പന്തളം ഉപജില്ലാ സ്‌കൂള്‍ കലോത്സവം: അരങ്ങുണര്‍ന്നു, പതിവിലും ആവേശം
പന്തളം ഉപജില്ലാ സ്‌കൂള്‍ കലോത്സവംനിയമസഭാ ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ ഉദ്ഘാടനം ചെയ്തു. കലോത്സവം, കലാപ്രതിഭയുടെ സംഗമോത്സവമാണെന്ന് അദ്ദേഹം പറഞ്ഞു. പന്തളം മഹാദേവര്‍ ക്ഷേത്ര ഓഡിറ്റോറിയത്തില്‍ നടന്ന ചടങ്ങില്‍ നഗരസഭ ചെയര്‍പേഴ്‌സണ്‍ സുശീല സന്തോഷ് ആധ്യക്ഷയായി.
വ്യക്തിഗത മത്സരങ്ങളിലും ഗ്രൂപ്പ് മത്സരങ്ങളിലുമായി വിവിധ സ്‌കൂളുകളില്‍ നിന്ന് നിരവധി പ്രതിഭകളാണ് മാറ്റുരയ്ക്കുന്നത്. സാംസ്‌കാരിക ഘോഷയാത്രയോടെയാണ് കലോത്സവത്തിന് തുടക്കം കുറിച്ചത് ഉപജില്ലാ വിദ്യാഭ്യാസ ഓഫീസര്‍ ഉഷ പി പതാക ഉയര്‍ത്തി.
കലാപരിപാടികളുടെ ഉത്ഘാടനം അഡ്വ. സുരേഷ് സോമ നിര്‍വഹിച്ചു. പന്തളം തെക്കേക്കര ഗ്രാമപഞ്ചായത്ത് പ്രസിഡന്റ് എസ.് രാജേന്ദ്രപ്രസാദ് മുഖ്യപ്രഭാഷണം നിര്‍വഹിച്ചു. രാഷ്ട്രീയ-സാംസ്‌കാരിക പ്രമുഖര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.കലോത്സവം 12ന് സമാപിക്കും. വിവിധ വിദ്യാലയങ്ങളില്‍ നിന്നായി 2000-ത്തോളം കലാപ്രതിഭകള്‍ ആണ് പങ്കെടുക്കുന്നത്.
