ചടയമംഗലം : ആയൂരിൽ ബൈക്ക് മോഷ്ടിച്ച് കടന്ന രണ്ടംഗ സംഘത്തെ ചടയമംഗലം പൊലീസ് പിടികൂടി. കൊല്ലം ഈസ്റ്റ് ഷാഡോ പൊലീസ് എസ്.സി.പി.ഒ ഷെഫീഖിന്റെ നേതൃത്വത്തിലുള്ള പൊലീസ് സംഘം നൽകിയ വിവരത്തിന്‍റെ അടിസ്ഥാനത്തിൽ പ്രതികളെ ചടയമംഗലം പൊലീസ് പിടികൂടുകയായിരുന്നു.
കൊല്ലം അഞ്ചാലുംമൂട് സരിതാഭവനിൽ പ്രവീൺ (24), കൊല്ലം ജവഹർ ജംഗ്ഷനിൽ മുഹമ്മദ് താരിഖ് (25) എന്നിവരാണ് പിടിയിലായത്.പിടിയിലായ മുഹമ്മദ് താരിഖ് 30 ഓളം കേസുകളിൽ പ്രതിയാണ്. ഇക്കഴിഞ്ഞ ജൂൺ 13ന് ആണ് കേസിനാസ്പദമായ സംഭവം നടന്നത്.പ്രതികളെ ആയൂരിലെ കടയിൽ എത്തിച്ച് തെളിവെടുപ്പ് നടത്തി. സി.ഐ സുനീഷ്, എസ്.ഐമാരായ മോനിഷ്, ദിലീപ്, ജി.എസ്.ഐ ഫ്രാങ്ക്‌ളിൻ, വേണു, ഉല്ലാസ്, ജോബി എന്നിവരുടെ നേതൃത്വത്തിലുള്ള പൊലീസ് സംഘമാണ് പ്രതികളെ അറസ്റ്റ് ചെയ്തത്.
