ബംഗളൂരു: ദക്ഷിണാഫ്രിക്കയ്‌ക്കെതിരായ ഏകദിന പരമ്പരയിലെ ആദ്യ മത്സരത്തില്‍ ഇന്ത്യന്‍ വനിതകള്‍ക്ക് വിജയം.143 റണ്‍സിനാണ് വിജയിച്ചത്.
ഇന്ത്യ ഉയര്‍ത്തിയ 266 റണ്‍സ് വിജയലക്ഷ്യം പിന്തുടര്‍ന്ന ദക്ഷിണാഫ്രിക്കയ്ക്ക് 122 റണ്‍സാണ് എടുക്കാനായത്. നാല് വിക്കറ്റെടുത്ത ആശ ശോഭന തിളങ്ങി. ദീപ്തി ശര്‍മ രണ്ട് വിക്കറ്റുകളും രേണുക താക്കൂര്‍,പൂജ വസ്ത്രകാര്‍,രാധ യാദവ് എന്നിവര്‍ ഓരോ വിക്കറ്റുകളും വീഴ്ത്തി.
സെഞ്ചുറി നേടിയ സ്മൃതി മന്ദാനയാണ് ഇന്ത്യയുടെ ടോപ് സ്‌കോറര്‍. 117 റണ്‍സാണ് സ്മൃതിയെടുത്തത്.ദീപ്തി ശര്‍മ 37 റണ്‍സും പൂജ വസ്ത്രകാര്‍ 31 റണ്‍സും എടുത്തു. സ്മൃതിയാണ് മത്സരത്തിലെ താരം. ജൂണ്‍ 19ന് ആണ് അടുത്ത മത്സരം.
