ന്യൂഡൽഹി: ഡൽഹിയിൽ ഇന്ന് രാവിലെ 10:30ന് ഓൺലൈനിലായാണ് ചടങ്ങുകൾ നടക്കുക.യുവാക്കളെ അഭിസംബോധന ചെയ്ത് മോദി സംസാരിക്കുകയും ചെയ്യും. കേന്ദ്ര സർക്കാറിന് കീഴിൽ വരുന്ന വിവിധ വകുപ്പുകളിൽ യുവാക്കൾക്ക് നിയമനം നൽകുന്ന റോസ്ഗാർ മേളയുടെ ഭാഗമായാണ് നിയമനപത്രം കൈമാറുക. കഴിഞ്ഞ കുറച്ചുവർഷങ്ങളായി നിരവധിയാളുകൾക്കാണ് റോസ്ഗർ മേളയിലൂടെ തൊഴിൽ ലഭിച്ചത്.
തിരുവനന്തപുരത്ത് നടക്കുന്ന പരിപാടിയിൽ കേന്ദ്രമന്ത്രി ചിരാഗ് പാസ്വാൻ മുഖ്യാതിഥിയാകും. തൈക്കാട് രാജീവ് ഗാന്ധി സെന്‍റർ ഫോർ ബയോടെക്നോളജിയിൽ രാവിലെ 9ന് നടക്കുന്ന പരിപാടിയിൽ ചീഫ് പോസ്റ്റ് മാസ്റ്റർ ജനറൽ ജെടി വെങ്കിടേശ്വരലു, ഡിപിഎസ് നോഡൽ ഓഫീസർ അലക്സിൻ ജോർജ്ജ് തുടങ്ങിയവരും പങ്കെടുക്കും. കൊച്ചിയിൽ നടക്കുന്ന പരിപാടിയിൽ കേന്ദ്രമന്ത്രി സുരേഷ് ഗോപിയാണ് മുഖ്യാതിഥി. കൊച്ചിയിൽ പുതുതായി നിയമിതരായ 150 പേർക്ക് നിയമന കത്തുകൾ കൈമാറും.
രാജ്യത്തെ തൊഴിൽ സംരംഭങ്ങൾക്ക് ഊർജം പകരാൻ, നൈപുണ്യ വികസന, സംരംഭകത്വ മന്ത്രാലയത്തിലൂടെ ഗവ.തൊഴിൽരഹിതരായ യുവാക്കൾക്ക് സ്വകാര്യമേഖലയിൽ അനുയോജ്യമായ തൊഴിലവസരങ്ങൾ നൽകുന്നതിനായി രാജ്യത്തുടനീളം റോസ്ഗർ മേളകൾ സംഘടിപ്പിക്കുന്നുണ്ട്. സ്വകാര്യ/വ്യവസായ മേഖലയിൽ സമാന്തര വളർച്ച ഉറപ്പാക്കുക എന്ന ലക്ഷ്യത്തോടെയാണ് കേന്ദ്ര സർക്കാർ റോസ്ഗർ മേളകൾ ആരംഭിച്ചത്.
രാജ്യത്തുടനീളമായി 40 കേന്ദ്രങ്ങളിളാണ് റോസ്ഗർ മേളകൾ സംഘടിപ്പിക്കുന്നത്. പുതുതായി നിയമിതരാകുന്ന ഉദ്യോഗാർത്ഥികൾക്ക് iGOT കർമ്മയോഗി പോർട്ടലിൽ ലഭ്യമാകുന്ന ‘കർമയോഗി പ്രാരംഭ്’ വഴി അടിസ്ഥാന പരിശീലനം നേടാനുള്ള അവസരം ലഭിക്കും. 1400 ലധികം ഇ-ലേണിങ് കോഴ്‌സുകൾ ഇതിൽ ലഭ്യമാണ്. പുതുതായി നിയമിതതരാകുന്നവർക്ക് ജോലി ഫലപ്രദമായി ചെയ്യാനും വികസിത് ഭാരത് കെട്ടിപ്പടുക്കുന്നതിനായി പ്രവർത്തിക്കുന്നതിനും ആവശ്യമായ വൈദഗ്ധ്യം ഇത് നൽകും.
കേന്ദ്ര സായുധ സേനാംഗങ്ങൾ, സബ് ഇൻസ്പെക്ടർമാർ, കോൺസ്‌റ്റബിൾമാർ, എൽഡിസികൾ, സ്‌റ്റെനോസ്, പിഎമാർ, ഇൻകം ടാക്‌സ് ഇൻസ്പെക്ടർമാർ, എംടിഎസ് തുടങ്ങി എല്ലാ വിഭാഗങ്ങളിലും റോസ്ഗർ മേളയിലൂടെ റിക്രൂട്ട്‌മെന്‍റ് നടക്കും.യുവാക്കൾക്ക് തൊഴിലവസരങ്ങൾ ലഭ്യമാക്കുന്നതിനും പൗരന്മാരുടെ ക്ഷേമം ഉറപ്പാക്കുന്നതിനുമുള്ള സർക്കാരിന്‍റെ സുപ്രധാന ചുവടുവായ്‌പായാണ് കേന്ദ്രം റോസ്ഗർ മേളയെ കാണുന്നത്.
ജോലിക്ക് അപേക്ഷിക്കുന്നതിനും അഭിമുഖം നടത്തുന്നതിനുമായി നിരവധി തൊഴിലന്വേഷകരും തൊഴിലന്വേഷകരും ഒത്തുചേരുന്ന പരിപാടിയാണ് എൻഎസ്ഡിസി റോസ്ഗർ മേള. ദേശീയ നൈപുണ്യ യോഗ്യതാ ചട്ടക്കൂടിന് അനുസൃതമായി പരിശീലനം ലഭിച്ചവരും സാക്ഷ്യപ്പെടുത്തിയവരുമായ ഉദ്യോഗാർത്ഥികൾ ഉൾപ്പെടെ 8 /10 /12 / ഐടിഐ/, ഡിപ്ലോമ, ബിരുദധാരികൾ തുടങ്ങിയവ ഉൾപ്പെടെ അക്കാദമിക് യോഗ്യതയുള്ള 18-35 വയസ് പ്രായമുള്ള യുവാക്കളെയാണ് ഈ റോസ്ഗാർ മേളകൾ സാധാരണയായി നൽകുന്നത്.
