കൊച്ചി: ഓണാഘോഷത്തിനിടെ കുഴഞ്ഞുവീണ് തേവര എസ്എച്ച് കോളജിലെ അധ്യാപകന്‍ മരിച്ചു. കോളജിലെ സ്റ്റാഫ് സെക്രട്ടറിയും ഇംഗ്ലീഷ് വിഭാഗം അസിസ്റ്റന്‍റ് പ്രഫസറുമായ തൊടുപുഴ കല്ലൂര്‍ക്കാട് വെട്ടുപാറക്കല്‍ ജെയിംസ് വി. ജോര്‍ജ് (38) ആണ് മരിച്ചത്.
ഓണാഘോഷത്തിന്‍റെ ഭാഗമായുള്ള വടംവലിക്കിടെ ജെയിംസ് കുഴഞ്ഞു വീഴുകയായിരുന്നു. ഉടന്‍ തന്നെ ജെയിംസിനെ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ എത്തിച്ചെങ്കിലും മരണം സംഭവിച്ചു.
വെട്ടുപാറക്കല്‍ പരേതനായ വര്‍ക്കിയുടെയും മേരിയുടെയും മകനാണ്. ഭാര്യ: സോന ജോര്‍ജ്. രണ്ട് വയസുള്ള ഒരു കുട്ടിയുണ്ട്.
➖️➖️➖️➖️➖️➖️➖️➖️
