🌹 ചിന്താ പ്രഭാതം 🌹 – 2024 | ഓഗസ്റ്റ് 30 | വെള്ളി ✍ ബേബി മാത്യു അടിമാലി

ഒരു കാര്യത്തിന് തുടക്കം കുറിക്കണമെന്ന് നമ്മൾ മനസ്സിൽ തീരുമാനിച്ചുറച്ചാൽ മുന്നിൽ കാണുന്നതെല്ലാം സാധ്യതകളായിരിക്കും. മറിച്ചാണെങ്കിൽ എല്ലാം തടസ്സങ്ങളും.

ആരംഭിക്കാൻ നിങ്ങൾ മികച്ചവർ ആകണമെന്നില്ല. ഏന്നാൽ ജീവിതത്തിൽ
മികച്ചവരാകണമെങ്കിൽ എന്തെങ്കിലും ആരംഭിച്ചേ മതിയാകൂ .

നിരന്തരമായ പരിശ്രമങ്ങളാണ് നേട്ടങ്ങൾ നേടിയെടുക്കാൻ നമ്മളെ പ്രാപ്തരാക്കുന്നത്. വിജയത്തിന് ഭാഗ്യത്തെ ആശ്രയിക്കുന്നതിലും
പരാജയത്തിന് ഭാഗ്യത്തെ കുറ്റപ്പെടുത്തുന്നതിലും യാതൊരു അർത്ഥവുമില്ല.

എല്ലാ നേട്ടങ്ങളുടെയും ആരംഭം തീവ്രമായ പരിശ്രമത്തിൽ നിന്നാണ്. ആരംഭം എന്ന വാക്കിനെ തന്നെ ചിലർ ഭയപ്പെടുന്നു. നിർഭയമായി തുടക്കം കുറിക്കൂ. തീർച്ചയായും ഒരു ദിവസം അതിന്റെ ഫലം നമ്മളെ തേടിവരും .

എല്ലാം അവസാനിച്ചു എന്ന് നമ്മൾ കരുതുന്നിടത്ത് നിന്നാകും പുതിയൊരു തുടക്കത്തിന് സാധ്യതയേറുന്നത്.സംഭവിച്ചതെല്ലാം നല്ലതിന്. സംഭവിച്ചുകൊണ്ടിരിക്കുന്നതും നല്ലതിന് . ഇനി സംഭവിക്കാൻ പോകുന്നതും നല്ലതിന് എന്ന ശുഭാപ്തി വിശ്വാസമാകട്ടെ എപ്പോഴും നമ്മെ നയിക്കേണ്ടത്.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി