ഇന്ത്യൻ റെയിൽവേ മാനേജ്മെന്റ് സർവീസിലെ ഉദ്യോഗസ്ഥനായ സതീഷ് കുമാറിനെ റെയിൽവേ ബോർഡിന്റെ ചെയർമാനും സി.ഇ.ഒയുമായി നിയമിച്ചു. റയിൽവേ ബോർഡിന്റെ ചരിത്രത്തിൽ ആദ്യമായാണ് പട്ടിക ജാതി വിഭാഗത്തിൽ നിന്നുള്ളയാൾ ചെയർമാൻ പദവിയിലെത്തുന്നത് എന്ന് അധികൃതർ അറിയിച്ചു.
ബോർഡിന്റെ നിലവിലെ ചെയർപേഴ്സണായ ജയ വർമ സിൻഹ ഓഗസ്റ്റ് 31 ന് സ്ഥാനമൊഴിയും. തുടർന്ന് സെപ്തംബർ ഒന്നിന് സതീഷ് കുമാർ സ്ഥാനം ഏറ്റെടുക്കും.സതീഷ് കുമാർ റെയിൽവേ ബോർഡിന്റെ ചെയർമാനായി സ്ഥാനം ഏറ്റെടുക്കുന്നത് മന്ത്രി സഭാ അപ്പോയ്മെന്റ് കമ്മിറ്റി അംഗീകരിച്ചതായി സർക്കാർ അറിയിച്ചു.
