കാൽഗറി: മലങ്കര ഓർത്തഡോക്സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസനത്തിലുള്ള കാനഡ – കാൽഗറി സെന്റ് മേരീസ് ഓർത്തഡോക്സ് ചർച്ചിന്റെ നിർമ്മാണഫണ്ട് ശേഖരണത്തിനായി പ്രശസ്ത മാന്ത്രികനായ പ്രൊഫസർ സാമ്രാജുo സംഘവും അവതരിപ്പിക്കുന്ന “Canadian Illusion 2024” ഒക്ടോബർ 6 – ഞായറാഴ്ച Journey Church 10307 Eamon Rd NW, Calgary, യിൽ 6.00 PM മുതൽ അരങ്ങേറുന്നു .
2002 ൽ ഒരു congregation ആയി തുടങ്ങിയ കൂട്ടായ്മ എട്ട് വർഷകാലം മാസത്തിൽ ഒരു കുർബ്ബാന മാത്രം നടത്തിപ്പോരുകയായിരുന്നു . 2010 ഓടു കൂടി കൂട്ടായ്മ ഒരു പൂർണ ഇടവകയാവുകയും തുടർന്ന് അഭ്യൂത പൂർവ്വമായ വളർച്ചയിൽ കൂടി ഇടവക മുൻപോട്ട് പോവുകയും ചെയ്തു. ഇപ്പോൾ ഏകദേശം നൂറിലധികം കുടുംബങ്ങൾ ഇടവകയിൽ പ്രവർത്തിക്കുന്നു. കാനഡയിലും ഇന്ത്യയിലുമായി വിവിധ തരത്തിലുള്ള സാമൂഹ്യ സാമ്പത്തിക സഹായങ്ങൾ ഈ ഇടവക നടത്തി വരുന്നു.
2014 ൽ ഇടവക സ്വന്തമായി വസ്തു വാങ്ങുകയും 2019 ൽ അതിന്‍റെ സോണിങ്ങും, 2020 ൽ നിർമാണ അനുമതിയും ലഭിച്ചു. 2023 ജൂലായ് 7 നു പ്രാരംഭ പണികൾ ആരംഭിച്ചു. 2024 ജൂൺ 29th നു വി. കുർബ്ബാനനന്തരം ഭദ്രാസന മെത്രാപ്പോലീത്ത അഭിവന്ദ്യ ഡോക്ടർ. തോമസ് മാർ ഈവാനിയോസ് അടിസ്ഥാന കല്ല് ഇട്ട് ദേവാലയ നിർമ്മാണം ആരംഭിച്ചു. അന്നേ ദിവസം തന്നെ “കനേഡിയൻ ഇല്ല്യൂഷൻ 2024 ” ൻറെ ടിക്കറ്റ് വിതരണ ഉത്‌ഘാടനവും അദ്ദേഹം നിർവഹിച്ചു .
ഇടവക വികാരി ഫാ. ജോർജ് വർഗീസ്, ട്രഷറാർ ഐവാൻ ജോൺ, സെക്രട്ടറി അശോക് ജജോൺസൺ, കോർഡിനേറ്റർ ജോ വർഗീസ് തുടങ്ങിയവരുടെ നേത്യത്വത്തിൽ വിവിധ കമ്മിറ്റികൾ “കനേഡിയൻ ഇല്ല്യൂഷൻ 2024 ” ന്റെ വിജയത്തിനായി പ്രവർത്തിക്കുന്നു.
കൂടുതൽ വിവരങ്ങൾക്ക് ബന്ധപ്പെടുക: Ivan John-403-708-4123, Joe Varughese -403-828-0855.
