റെസ്റ്റ് ചെയ്യാൻ വയ്ക്കുക.

🍂ബാറ്ററിലേക്ക് എണ്ണ ചേർത്തിളക്കി നാരങ്ങാനീരും ഫ്രൂട്ട് സാൾട്ടും ചേർത്ത് നന്നായി ഇളക്കി യോജിപ്പിക്കുക. ബാറ്റർ വല്ലാതെ കട്ടിയാണ് എങ്കിൽ മാത്രം അല്പം വെള്ളം ചേർത്ത് നല്ലതുപോലെ ഇളക്കുക.

🍂എണ്ണമയം പുരട്ടിയ പാത്രത്തിലാക്കി 35-40 മിനിറ്റ് ആവിയിൽ വേവിക്കുക.

🍂വെന്ത ധോക്ള പ്ലേറ്റിലേക്ക് മാറ്റി സ്ക്വയർ പീസുകൾ ആക്കി മുറിച്ചു വയ്ക്കുക.

🍂എണ്ണ ചൂടാകുമ്പോൾ കടുകു പൊട്ടിച്ച് എള്ള് ചേർത്ത് പൊട്ടി ഉടൻ പച്ചമുളക്, കറിവേപ്പില എന്നിവ ചേർത്ത് മൂപ്പിച്ച്
കാൽ കപ്പ് വെള്ളമൊഴിച്ച് തിളപ്പിച്ച് ധോക്ളയുടെ മുകളിലേക്ക് എല്ലാം ഭാഗത്തുമായി ഒഴിക്കുക. മുകളിലായി തേങ്ങയും മല്ലിയിലയും വിതറുക.

🍂സ്വാദൂറും ധോക്ള തയ്യാർ.

🍂ഇഷ്ടമുള്ളവർക്ക് ഗ്രീൻ ചട്ണി കൂട്ടി കഴിക്കാം.

ദീപ നായർ ബാംഗ്ലൂർ

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments