Saturday, February 8, 2025
Homeകഥ/കവിതചട്ടി ചോറ് ... (കവിത) ✍️അഫ്സൽ ബഷീര്‍ തൃക്കോമല

ചട്ടി ചോറ് … (കവിത) ✍️അഫ്സൽ ബഷീര്‍ തൃക്കോമല

അഫ്സൽ ബഷീര്‍ തൃക്കോമല

ശുനകന് യജമാനൻ വെച്ച്
നീട്ടുന്ന, കറികളെല്ലാം ചോറിൽ
ഒന്നിച്ചിളക്കി പിന്നെ മിച്ചം
വന്നതും കളയാനുള്ളതും
ചേർത്ത് അവർ തമ്മിൽ
കടിപിടി കൂടി നക്കി തിന്നുന്ന
അന്നമയായിരുന്നു അന്നീ
ചട്ടിച്ചോർ .പിന്നെയുമുണ്ട് ,
പഴമക്കാർ പറഞ്ഞിരുന്ന
കാരാഗ്രഹ ചോറും ചട്ടി ചോറ് തന്നെ.
ഇന്ന് മുന്തിയ തീൻ മേശയിൽ
ഒന്നിച്ചിളക്കി ചട്ടിയിലാക്കി
ലാഭം കൊയ്യുന്നു. അത് വരുന്നതും
കാത്തിരുന്ന്‌ അതിനവസാന വറ്റും
കഴിച്ചെന്നുറപ്പാക്കി വീമ്പും പറഞ്ഞു
സമൂഹ മാധ്യമത്തിൽ പടം കൂടി
ഇട്ട് സായൂജ്യമടയുന്നു .
ഇറച്ചിയും മീനും പച്ചക്കറിയുമെല്ലാം
കൂട്ടിയിളക്കിൽ തമ്മിൽ
മത്സരങ്ങളേതുമില്ലെങ്കിലും
രണ്ടിലും ചില വത്യാസങ്ങളുണ്ട് ..
പുറം മോഡി ഒന്ന് മികച്ചതാക്കിയല്ലേ
പൊങ്ങച്ചക്കാർ ഉപയോഗിക്കൂ ..
മറ്റവർ ആഡംബരത്തിൽ
ശ്രദ്ധയില്ലാത്തവരും…
ഇനി മത്സരിച്ചാൽ രണ്ടു കൂട്ടരും
കടിപിടി കൂടുമോ എന്തോ ?

✍️അഫ്സൽ ബഷീര്‍ തൃക്കോമല

RELATED ARTICLES

LEAVE A REPLY

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments