എനിക്കു മരിക്കണം
എൻ്റെഹൃദയം നിലക്കാതെ
എനിക്കു ജീവിക്കണം
എൻ്റെ അവയവങ്ങളിലൂടേ
ജൻമകർമ്മങ്ങളൊക്കെയും
തീരുംവരെ
ജീവിച്ചിടേണമെന്നാശയുണ്ടുള്ളിലായ്,
കർമ്മങ്ങൾ ഭംഗിയായി
തീരുന്നമാത്രയിൽ
എന്നെയും തേടിവന്നിടട്ടെ മരണം
ഹൃദയം നിലക്കാത്ത
മസ്തിഷ്കമരണം
എനിക്ക് കത്തിച്ചാമ്പലാകേണ്ട
മണ്ണിട്ടുമൂടി പുഴുവരിക്കേണ്ട
എൻ്റെ കണ്ണും കരളും ഹൃദയവും
അതർഹിക്കുന്നവർക്കായി
പുതുജീവൻ പകർന്നു നൽകിടട്ടെ
വിധിയെ
തടുക്കുവാനാകില്ലെന്നറിയാമെങ്കിലും
എൻ്റെ ഹൃദയംനിലച്ചാൽ
ഭാവിവൈദ്യശാസ്ത്ര പ്രതിഭകൾക്ക്
പാഠപുസ്തകം ആയിടട്ടെ എന്റെ
ശരീരം.
ഞാനൊരു പാഴ്തടിയല്ല
കത്തിച്ചാമ്പലാകാൻ
ഞാനൊരു പാഴ്ത്തടിയല്ല
അഴുകി മണ്ണായി തീരുവാൻ.
