🌺 ശുഭദിനം 🌺 – 2024 | ജൂൺ 30 | ഞായർ ✍ അർച്ചന കൃഷ്ണൻ

“നമ്മുടെ വികാരങ്ങളെ നിയന്ത്രിച്ചും സ്വയം മാനവീകരിച്ചുമാണ് നവീകരണം ആരംഭിക്കേണ്ടത്”

ഡോ എസ് രാധാകൃഷ്ണൻ

ഒരാളെ പോരായ്‌മകളോടെ അവരെ പരിഗണിക്കപ്പെടുക,കേൾക്കപ്പെടുക, കരുതപ്പെടുക,സ്നേഹിക്കപ്പെടുക, അംഗീകരിക്കപ്പെടുകയെന്നത് ഏതൊരു മനുഷ്യനും ആഗ്രഹിക്കുന്നവയാണ്. തന്റെ വിളിക്കപ്പുറം,തന്നെ കേൾക്കാനായി ഒരാളുണ്ട്,തന്റെ ജീവിതം പൂർണമായും അറിയുന്ന ഒരാളുണ്ട്, മറകൂടാതെ മുഖംമൂടികൂടാതെ തന്റെ വ്യക്തിത്വത്തെ തിരിച്ചറിയുന്ന ഒരാളുണ്ട്. ഇങ്ങനെയുള്ള അനുഭവം ഓരോ വ്യക്തി ജീവിതത്തിലും ഒരു ഭാഗ്യമാണ്.

ഏവർക്കും ലഭിക്കണമെന്നില്ല ആത്മ ബന്ധങ്ങൾ. ചിലർക്ക് പ്രതീക്ഷിക്കാത്ത സമയത്തു വീണു കിട്ടുന്ന പഴുത്ത മാമ്പഴം തന്നെയാണ്. പ്രളയകാലത്തെ ദുരന്തങ്ങൾക്കിടയിൽ കണ്ടുകിട്ടുന്ന പവിഴങ്ങളുടെ കൂമ്പാരമാണിത്. ഒരു ചിന്തപോലെ ജനിച്ചു, ഒരു നിശ്വാസംപോലെ മരിച്ചു, ഒരു നിഴൽപോലെ പോയി മറയുന്നതല്ല ബന്ധങ്ങൾ. ഒറ്റപെട്ട മനുഷ്യൻ ഒരു അറ്റമൈസേഡ് സൊസൈറ്റി ആണ് . ഒറ്റക്കല്ലെന്ന തോന്നൽ, ഓർമകളിൽ, ചിന്തകളിൽ, വരികളിൽ ജീവിതത്തിൽ നിറഞ്ഞു നിൽക്കുന്ന യാഥാർഥ്യമാണ്. ഒരു സുഹൃത്തിനേക്കാൾ അടുപ്പമുള്ളവൻ അല്ലേൽ അടുപ്പമുള്ളവൾ, സഹോദരനെക്കാൾ സഹോദരിയെക്കാൾ ബന്ധമുള്ളവർ, കാമുകിയേക്കാൾ കാമുകനേക്കാൾ പ്രിയപ്പെട്ടവർ, ഭാര്യയെക്കാൾ ഭർത്താവിനേക്കാൾ വിശ്വസിക്കാൻ പറ്റുന്നവർ, ആത്മാവിൽ വസിക്കുന്ന ചിന്തകളുടെ സ്നേഹത്തിന്റെ സുന്ദരമായ സ്വപ്നങ്ങൾ നെയ്യുന്നവരാണ്.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ