🌹 ചിന്താ പ്രഭാതം 🌹 – 2024 | മെയ് 28 | ചൊവ്വ ✍ ബേബി മാത്യു അടിമാലി

എല്ലാ സംഭവങ്ങൾക്കും പല മാനങ്ങളും എല്ലാ വാദങ്ങൾക്കും മറുവാദങ്ങളും രൂപപ്പെടുന്നത് സ്വന്തം അനുഭവങ്ങളുടെയും കാഴ്‌ചപ്പാടുകളുടെയും മാത്രം പടിപ്പുരയിലിരുന്ന് ഓരോരുത്തരും കാര്യങ്ങളെ വീക്ഷിക്കുന്നതും വിലയിരുത്തുന്നതും കൊണ്ടാണ്.

ആരുടെയും അറിവുകളെ നിഷേധിക്കരുത്. ഒരേ പ്രായമുള്ളവർക്കെല്ലാം ഒരേ ചിന്തയോ അറിവോ അല്ല. ഓരോരുത്തരും അടയാളപ്പെടുത്തുന്ന ശരി തെറ്റുകളിൽ പോലും വ്യതിയാനങ്ങളുണ്ടാകും.

അടുത്തുള്ളവയെ അറിയാനും അകലെയുള്ളവയെ കണ്ടെത്താനുമുള്ള താൽപ്പര്യമാണ് എല്ലാവരുടെയും ക്രിയാത്മകതയും കാലിക പ്രസക്തിയും തീരുമാനിക്കുന്നത്..

വ്യത്യസ്ത അനുഭവങ്ങളില്ലാത്തവർക്ക് വ്യത്യസ്ത സമീപനങ്ങളും ഉണ്ടാകില്ല. സ്ഥിരം വഴികളിലൂടെ മാത്രം സഞ്ചരിച്ചിട്ടുള്ളവർ ഒരേ ദിശാസൂചക ബോർഡുകളും കാഴ്‌ചകളും മാത്രമേ പരിചയപ്പെടൂ.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍