കുളിർമഴ (കവിത) ✍കാവ്യ നായർ ആർ

എന്റെ ഹൃദയ സ്പർശിയായി
മനസ്സിനെ തഴുകി നീ….
വിണ്ടുകീറിയ ഭൂമിയാംജനനിയെ
തുള്ളി തുള്ളിയായി
തഴുകിയുണർത്തി.
നിന്നിലെ പ്രണയാർദ്ര സൂചകമായ്
പേമാരി പോലെ പുണർന്നനേരം
ലോക മാതാവിനു പുനർജന്മമായ്.

മനസിനു കുളിരായിപെയ്തിറങ്ങും
തേൻ മഴതുള്ളികളെന്നപോലെ
കോർത്തിണക്കുന്നൊരീ അക്ഷരങ്ങൾ
വിദ്യയായെന്നിൽ ജ്വലിച്ചിടുമ്പോൾ
അറിവിനായി അലയുന്ന പൈതൽ
ഞാനും
മഴയായി പ്രകൃതിയായ് മാതാവിനെ
തഴുകിയുണർത്തുന്ന നേരമെന്നിൽ
വിജ്ഞാനമേകി വളർത്തിടണേ
വിജ്ഞാനകേദാര സായൂജ്യമേ.

✍കാവ്യ നായർ ആർ