🌹 ചിന്താ പ്രഭാതം 🌹 – 2024 | ഒക്ടോബർ 27 | ഞായർ ✍ ബേബി മാത്യു അടിമാലി

നിങ്ങളുടെ മനോഭാവമാണ് നിങ്ങളുടെ ജീവിതത്തിന്റെ നിയന്ത്രണ കേന്ദ്രം’ എന്നാണ് പ്രശസ്ത മനഃശാസ്ത്ര വിദഗ്ധനായ നോർമൻ കസിൻസ് പറയുന്നത്.

നിങ്ങളുടെ മനസ്സ് ഒരു ജാലകമാണ്. ആ ജാലകത്തിൽ കൂടിയാണ് നിങ്ങൾക്കു ചുറ്റുമുള്ള ലോകത്തെ നിങ്ങൾ നോക്കിക്കാണേണ്ടത്. അതുകൊണ്ട് ആ ജാലകത്തെ സ്വയം വൃത്തിയാക്കി തിളക്കമുള്ളതാക്കി വെക്കുക എന്നാണ് ജോർജ് ബർണാഡ് ഷാ പറഞ്ഞിട്ടുള്ളത്.

മനോഭാവത്തെക്കുറിച്ച് ഏറെ വാചാലനായ വില്യം ജെയിംസ് പറയുന്നത് ഏറെ ശ്രദ്ധേയമാണ്. അദ്ദേഹം പറഞ്ഞു, മുൻവിധികൾ പുനഃ ക്രമീകരിക്കുമ്പോൾ അവർ ചിന്തിക്കുകയാണെന്നാണ് പലരും കരുതുന്നത്. ഏതൊരു തലമുറയുടെയും ഏറ്റവും വലിയ കണ്ടെത്തൽ, ഒരു മനുഷ്യന് തന്റെ മനോഭാവത്തിൽ മാറ്റം വരുത്തിയാൽ ജീവിതത്തെ മാറ്റിമറിക്കാൻ കഴിയും എന്നതാണ്.

മോശമായ മനോഭാവം പഞ്ചറായടയർ പോലെയാണ്. അത് ജീവിതത്തിൽ ഉയരങ്ങളിൽ എത്താൻ നമ്മെ സഹായിക്കില്ല. നമ്മുടെ മനോഭാവമാണ് നമ്മുടെ ഉയർച്ച നിശ്ചയിക്കുന്നതെന്ന് നാം തിരിച്ചറിയുക. നല്ല ചിന്തകളും അന്വേഷണങ്ങളുമാണ് നമ്മുടെ മനോഭാവത്തെ രൂപപ്പെടുത്തേണ്ടത്. ശുഭാപ്തി വിശ്വാസവും ക്രിയാത്മക ചിന്തകളും മനോഭാവത്തെ ധന്യമാക്കുമ്പോൾ ജീവിത പരിസരങ്ങളിൽ വിജയ തിളക്കം ഉണ്ടാവാതിരിക്കില്ല.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി