🌹 ചിന്താ പ്രഭാതം 🌹 – 2025 | ജനുവരി 01 | ബുധൻ ✍ ബേബി മാത്യു അടിമാലി

പ്രിയപ്പെട്ടവരേ,

അങ്ങിനെ 2024 കടന്നു പോയിരിക്കുന്നു. സന്തോഷവും ദുഃഖവും ഉയർച്ചയും താഴ്ച്ചയും ചിരിയും കണ്ണുനീരും എല്ലാം പകർന്നു തന്ന പോയവർഷത്തെ പന്ത്രണ്ടു മാസങ്ങൾ .

നമ്മുടെ ജീവിതത്തിലേക്കു കടന്നു കയറിയവർ, വേർപിരിഞ്ഞു പോയവർ എണ്ണിയാൽ തീരാത്ത സമ്മിശ്ര വികാരങ്ങൾ തന്നിട്ടു പോയ 2024 . തളർത്തുവാനും വളർത്തുവാനും അനേക അവസരങ്ങൾ സമ്മാനിച്ചിട്ട് കാലത്തിന്റെ യവനികയ്ക്കുള്ളലേക്ക് കടന്നുപോയ 2024.

ദു:ഖങ്ങളും പരിഭവങ്ങളും മറന്ന് സ്നേഹത്തിന്റെയും സന്തോഷത്തിന്റെയും പ്രതീക്ഷകളോടെ 2025 – നെ വരവേൽക്കുവാൻ നമ്മൾ ഒരുങ്ങിക്കഴിഞ്ഞു.

പുതുവത്സരം ഒരു ശൂന്യമായ പുസ്തകം പോലെയാണ്. അതിൽ എഴുതുവാനുള്ള പേന നിങ്ങളുടെ കൈകളിലാണ്. ഏറ്റവും മനോഹരമായി നിങ്ങളുടെ ജീവിതത്തെ ഇവിടെ രേഖപ്പെടുത്തുക.

കഴിഞ്ഞ വർഷത്തെ വാക്കുകൾ പോയ വർഷത്തെ ഭാഷയുടെതാണ്. പുതിയ വർഷത്തിൽ പുതിയ ശബ്ദങ്ങളും പുതിയ വാക്കുകളും നന്മയുടെ പുതു വസന്തവും ഉണ്ടാവട്ടെ .

ഒരു പുതിയ പൂവ് ചുറ്റും സുഗന്ധം പരത്തുന്നതു പോലെ ഈ പുതു വർഷം നിങ്ങൾക്ക് സുഗന്ധ പൂരിതമാകട്ടെ

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി