ഇടുക്കി –ഇടുക്കിയിൽ പൈനാവിൽ രണ്ടുവയസുകാരിയുടെ ദേഹത്ത് ബന്ധു പെട്രോൾ ഒഴിച്ച് തീകൊളുത്തി. കുട്ടിയെ രക്ഷിക്കാൻ ശ്രമിച്ച മുത്തശ്ശിക്കും പൊള്ളലേറ്റു.. അന്നക്കുട്ടി (57) കൊച്ചുമകൾ ദിയ എന്നിവർക്കാണ് പൊള്ളലേറ്റത്. അന്നക്കുട്ടിയുടെ മകളുടെ ഭർത്താവ് സന്തോഷ് ആണ് ആക്രമണത്തിന് പിന്നിൽ. ഇരുവരെയും കോട്ടയം മെഡിക്കൽ കോളജിലേക്ക് മാറ്റി. കുടുംബ വഴക്കാണ് സംഭവത്തിന്റെ കാരണമെന്ന് പോലീസ് പറഞ്ഞു.സന്തോഷിനെ പോലീസ് കസ്റ്റഡിയിലെടുത്തു.
